કાંઝાવાલા કેસઃ અંજલિની મિત્ર નિધિ ગાંજો સપ્લાય કરતી હોવાનો ઘટસ્ફોટ

કાંઝાવાલા કેસ (Kanzhawala case)માં એક ચોંકાવનારો ખુલાસો સામે આવ્યો છે. જાણવા મળ્યું છે કે અંજલિની મિત્ર નિધિ ગાંજો સપ્લાય કરતી હતી. એટલું જ નહીં, 2020માં આગ્રામાં ગેરકાયદે દાણચોરી કરતી વખતે નિધિની ધરપકડ પણ કરવામાં આવી હતી.

નિધિની 6 ડિસેમ્બર 2020ના રોજ આગ્રા કેન્ટ સ્ટેશન પરથી પકડાઈ હતી. તેની પાસેથી 10 કિલો ગાંજો મળી આવ્યો હતો. નિધિ તેલંગાણાના સિકંદરાબાદથી દિલ્હી ગાંજો લાવી રહી હતી, જ્યારે GRPએ તેને આગરામાં પકડી લીધી. નિધિ દિલ્હીના સુલતાનપુરીની રહેવાસી છે. કાંઝાવાલા કેસના તમામ સાત આરોપીઓ હવે પોલીસ કસ્ટડીમાં છે.

તમને જણાવી દઈએ કે 31 ડિસેમ્બરના રોજ પાર્ટી કરીને ઘરે પરત ફરી રહેલી અંજલિની સ્કૂટી 1 જાન્યુઆરીએ રાત્રે લગભગ 2 વાગ્યે એક કાર સાથે અથડાઈ હતી અને આ કાર દ્વારા તે 13 કિલોમીટર સુધી ખેંચાઈ ગઈ હતી. અંજલિનો મૃતદેહ દિલ્હીની બહારના કાંઝાવાલામાં મળ્યો હતો. કથિત રીતે કારમાં સવાર લોકો સહિત સાત વિરૂદ્ધ ગુનો નોંધવામાં આવ્યો છે, જેમાં દોષિતો સામે  હત્યા સહિતની કલમો હેઠળ કેસ નોંધવામાં આવ્યો છે. ઘટના સમયે નિધિ અંજલિ સાથે હતી.

અંજલિની માતાએ પત્રકારોને જણાવ્યું હતું કે તેની પુત્રીએ તેના જીવનમાં ક્યારેય દારૂ પીધો નથી. રેખા દેવીએ કહ્યું, "મેં ક્યારેય નિધિને જોઈ કે સાંભળી નથી. તે ક્યારેય અમારા ઘરે આવી નથી. તે ખોટું બોલે છે. મારી દીકરીએ ક્યારેય દારૂ પીધો નથી. તે ક્યારેય નશામાં ઘરે આવી નથી. નિધિ જૂઠું બોલી રહી છે."

નિધિએ કહ્યું હતું કે અંજલિ કારની નીચે ફસાઈ ગઈ હતી અને તેને કારમાં ખેંચી લેવામાં આવી હતી. કારમાં બેઠેલા લોકોએ એક વખત પણ અંજલિને બચાવવાનો પ્રયાસ કર્યો ન હતો. તેણીએ કહ્યું કે તેણીએ અકસ્માત વિશે કોઈને કહ્યું ન હતું કારણ કે તે ડરી ગઈ હતી અને ડર હતો કે તેના માટે તેણીને દોષી ઠેરવવામાં આવશે.

તપાસમાં બહાર આવ્યું કે  ગાંજો દિલ્હીના રહેવાસી દીપક નામના છોકરાએ મંગાવ્યો હતો. પોલીસ સમગ્ર મામલાની હાલ ઉંડી તપાસ કરી રહી છે.

આ પણ વાંચો--રાજસ્થાનમાં પિરીયડ્સ દરમિયાન મહિલા કર્મીઓને વર્ક ફ્રોમ હોમની ભલામણ