પાંચ ડોલરની ચલણી નોટમાંથી હટાવાશે મહારાણી એલિઝાબેથની તસવીર

બ્રિટન (Britain)ની મહારાણી એલિઝાબેથ દ્વિતીય (Queen Elizabeth)ના નિધન બાદ ઓસ્ટ્રેલિયા (Australia)ની સરકાર દ્વારા મોટો નિર્ણય લેવામાં આવ્યો છે. ક્વીન એલિઝાબેથ હવે ઓસ્ટ્રેલિયાની પાંચ ડોલરની ચલણી નોટ પર દેખાશે નહીં. તેના બદલે ઓસ્ટ્રેલિયા તેની સ્વદેશી સંસ્કૃતિના ઇતિહાસને પ્રતિબિંબિત કરશે. રિઝર્વ બેંક ઑફ ઑસ્ટ્રેલિયા દ્વારા જારી કરવામાં આવેલા નિવેદન અનુસાર, આ નિર્ણય સંઘીય સરકાર સાથે ચર્ચા કર્યા બાદ લેવામાં આવ્યો છે. જો કે સ્પષ્ટતા કરવામાં આવી છે કે ઓસ્ટ્રેલિયન સંસદની તસવીર નોટની બીજી બાજુ રહેશે.

રિઝર્વ બેંકના અધિકારીઓએ કહ્યું છે કે પાંચ ડોલરની નોટ પર રાણીનું ચિત્ર સામેલ નહોતું કારણ કે તે રાણી હતી. તેના બદલે આ ચિત્ર તેમના વ્યક્તિત્વને દર્શાવે છે. ચલણી નોટને અપડેટ કરવાનો નિર્ણય ત્યારે આવ્યો છે જ્યારે ઓસ્ટ્રેલિયાની કેન્દ્ર-ડાબેરી લેબર સરકાર બંધારણમાં ફેરફાર કરવા માટે જનમત સંગ્રહ માટે દબાણ કરી રહી છે.

તમને જણાવી દઈએ કે, સપ્ટેમ્બર 2022માં ઓસ્ટ્રેલિયાએ સ્પષ્ટ કર્યું હતું કે ક્વીન એલિઝાબેથ બાદ નોટ પર કિંગ ચાર્લ્સનું ચિત્ર નહીં છાપવામાં આવશે, પરંતુ તેના બદલે ઓસ્ટ્રેલિયન પ્રતિબિંબ લગાવવામાં આવશે. રિઝર્વ બેંકે કહ્યું કે તે $5ની નોટ ડિઝાઇન કરવા માટે સ્વદેશી જૂથો સાથે પરામર્શ કરશે. નવી નોટને ડિઝાઈન કરવામાં અને પ્રિન્ટ કરવામાં ઘણા વર્ષો લાગશે. ત્યાં સુધી હાલની નોટો જારી થતી રહેશે.

આ પણ વાંચો--અમેરિકામાં બરફના તોફાનથી 1400થી વધુ ફ્લાઈટ્સ રદ