'એ લપેટ'....પતંગબાજી અને દાનપૂણ્યનો તહેવાર મકરસંક્રાતિ

આજે મકસંક્રાતિ (Makar Sankranti) એટલે કે ઉતરાયણનો તહેવાર....અવનવા પતંગો (Kites)થી આજે આકાશ છવાઇ જશે અને પતંગ રસિયાઓ બે વર્ષ પછી પુરા ઉત્સાહ સાથે પતંગનો તહેવાર ઉજવવા માટે તૈયાર છે. ગુજરાતની પ્રત્યેક અગાશી પર આજે કિડિયારુ ઉભરાશે અને દરેક વ્યક્તિ પોતાના પરિવાર અને મિત્રો સાથે પતંગ ઉડાવી ઉતરાયણનો તહેવાર ઉજવી રહ્યા છે. 

કોરોનાકાળ બાદની ઉત્તરાયણ આવી રહી છે જેના પગલે પતંગ રસિકોમાં ભારે ઉત્સાહ જોવા મળી રહ્યો છે વળી વાસી ઉત્તરાયણને દિવસે રવિવાર હોવાથી બે દિવસની રજાના મેળના પગલે શહેરમાં બે દિવસ પતંગોત્સવ ધમધૂમથી ઉજવાશે. લોકો બે દિવસ ધાબાઓ પર મ્યુઝિક સિસ્ટમોના તાલે જુમી ઉઠશે અને આકાશ પતંગોથી છવાયેલુ રહેશે.

આજે આકાશમાં પતંગના દાવપેચથી છવાઇ ગયું છે. પતંગરસિયાઓ એકબીજાની પતંગના પેચ લડાવી તથા પતંગ કાપીને પુરા ઉત્સાહ સાથે ઉતરાયણનો તહેવાર ઉજવશે.  સવારથી જ એ કાપ્યો છે,લપેટની ચિચિયારીથી ધાબા ગૂંજી રહ્યા છે. ડીજે અને સ્પીકરના સહારે ગીતો સાથે અગાસીઓ પર ડાન્સની રમઝટ પણ જોવા મળી રહી છે. લોકો અવનવા વસ્ત્રો પરિધાન કરી ગોગલ્સ અને હેટ પહેરીને અગાસી પર પહોંચી ગયેલા જોવા મળી રહ્યા છે. લોકો પતંગ અને દોરી લઇને અગાસી પર પહોંચી ગયા છે.

ઉતરાયણના દિવસે ગુજરાતમાં ઉંધીયુ જલેબી આરોગવાનો જાણે કે રિવાજ પડી ગયો છે. લોકો અગાસી પર જ ઉંધીયુ જલેબી આરોગવાનો પ્લાન બનાવી રહ્યા છે.  લોકોને શુદ્ધ અને તાજુ ઉંધીયું અને જલેબી મળી રહે તે માટે વેપારીઓએ પણ ઉત્સાહ સાથે તૈયારીઓ કરી છે અને ઠેર ઠેર રસ્તા પર પણ ઉંધીયુ જલેબીના સ્ટોલ જોવા મળી રહ્યા છે. આજના દિવસે  શેરડી,બોર,ચીકી, મમરાના લાડુ ખાવાનો પણ જાણે કે રિવાજ છે અને તેથી અબાલવૃદ્ધ સૌ કોઇ અગાસી પર બેસી પતંગ ચગાવાની સાથે મનપસંદ ચીજો આરોગી રહ્યા છે. 

ઉતરાયણ એટલે કે મકરસંક્રાતિના તહેવારના દિવસે દાન પૂ્ણ્યનો પણ ભારે મહિમા છે અને આજના સંક્રાતિના દિવસે કરેલું દાન હજારગણું ફળ આપે છે. લોકો પોતાની શક્તિ મુજબ દાનપૂણ્ય કરી રહ્યા છે. ગાયોને ખવડાવી રહ્યા છે. ભગવાનના દર્શન માટે પણ મંદિરોમાં ભીડ જોવા મળી રહી છે. સંક્રાતિના પર્વે નદી સ્નાન અને ત્રિવેણી સ્નાનનો પણ મહિમા છે અને તેથી લોકો પવિત્ર નદીના સ્થળે જઇને સ્નાન કરવાનો પણ લ્હાવો લઇ રહ્યા છે. 

આ પણ વાંચો--લોકોને પવિત્ર પ્રેરણાઓથી છલકાવી દેનાર પ્રમુખસ્વામી મહારાજનગરનાં દર્શનનો 14 જાન્યુઆરી અંતિમ દિવસ