અંબાણી પરિવાર ટીનાના ફિલ્મી કરિયરની વિરુદ્ધ હતો

ટીના અંબાણી (Tina Ambani) આજે પોતાનો 67મો જન્મદિવસ ઉજવી રહી છે. ટીના અંબાણીનો જન્મ 11 ફેબ્રુઆરી 1957ના રોજ મુંબઈમાં થયો હતો. તે ગુજરાતી પરિવારની છે. ટીના અંબાણીએ જય હિંદ કોલેજમાંથી ગ્રેજ્યુએશન કર્યું છે. તે 70 થી 80 ના દાયકાની જાણીતી અભિનેત્રી હતી. ફિલ્મોમાં કારકિર્દી શરૂ કરતા પહેલા, તેણીએ 1975 માં ફેમિના ટીન પ્રિન્સેસનો ખિતાબ જીત્યો હતો. તેમણે માત્ર 21 વર્ષની ઉંમરે બોલિવૂડમાં પોતાની કારકિર્દીની શરૂઆત કરી હતી. વર્ષ 1978માં ટીનાએ ફિલ્મ પરદેસથી પોતાના ફિલ્મી કરિયરની શરૂઆત કરી હતી. આ ફિલ્મમાં તે દેવ આનંદ સાથે જોવા મળી હતી. અભિનેત્રીએ બોલીવુડમાં પોતાના કામ દ્વારા ઘણી સફળતા મેળવી હતી.

ટીના અંબાણી દ્વારા લૂંટમાર, મનપસંદ, રોકી, સૌતન. કર્ઝ જેવી ઘણી હિટ ફિલ્મોમાં કામ કર્યું. અનિલ અંબાણી સાથેના લગ્ન બાદ તેણે બોલિવૂડ ફિલ્મોથી દૂરી બનાવી લીધી હતી. 31 વર્ષની ઉંમરે એટલે કે 1991માં અભિનેત્રીએ દેશના મોટા ઉદ્યોગપતિ અનિલ અંબાણી સાથે લગ્ન કર્યા હતા. જોકે લગ્ન પહેલા અભિનેત્રીનું નામ દેવ આનંદ અને મુકેશ ખન્ના જેવા મોટા કલાકારો સહિત બોલિવૂડના ઘણા કલાકારો સાથે જોડાયું હતું.

ટીના અંબાણી અને અનિલ અંબાણીની લવ સ્ટોરી ખૂબ જ અનોખી હતી. બંને પહેલીવાર લગ્ન સમારોહમાં મળ્યા હતા. તે દરમિયાન ટીના બ્લેક સાડીમાં જોવા મળી હતી, જેના પછી અનિલ અંબાણી તેના દિવાના થઈ ગયા હતા. જોકે, ટીનાએ તેની તરફ ધ્યાન આપ્યું ન હતું. આ મુલાકાત બાદ બંને ફિલાડેલ્ફિયામાં મળ્યા હતા. ત્યારપછી ધીરે ધીરે બંનેની મુલાકાતો વધવા લાગી.

મળતી માહિતી મુજબ, અંબાણી પરિવારને ટીનાની એક્ટિંગ કરિયરમાં સમસ્યા હતી, જેના કારણે એક સમયે બંને વચ્ચે અણબનાવ થયો હતો. આ પછી અભિનેત્રી લોસ એન્જલસ રહેવા ગઈ. ત્યારે જ ત્યાં ભૂકંપના આંચકા અનુભવાયા હતા. અનિલ અંબાણીએ ટીનાને ફોન કરીને તેની હાલત વિશે પૂછ્યું, ત્યારબાદ બંને વચ્ચેનું અંતર સમાપ્ત થઈ ગયું. સાથે જ અંબાણી પરિવારે પણ અનિલ અને ટીનાના લગ્નને મંજૂરી આપી દીધી હતી. બંનેએ વર્ષ 1991માં લગ્ન કર્યા અને ટીના મુનીમમાંથી ટીના અંબાણી બની. તેમણે લગ્ન પછી ફિલ્મી દુનિયાને અલવિદા કહી દીધું. જો કે, અંબાણી પરિવાર સાથે જોડાણ કર્યા પછી, અભિનેત્રી ઘણી ચેરિટી ઇવેન્ટ્સમાં જોવા મળે છે.

ટીના અંબાણીએ લગ્ન પછી સલાહકાર તરીકે નેશનલ ગેલેરી ઑફ મોર્ડન આર્ટ, મુંબઈ અને નેશનલ ઈન્સ્ટિટ્યૂટ ઑફ ડિઝાઈન, અમદાવાદના બોર્ડમાં સેવા આપી છે. ટીના અનેક કલ્યાણ સંસ્થાઓ સાથે સંકળાયેલી છે જેમ કે અસિમા, એક NGO જે શેરી બાળકોના પુનર્વસન માટે કામ કરે છે.

આ પણ વાંચો--નવાઝુદ્દીન સિદ્દીકી પર પત્ની આલિયા ગુસ્સે થઈ, પોસ્ટ શેર કરી કહી આ વાત