'શું મારે ટ્વિટરનું CEO પદ છોડવું જોઈએ ?' મસ્કે માગી માફી

ટ્વિટર (Twitter)ના સીઈઓ એલોન મસ્ક (Elon Musk)એ આ સોશિયલ મીડિયા પ્લેટફોર્મ પર એક POLL શરૂ કર્યો છે. આમાં તેમણે આ માઈક્રો-બ્લોગિંગ સાઈટના લાખો યુઝર્સને પૂછ્યું છે કે, 'શું મારે ટ્વિટરના વડા પદ પરથી રાજીનામું આપી દેવું જોઈએ?'. મસ્કે ટ્વીટ કર્યું કે તેઓ POLLના નિર્ણયનું પાલન કરશે. 

અન્ય એક ટ્વીટમાં તેમણે કહ્યું કે, "હવેથી Twitter નીતિમાં મોટા ફેરફારો પહેલા POLL કરશે, હું માફી માંગુ છું, આવું ફરી નહીં થાય." એલોન મસ્ક આ પહેલા પણ ઘણી વખત આવા POLL કરી ચુક્યા છે. આ POLL દરેક  POLL કરતાં અલગ છે કારણ કે તેમાં તેમણે પોતે જ પોતાની કંપનીના CEO પદ છોડવાની ઓફર કરી છે. હવે જોવાનું રહેશે કે યુઝર્સ આ અંગે શું અભિપ્રાય આપે છે અને મસ્ક તેને સ્વીકારે છે કે નહીં.

 એલોન મસ્કના આ નવાં POLL અંગે ટ્વિટરે રવિવારે જાહેરાત કરી હતી કે ટ્વિટર ફેસબુક, ઇન્સ્ટાગ્રામ અને માસ્ટોડોન સહિતના વિશિષ્ટ સોશિયલ મીડિયા પ્લેટફોર્મને પ્રમોટ કરતા એકાઉન્ટ પર પ્રતિબંધ મૂકશે. મસ્કે કહ્યું કે અમારા ઘણા યુઝર્સ અન્ય સોશિયલ મીડિયા પ્લેટફોર્મ પર પણ એક્ટિવ છે. પરંતુ હવે અમે Twitter પર અન્ય પ્લેટફોર્મના મફત પ્રમોશનને મંજૂરી આપીશું નહીં. ટ્વિટરે કહ્યું છે કે તે અન્ય સોશિયલ મીડિયા પ્લેટફોર્મ અને કન્ટેન્ટને પ્રમોટ કરવાના હેતુથી બનાવેલા ટ્વિટર એકાઉન્ટને બંધ કરશે. Facebook, Instagram, Mastodon, Truth Social, Tribal, Nostra અને પોસ્ટનો પ્રચાર કરતા એકાઉન્ટ અને તેની સંબંધિત લિંક્સ બંધ કરવામાં આવશે. ટ્વિટરના નિયમોમાં ફેરફાર એવા સમયે આવ્યો છે જ્યારે મસ્કને પ્લેટફોર્મ પર મોટા નીતિગત ફેરફારો માટે ટીકાઓનો સામનો કરવો પડ્યો છે.

શુક્રવારે, યુએન સેક્રેટરી-જનરલ એન્ટોનિયો ગુટેરેસે ટ્વિટર પરથી કેટલાક પત્રકારોના એકાઉન્ટ સસ્પેન્ડ કરવા બદલ મસ્કની ટીકા કરી હતી. તેમણે આને અભિવ્યક્તિની સ્વતંત્રતાના દૃષ્ટિકોણથી એક ઉદાહરણ ગણાવ્યું હતું. જો કે, આકરી ટીકાના કલાકોમાં જ મસ્કે નિર્ણય પાછો ખેંચી લીધો હતો અને પત્રકારોના ખાતા પુનઃસ્થાપિત કર્યા હતા. મસ્કે થોડા મહિના પહેલા જ ટ્વિટર હસ્તગત કર્યું છે. ત્યારથી તે અને ટ્વિટર બંન્ને ટાઈમલાઈનમાં છે.

આ પણ વાંચો--ઇમરાને ફરી સાધ્યું જનરલ બાજવા પર નિશાન,કહ્યું તેમની સરકારને ષડયંત્ર આચરી પાડી દેવામાં આવી