રશિયાના રાષ્ટ્રપતિ પુતિન PM MODI પર ઓળઘોળ, જાણો શું કહ્યું

 વડાપ્રધાનશ્રી નરેન્દ્ર મોદી (Narendra Modi)ની ગણતરી વિશ્વના શક્તિશાળી નેતાઓમાં થાય છે, પરંતુ સમયની સાથે સાથે વિશ્વના સૌથી શક્તિશાળી દેશોએ પણ નરેન્દ્ર મોદીને શક્તિશાળી માનવાનું શરુ કર્યું છે. રશિયાના  રાષ્ટ્રપતિ વ્લાદિમીર પુતિને (Vladimir Putin) ભારતના વડા પ્રધાનની જોરદાર પ્રશંસા કરી છે. તેમણે ભારત અને રશિયા વચ્ચેના જૂના અને મજબૂત સંબંધો વિશે પણ વાત કરી. પુતિને આ વાતો મોસ્કોમાં વાલ્ડાઈ ડિસ્કશન ક્લબની 19મી વાર્ષિક બેઠકમાં કહી હતી. પીએમ નરેન્દ્ર મોદી માટે પુતિને કરેલા આ વખાણની હવે મીડિયામાં ખૂબ ચર્ચા થઈ રહી છે.

રશિયાના રાષ્ટ્રપતિ વ્લાદિમીર પુતિને ગુરુવારે કહ્યું કે પીએમ નરેન્દ્ર મોદી એવા લોકોમાંથી એક છે જે સ્વતંત્ર વિદેશ નીતિ લાગુ કરવામાં સક્ષમ છે અને તેઓ સાચા દેશભક્ત છે. તે સારી રીતે જાણે છે કે તેમના લોકોના હિતોનું રક્ષણ કેવી રીતે કરવું. મોદી આઇસ બ્રેકર જેવા છે. ઘણા દેશો અને લોકોએ ભારત પર ઘણા નિયંત્રણો લાદવાનો પ્રયાસ કર્યો, પરંતુ આ બધા હોવા છતાં મોદીએ ભારત પર કોઈપણ પ્રતિબંધો લાદવાના તમામ પ્રયાસોને નિષ્ફળ બનાવ્યા. એક રીતે, તે આ મોરચે આઇસ બ્રેકર જેવા  છે. ભારતે વિકાસમાં જબરદસ્ત સફળતા હાંસલ કરી છે અને ભારતનું આગળ ઉમદા ભવિષ્ય છે.

તેમણે ભારત-રશિયા સંબંધો વિશે પણ વાત કરી. તેમણે કહ્યું કે ભારત અને રશિયાએ દાયકાઓથી વિશેષ સંબંધો વિકસાવ્યા છે અને બંને દેશો વચ્ચે કોઈ વિવાદ નથી. બ્રિટનના વસાહતીકરણથી આધુનિક દેશ બનવા સુધીના વિકાસમાં ભારતે અભૂતપૂર્વ પ્રગતિ કરી છે. તેણે મૂર્ત વિકાસ પરિણામો પ્રાપ્ત કર્યા છે જે ભારત માટે આદર અને પ્રશંસાનું કારણ બને છે.

પુતિને વધુમાં કહ્યું કે પીએમ મોદીના નેતૃત્વમાં ભારતમાં છેલ્લા કેટલાક વર્ષોમાં ઘણું બધું કરવામાં આવ્યું છે. સ્વાભાવિક રીતે જ તે દેશભક્ત છે. મેક ઇન ઇન્ડિયા માટેનો તેમનો વિચાર આર્થિક અને નૈતિક બંને રીતે મહત્વનો છે. ભવિષ્ય ભારતનું છે. ભારત સૌથી મોટી લોકશાહી હોવાનો ગર્વ અનુભવી શકે છે અને ભારત અને રશિયા વચ્ચે ખાસ સંબંધ છે. રશિયા અને ભારત વચ્ચેના જૂના અને મજબૂત સંબંધોનો ઉલ્લેખ કરતાં પુતિને કહ્યું કે, અમારી વચ્ચે વેપારમાં વધુ વધારો થયો છે. પીએમ મોદીએ મને ભારતમાં ખાતરનો પુરવઠો વધારવા કહ્યું અને તેમાં 7.6 ગણો વધારો થયો છે. કૃષિનો વેપાર લગભગ બમણો થઈ ગયો છે.

આ પણ વાંચો--ખ્રિસ્તી ધર્મના સર્વોચ્ચ ગુરુ પોપ ફ્રાન્સિસનો ચોંકાવનારો ખુલાસો, કહ્યું - નન અને પાદરીઓ પણ જુએ છે Porn