કાશ્મીરમાં મરી જશે આતંકવાદનો 'રાવણ', ગૃહમંત્રીશ્રી અમિત શાહ,

ગૃહમંત્રી અમિત શાહે જમ્મુ-કાશ્મીરમાં સુરક્ષા સ્થિતિની સમીક્ષા કરી છે. તેમણે બુધવારે સવારે જ એક બેઠક બોલાવી હતી, જેમાં લેફ્ટનન્ટ ગવર્નર મનોજ સિન્હા અને અન્ય કેટલાક વરિષ્ઠ અધિકારીઓ પણ હાજર હતા. ગૃહમંત્રી અમિત શાહે જમ્મુ-કાશ્મીરમાં સુરક્ષા સ્થિતિની સમીક્ષા કરી છે. 

આ બેઠકમાં ખાસ કરીને સીઆરપીએફ અને બીએસએફના ડીજીને પણ બોલાવવામાં આવ્યા હતા. આ ઉપરાંત જમ્મુ-કાશ્મીર પોલીસના વરિષ્ઠ અધિકારીઓ પણ હાજર રહ્યા હતા. આ બેઠકમાં અમિત શાહે કલમ 370 નાબૂદ થયા બાદ સુરક્ષાની સ્થિતિનો તાગ મેળવ્યો હતો. એવું માનવામાં આવે છે કે અમિત શાહે તાજેતરનાતેમજ ભૂતકાળમાં ટાર્ગેટ કિલિંગની વધેલી ઘટનાઓની સ્થિતિનો તાગ મેળવ્યો હતો સાથે જ ભવિષ્યમાં આ પરિસ્થિતિનો સામનો કેવી રીતે કરવો તે અંગે પણ ચર્ચા કરવામાં આવી હતી.

બારામુલ્લામાં આજે અમિત શાહની રેલી પણ યોજાવા જઈ રહી છે. આ પહેલા મંગળવારે તેમણે રાજૌરીમાં રેલી કરી હતી અને આ દરમિયાન તેમણે પહાડી સમુદાયને અનામત આપવાની જાહેરાત કરી હતી. અમિત શાહ લાંબા સમય બાદ જમ્મુ-કાશ્મીરની મુલાકાતે છે. 

છેલ્લા કેટલાક મહિનામાં જમ્મુમાં કાશ્મીરી પંડિતો, પ્રવાસી મજૂરોની ટાર્ગેટ કિલિંગની ઘટનાઓ વધી છે. આનાથી સરકારની ચિંતામાં પણ વધારો થયો છે. માનવામાં આવે છે કે મીટિંગમાં અમિત શાહે આવી ઘટનાઓથી નિપટવાની વાત કરી હતી. જો કે આ મુલાકાતના આક દિવસ પહેલા મંગળવારે રાત્રે જેલના ડીજી હેમંત લોહિયાની પણ તેમના જ નોકર યાસિર અહેમદ દ્વારા હત્યા કરવામાં આવી હતી. જોકે, આ હત્યાકાંડમાં ટાર્ગેટ કિલિંગ કે આતંકવાદી હુમલાની કોઈ વાત કરવામાં આવી નથી.

તમને જણાવી દઈએ કે રાજૌરીમાં અમિત શાહની રેલીમાં મોટી ભીડ જોવા મળી હતી. આ પ્રસંગે ગૃહમંત્રીશ્રીએ કહ્યું હતું કે હવે જમ્મુ-કાશ્મીરની સત્તા ત્રણ પરિવારોના હાથમાંથી ત્રીસ હજાર લોકોના હાથમાં સોંપવામાં આવી છે. તેમણે કહ્યું કે મોદી સરકારે પંચાયતની ચૂંટણીઓ કરાવી હતી અને તે વર્ગોને અનામત આપી હતી, જેઓ પછાત છે અને લાંબા સમયથી તેમના અધિકારોની આશા રાખતા હતા. રાજૌરીમાં અમિત શાહની રેલી પણ એક રેકોર્ડ હતી. 1991 પછી આ પ્રથમ વખત હતું જ્યારે કોઈ ગૃહમંત્રીએ પીર પંજાલ રેન્જમાં રેલી યોજી રહ્યાં હોય. શાહ જમ્મુ-કાશ્મીરની ત્રણ દિવસની મુલાકાતે છે અને આજે તેમની મુલાકાતનો ત્રીજો દિવસ છે.