સ્મૃતિ ઈરાનીની દીકરીના રિસેપ્શનમાં પહોંચ્યા શાહરૂખ-મૌની, શેનલ-અર્જુનને આ અંદાજમાં આપ્યા અભિનંદન

કેન્દ્રીય મંત્રી અને ભૂતપૂર્વ ટીવી અભિનેત્રી સ્મૃતિ ઈરાની (Smriti Irani)ની મોટી પુત્રી શેનલ ઈરાની તાજેતરમાં જ લગ્નના બંધનમાં બંધાઈ ગઈ છે. તેણીએ અર્જુન ભલ્લા સાથે લગ્ન કર્યા છે. તેમની રિસેપ્શન પાર્ટીનું આયોજન કરવામાં આવ્યું હતું. તેમાં સિને જગતની તમામ હસ્તીઓએ ભાગ લીધો હતો, જેમાં મૌની રોય પણ હાજરી આપી હતી. મૌની રોયે તેમના ઓફિશિયલ ઈન્સ્ટાગ્રામ એકાઉન્ટ પરથી રિસેપ્શનની તસવીરો શેર કરી છે. મૌનીએ શેનેલ અને અર્જુનને ખાસ રીતે અભિનંદન આપ્યા.

મૌની રોયે ત્રણ તસવીરો શેર કરી છે. આ તસવીરોમાં મૌની, તેમના પતિ સૂરજ નામ્બિયાર, શાહરૂખ ખાન, સ્મૃતિ ઈરાની, તેમનો પુત્ર શાનીલ અને જમાઈ અર્જુન વગેરે જોવા મળે છે. સ્મૃતિ ઈરાની લાલ સાડીમાં જોવા મળી રહી છે. સાથે જ મૌની રોયે પણ સાડી પહેરી છે.  શાનલ બ્લુ કલરની સાડીમાં છે. મૌનીએ તસવીરો શેર કરતી વખતે સુંદર કેપ્શન લખ્યું છે. તેમણે લખ્યું છે કે, 'શનીલ અને અર્જુન તમને બંનેને અભિનંદન! જીવનની સુંદર સફર માટે તમને બંનેને ખૂબ ખૂબ અભિનંદન. આ સાથે સ્મૃતિ ઈરાનીને ટેગ કરીને લખ્યું, 'લવ યુ દી'.

શેનલ ઈરાનીએ 9 ફેબ્રુઆરીએ અર્જુન ભલ્લા સાથે લગ્ન કર્યા. બંનેના લગ્ન રાજસ્થાનના નાગૌરમાં 500 વર્ષ જૂના ઐતિહાસિક ખિનવસર કિલ્લામાં થયા હતા. સમારોહ માટે સમગ્ર ખિંવસર કિલ્લાને દુલ્હનની જેમ શણગારવામાં આવ્યો હતો.

તમને જણાવી દઈએ કે મૌની રોય અને સ્મૃતિ ઈરાની વચ્ચે ખાસ બોન્ડિંગ છે. મૌની ઘણીવાર સોશિયલ મીડિયા પર સ્મૃતિ ઈરાની સાથે તસવીરો શેર કરતી જોવા મળે છે. બંનેએ ટીવી શો 'ક્યૂંકી સાસ ભી કભી બહુ થી'માં સાથે કામ કર્યું છે.

આ પણ વાંચો--મેકર્સને થઈ શકે છે મોટું નુકસાન, રિલીઝ થતા જ આ સાઈટ્સ પર લીક થઈ શહજાદા