ગુજરાત સ્થાપના દિવસની સરકારી કર્મી-પેન્શનરો આપવામાં આવી ભેટ, મોંઘવારી ભથ્થામાં કર્યો વધારો

પહેલી મે એટલે ગુજરાતનો સ્થાપના દિવસ. આજે રાજ્યકક્ષાની ગુજરાત સ્થાપના દિવસની ઉજવણી પાટણમાં કરવામાં આવી હતી. સામાન્ય રીતે રાજ્યના તહેવારોની ઉજવણી પાટનગરમાં થતી હોય છે પરંતુ કોઈ પણ રાષ્ટ્રીય પર્વો ની  પાટનગરના બદલે અન્ય સ્થાનો પાર કરવાનો નિર્ણય દેશના હાલના વડાપ્રધાન અને તત્કાલીન મુખ્યમંત્રી નરેન્દ્ર મોદીએ કર્યો હતો. જેને પરિણામે ગુજરાત સ્થાપના દિવસની રાજ્ય કક્ષાની ઉજવણી પાટણ ખાતે કરવામાં આવી હતી. આ ક કાર્યક્રમમાં રાજ્યના મુખ્યમંત્રી ભુપેન્દ્ર પટેલ હાજર રહ્યા હતા. પાટણમાં મુખ્યમંત્રીના હસ્તે રિજિયોનલ સાયન્સ સેન્ટરનું લોકાર્પણનું આયોજન કરવામાં આવ્યુ છે. પાટણની મુલાકાતે પહોંચેલા ભૂપેન્દ્ર પટેલે અહીં શસ્ત્ર પ્રદર્શનની મુલાકાત લીધી હતી. આ ઉપરાંત પાટણ  જિલ્લાના નાગરિકોને 369 કરોડના વિકાસ કાર્યોની ભેટ આપી છે. આ સાથે મહત્ત્વની જાહેરાત કરતા જણાવ્યુ છે કે, પહેલી એપ્રિલની અસરથી રાજ્ય સરકારના કર્મચારીઓ, નિવૃત્ત કર્મચારીઓના મોંઘવારી ભથ્થામાં 3 ટકાનો વધારો કરવામાં આવ્યો છે.

પાટણમાં મુખ્યમંત્રી ભૂપેન્દ્ર પટેલને રાજ્ય સરકારના કર્મીઓ માટે મોટી જાહેરાત કરતા કહ્યું કે, રાજ્ય સરકારના કર્મચારીઓ, નિવૃત કર્મચારીઓ, પેન્શનર્સ સહિત 9 લાખ જેટલા કર્મચારીઓને 1 જુલાઇ 2021ની અસરથી મોંઘવારી ભથ્થામાં કેન્દ્ર સરકારના ધોરણે 3 ટકાનો વધારો કરવામાં આવ્યો છે. આ નિર્ણય મુજબ રાજ્ય સરકારના, પંચાયત સેવાના તથા રાજ્ય સરકારના અન્ય કર્મચારીઓ અને પેન્શનર્સને મોંઘવારી ભથ્થાનો આ વધારાનો લાભ મળશે. સરકારે તારીખ 1 જુલાઈ, 2021ની અસરથી આપવાના થતા મોંઘવારી ભથ્થામાં આ 3 ટકા વધારાથી જે દસ મહિનાની એરિયર્સની રકમ 2 હપ્તામાં આપશે. પેમનો પ્રથમ હપ્તો મે-2022 અને બીજો હપ્તો જૂન-2022ના પગાર સાથે આપવામાં આવશે.