વડાપ્રધાનશ્રી નરેન્દ્ર મોદી ( Narendra Modi) આજથી ગુજરાતના 3 દિવસના પ્રવાસે છે. તેઓ વડોદરા, કેવડિયા, માનગઢ અને જાંબુઘોડાની 3 દિવસમાં મુલાકાત લેશે. રવિવારે બપોરે બે વાગે વડાપ્રધાનશ્રી નરેન્દ્ર મોદી વડોદરા (Vadodara) પહોંચ્યા છે.

આ પ્રસંગે રક્ષા મંત્રી  રાજનાથ સિંહે કહ્યું કે સ્ટેટ્સમેન એટલે કે  અસાધારણ નેતા વર્તમાનની જરુરીયાત અને ભવિષ્યને ધ્યાનમાં રાખીને નિર્ણય લે છે અને વડાપ્રધાનશ્રી નરેન્દ્ર મોદી એવા જ સ્ટેટ્સમેન છે.  આજે આંતરરાષ્ટ્રીય જગતમાં ભારતની પ્રતિષ્ઠા વધી છે. પહેલા ભારતની વાતોને ગંભીરતાથી લેવાતી ન હતી પણ આજે ભારત કંઇ બોલે છે તો દુનિયા કાન ખોલીને સાંભળે છે. દેશની સુરક્ષા માટે વડાપ્રધાને અનેક કાર્યો કર્યા છે. આ પ્રોજેક્ટ દ્વારા નવી યાત્રા શરુ થઇ રહી છે. આત્મનિર્ભર ભારત તરફ આ એક પગલું છે

વડોદરામાં વડાપ્રધાનશ્રીના 3 કિમી લાંબા ભવ્ય રોડ શો નો પ્રારંભ થયો છે. હજારો લોકો વડોદરા એરપોર્ટથી આજવા રોડ લેપ્રસી મેદાન સુધીના રસ્તા પર વડાપ્રધાનશ્રીને મળવા માટે ઉમટી પડ્યા છે. લોકોએ મોદી મોદીના નારા લગાવી વડાપ્રધાનશ્રીનું ભવ્ય સ્વાગત અને અભિવાદન કર્યું હતું. કર્મભૂમિ વડોદરામાં વડાપ્રધાનશ્રીનું  ભવ્ય સ્વાગત કરાયું છે.

વહીવટી તંત્ર દ્વારા ઠેર-ઠેર વડાપ્રધાનશ્રીના હોર્ડિંગ્સ લગાડવામાં આવ્યા છે.  રોડ-શોના રૂટ પર વડાપ્રધાનશ્રી લોકોનું અભિવાદન ઝીલી રહ્યા છે. ત્યાર બાદ તેઓ  લેપ્રેસી ગ્રાઉન્ડ ખાતે  જનમેદની સંબોધશે

વડાપ્રધાનશ્રી મધ્ય ગુજરાતને 21,935 કરોડના પ્રોજેક્ટની ભેટ આપશે. પીએમ મોદી ભારતીય વાયુસેનાના C-295 ટ્રાન્સપોર્ટ એરક્રાફ્ટના મેન્યુફેક્ચરિંગ પ્લાન્ટનો શિલાન્યાસ કર્યો છે. આ પ્રસંગે કેન્દ્રીય રક્ષા મંત્રી શ્રી રાજનાથ સિંહ, નાગરિક ઉડ્ડયન મંત્રી શ્રી જ્યોતિરાદિત્ય સિંધિયા અને મુખ્યમંત્રી શ્રી ભૂપેન્દ્ર પટેલ સહિતના મહાનુભાવો ઉપસ્થિત રહ્યા છે.

વડોદરામાં સભા પહેલાં ઉદ્યોગપતિઓને વડાપ્રધાનશ્રી વ્યક્તિગત મળ્યા હતા.  મિટિંગ માટે સભા મંડપની બાજુમાં વિશેષ ડોમ બનાવાયો છે. લક્ષ્મી મિત્તલ, હિસાકી તાકેચી સહિતનાં ઉદ્યોગપતિઓને પીએમ મોદી મળ્યા હતા. પીએમ મોદીએ વડોદરામાં સ્થપાનાર એરક્રાફ્ટ પ્લાન્ટને લઇને ઉદ્યોગપતિઓ સાથે કરી હતી અને આત્મનિર્ભર ભારત અભિયાનને સફળ બનાવવા ઉદ્યોગપતિઓના મંતવ્ય લીધા હતા. સઉદ્યોગપતિઓ સાથેની બેઠકમાં પીએમ સાથે રક્ષામંત્રી રાજનાથસિંહ અને નાગરિક ઉડ્ડયનમંત્રી જ્યોતિરાદિત્ય સિંધિયા પણ ઉપસ્થિત રહ્યા હતા.