SS રાજામૌલીની ફિલ્મ 'RRR' નું ગીત 'નાતુ-નાતુ' ઓસ્કાર 2023 માટે બેસ્ટ ઓરિજિનલ સોંગ કેટેગરીમાં નોમિનેટ થયું છે. આ ગીત જેકલીન ફર્નાન્ડીઝ (Jacqueline Fernandez)ની હોલીવુડ ફિલ્મ ટેલ ઈટ ઓલ લાઈક અ વુમનના ડિયાન વોરેનની અપલોજ સાથે સ્પર્ધા કરશે. જેકલીન ફર્નાન્ડિસે સોશિયલ મીડિયા પર આ પોસ્ટ શેર કરીને તેના ચાહકોને આ માહિતી આપી હતી. તેણે લખ્યું, મારી પાસે શબ્દો નથી. હું ડિયાન વોરેન અને સોફિયા કાર્સનને અભિનંદન આપું છું કે ઓસ્કાર 2023 માટે અપલોજ નામાંકિત કરવામાં આવી છે. મને તમારા પર ગર્વ છે. તમારા લોકોની આ સુંદર ફિલ્મ સાથે જોડાયેલું હોવું મારા માટે ગર્વની વાત છે. તેમાં ઘણા સારા કલાકારો પણ છે. આભાર.' તેણે આગળ લખ્યું, 'હું 'નાતુ-નાતુ' નોમિનેશન માટે આરઆરઆરને પણ અભિનંદન આપું છું. હું સમગ્ર ટીમને શુભેચ્છા પાઠવું છું.

તમને જણાવી દઈએ કે ભારતીય સેગમેન્ટનું નિર્દેશન લીના યાદવે કર્યું છે. ફિલ્મમાં જેકલીન ફર્નાન્ડીઝ સિવાય પણ ઘણા કલાકારો છે. આ સમાચાર તેના ખરાબ સમય વચ્ચે જેકલીન માટે આશાનું કિરણ બનીને આવ્યા છે. ઉલ્લેખનીય છે કે, જેકલીન ફર્નાન્ડીઝનું નામ ઠગ સુકેશ ચંદ્રશેખર સાથે જોડાયેલું છે. હાલમાં જ નોરા ફતેહીએ તેના પર આરોપ લગાવ્યો છે કે આ કેસમાં તેનું નામ બળજબરીથી લેવામાં આવ્યું હતું. હાલમાં જ તે રામસેતુ અને સર્કસ ફિલ્મોમાં જોવા મળી હતી.

આ પણ વાંચો--