'પુષ્પા 2' માટે અલ્લુ અર્જુનનો નવો લૂક છે જોરદાર, વિશ્વાસ ન આવતો હોય તો જુઓ તસવીરો

સાઉથ સુપરસ્ટાર અલ્લુ અર્જુન (Allu Arjun)ની ફિલ્મ 'પુષ્પાઃ ધ રાઇઝ' ડિસેમ્બર 2021માં રિલીઝ થઈ હતી અને 2021માં સૌથી વધુ કમાણી કરનાર ભારતીય ફિલ્મ બની હતી. પ્રેક્ષકો તેના ભાગ 2 પુષ્પા 2 (Pushpa 2) ની આતુરતાથી રાહ જોઈ રહ્યા છે અને સમાચાર મળી રહ્યા છે કે અભિનેતા અલ્લુ અર્જુન તાજેતરમાં વિશાખાપટ્ટનમ, આંધ્રપ્રદેશમાં પુષ્પાઃ ધ રૂલ, ફ્રેન્ચાઇઝીના બીજા ભાગનું શૂટિંગ કરવા માટે પહોંચ્યો હતો, જ્યાં તે વિઝાગ એરપોર્ટ પર ચાહકોથી ઘેરાયેલો હતો.

 અલ્લુ અર્જુન તેની આગામી ફિલ્મ 'પુષ્પાઃ ધ રૂલ'ના બીજા ભાગના શૂટિંગ માટે વિશાખાપટ્ટનમ પહોંચ્યો હતો. અલ્લુના સ્વાગત માટે વિઝાગ એરપોર્ટ પર ચાહકોની ભીડ હતી. અલ્લુને જોઈને ત્યાં ઊભેલા ચાહકોમાં ખુશીની લહેર દોડી ગઈ. અલ્લુના ચાહકોએ સોશિયલ મીડિયા પર તેની તસવીરો શેર કરીને તેના વખાણ કર્યા હતા. સોશિયલ મીડિયા પર એક યુઝરે લખ્યું, 'લવ યુ અન્ના.' અન્ય એક યુઝરે લખ્યું, 'કિંગ ઈઝ બેક', હવે ટૂંક સમયમાં સારી ફિલ્મ જોવા મળશે. અન્ય એક યુઝરે લખ્યું, 'અન્નાએ બોડી બનાવી છે, અલ્લુ આ લુકમાં ખૂબ જ સારો લાગી રહ્યો છે.'

તમને જણાવી દઈએ કે ફેન્સનો ક્રેઝ એટલો વધી ગયો છે કારણ કે એક્ટરે એક ઈવેન્ટ દરમિયાન પોતાના ભાષણમાં કહ્યું હતું કે, 'મને ખબર છે કે તમે બધા મને 'પુષ્પા 2' વિશે અપડેટ પૂછી રહ્યા છો. મારી પાસે એક નાનું અપડેટ છે. જો તે પુષ્પા 1 માં 'ઠગ્ગે લે' હશે, તો પુષ્પા 2 'અસ્લુ ધાગ્ગે લે' હશે. હું ઉત્સાહિત છું, મને આશા છે કે તમે પણ મારા જેવા જ ઉત્સાહિત છો. હવે જોવાનું એ રહેશે કે અલ્લુના ફેન્સને 'પુષ્પા 2' કેટલી પસંદ આવે છે.

રશ્મિકા મંદન્ના (Rashmika Mandanna) ફેબ્રુઆરીથી 'પુષ્પા ધ રૂલ'નું શૂટિંગ શરૂ કરવા જઈ રહી છે. એક તેગુલુ વેબસાઈટના સમાચાર મુજબ, રશ્મિકાએ માહિતી આપી છે કે તે ફેબ્રુઆરીથી ફિલ્મનું શૂટિંગ શરૂ કરશે. હાલમાં તે તેની ફિલ્મ 'વરિસુ'ની સફળતાની ઉજવણી કરી રહી છે. આ ફિલ્મ થોડા જ દિવસોમાં 100 કરોડની ક્લબમાં સામેલ થઈ ગઈ છે. દક્ષિણ ભારતમાં આ ફિલ્મને ઘણી પસંદ કરવામાં આવી રહી છે. તમને જણાવી દઈએ કે, રશ્મિકા મંદન્નાને ફિલ્મ 'પુષ્પા' પછી ઈન્ડિયામાં ઓળખ મળી હતી. આ ફિલ્મની સફળતા બાદ બોલિવૂડના દરવાજા પણ રશ્મિકા માટે સંપૂર્ણ રીતે ખુલી ગયા છે. તેણે ફિલ્મ 'ગુડબાય'થી બોલિવૂડમાં એન્ટ્રી કરી હતી અને હવે તેના ફેન્સ તેની ફિલ્મ 'મિશન મજનૂ' અને 'એનિમલ'માં તેને જોઈ રહ્યા છે. રશ્મિકા પણ હાલમાં જ તેની બોલિવૂડ ફિલ્મ 'મિશન મજનૂ'નું પ્રમોશન કરતી જોવા મળી હતી. 

આ પણ વાંચો--'તુ જૂઠી મેં મક્કાર'નું ટ્રેલર આ દિવસે રિલીઝ થશે, મેકર્સે નવા પોસ્ટર સાથે કરી જાહેરાત