ભારતમાં લોંચ થયું Twitter Blue, જાણો તેના પ્લાન

ટ્વિટરે  (Twitter)આખરે તેનું પ્રીમિયમ સબ્સ્ક્રિપ્શન ટ્વિટર બ્લુ (Twitter Blue) ભારતમાં લોન્ચ કર્યું છે. કંપનીએ ટ્વિટર વેબસાઈટ દ્વારા તેને એક્સેસ કરનારાઓ માટે દર મહિને રૂ. 650ના ભાવે નવું સબ્સ્ક્રિપ્શન રજૂ કર્યું છે. એન્ડ્રોઇડ અથવા આઇઓએસ એપ દ્વારા સબસ્ક્રાઇબ કરનારા યુઝર્સે 900 રૂપિયાની માસિક ફી ચૂકવવી પડશે. તમને જણાવી દઈએ કે, ટ્વિટર બ્લુને ગયા વર્ષે ફરીથી ડિઝાઇન કરવામાં આવ્યું હતું, જેમાં યુઝર્સને બ્લુ ચેક માર્ક, ટ્વીટ એડિટ કરવાની ક્ષમતા, લાંબી વીડિયો પોસ્ટ, બુકમાર્ક, કસ્ટમ એપ આઇકોન અને પ્રોફાઇલ ફોટો જેવા ઘણા નવા ફીચર્સ આપવામાં આવ્યા હતા. 

કંપની વેબસાઇટ પર વાર્ષિક સબ્સ્ક્રિપ્શન લેવા માટે ડિસ્કાઉન્ટેડ કિંમત ઓફર કરી રહી છે. જો વપરાશકર્તા તેમના સબસ્ક્રિપ્શનનું માસિક બિલ મેળવે છે, તો તેઓ 7,800 રૂપિયા ચૂકવશે, જ્યારે તેઓ વાર્ષિક ચૂકવણી કરવાનું પસંદ કરશે, તો તેઓ 1,000 રૂપિયા બચાવશે અને 6,800 રૂપિયા ચૂકવશે. તમારે વેબસાઈટ પર માત્ર ડાબી કોલમમાં 'Twitter Blue' પર ક્લિક કરવાનું છે. એક પોપ-અપ તમને તમારી પસંદગીની યોજના પસંદ કરવાનો અને પછી ચુકવણી કરવાનો વિકલ્પ આપશે. વાર્ષિક યોજના ફક્ત વેબસાઇટ દ્વારા જ ઍક્સેસિબલ હશે.

Android અને iOS પર તમારે એપ ખોલવી પડશે અને મેનુને ઍક્સેસ કરવા માટે જમણે સ્વાઇપ કરવું પડશે. આ પછી તમને 'Twitter Blue' વિકલ્પ દેખાશે. એકવાર તમે તેના પર ક્લિક કરો, ટ્વિટર તમને 900 રૂપિયાના માસિક ખર્ચે પ્રીમિયમ સેવામાં સબ્સ્ક્રાઇબ કરવા દેશે. પછી તમે બ્લુટિક યુઝર હશો. તમને જણાવી દઈએ કે, જ્યારથી ટ્વિટરે ભારતમાં આ પોલિસી શરૂ કરી છે. બ્લુટિકે યુઝર્સને TweetDeck નો ઉપયોગ કરવાની એક્સેસ આપવાનું બંધ કરી દીધું છે. એક્સપર્ટ્સનું કહેવું છે કે જે યુઝર્સે પૈસા આપ્યા વગર બ્લુટિક લીધી છે તેમના માટે કંપની ઘણી સમસ્યાઓ ઊભી કરશે. જેથી તે સબસ્ક્રિપ્શન પ્લાન ખરીદી શકે.

આ પણ વાંચો--ટ્વિટરનું સર્વર ડાઉન, ફેસબુક-ઇન્સ્ટા-યુટ્યુબ પર પણ લોગિંનની સમસ્યા