ખાટલો
'હવે મનોજની વહુને નિરાંત! બાપાનું કર્યું, માજીએ તો કસ કાઢ્યો, પંદર વર્ષે ખાટલો ખાલી કર્યો. વહુ પોતે ડોશી થઈ ગઈ! પાતળી પરિસ્થિતિ, ઘરનો માણસેય ઓટીવાર!' સવુમાને કાઢી ગયાં પછી સ્ત્રીઓ વાતે ચડી.'ચાલો, આ ખાટલાને ખાલી કરો. હમણાં સ્મશાનેથી સંદેશો આવશે એટલે ન્હાવાધોવાનું પતે. જો ફૉનેય આવ્યો!' 'હેં! અરર! અલીઓ, ઝટ ખાટલો ઢાળો! મનોજને લકવાનો બીજો હુમલો આવ્યો છે!' વહુ થોડીવાર માટે કાઢેલી ઘૂંટણની કૅપ પàª
"હવે મનોજની વહુને નિરાંત! બાપાનું કર્યું, માજીએ તો કસ કાઢ્યો, પંદર વર્ષે ખાટલો ખાલી કર્યો. વહુ પોતે ડોશી થઈ ગઈ! પાતળી પરિસ્થિતિ, ઘરનો માણસેય ઓટીવાર!" સવુમાને કાઢી ગયાં પછી સ્ત્રીઓ વાતે ચડી.
"ચાલો, આ ખાટલાને ખાલી કરો. હમણાં સ્મશાનેથી સંદેશો આવશે એટલે ન્હાવાધોવાનું પતે. જો ફૉનેય આવ્યો!"
"હેં! અરર! અલીઓ, ઝટ ખાટલો ઢાળો! મનોજને લકવાનો બીજો હુમલો આવ્યો છે!"
વહુ થોડીવાર માટે કાઢેલી ઘૂંટણની કૅપ પહેરીને કમરે હાથ દબાવતી ઉભી થવા મથી.
- દિના રાયચુરા
Advertisement