આંધ્રપ્રદેશમાં YSRCP અને TDP કાર્યકર્તાઓ વચ્ચે હિંસક અથડામણ

ગુનાહિત ઈતિહાસ ધરાવતા કેટલાક લોકોએ આંધ્રપ્રદેશ (Andhra Pradesh)ના મછેરલા શહેરમાં એક કાર્યક્રમમાં વિરોધીઓ પર પથ્થરમારો કર્યો હતો. આમાં સામેલ લોકોની ધરપકડ કરવામાં આવી છે. હાલ સ્થિતિ નિયંત્રણમાં છે. તેમજ શહેરમાં કલમ 144 લાગુ કરવામાં આવી છે.

શુક્રવારે રાત્રે પલનાડુ જિલ્લાના માછેરલા ખાતે આંધ્રપ્રદેશના મુખ્યમંત્રી જગનમોહન રેડ્ડીની પાર્ટી YSRCP અને પૂર્વ મુખ્યમંત્રી ચંદ્રબાબુ નાયડુની TDPના કાર્યકરો વચ્ચે હિંસક અથડામણ થઈ હતી. બંને તરફથી પથ્થરમારો થયો હતો. હિંસક અથડામણથી વિસ્તારમાં તણાવ વધી ગયો છે. હિંસક અથડામણ દરમિયાન તોડફોડ અને આગચંપી પણ કરવામાં આવી હતી. અનેક વાહનોને આગ ચાંપી દેવામાં આવી હતી. આ ઘટનામાં અનેક લોકો ઘાયલ થયાના પણ સમાચાર છે.

અહેવાલો મુજબ, જ્યારે અથડામણ વધી, ત્યારે પોલીસે TDP અને YSRCP કાર્યકરો પર હળવા બળનો ઉપયોગ કર્યો. જે બાદ ટોળું વિખેરાઈ ગયું હતું. મોટી સંખ્યામાં સુરક્ષા દળો ઘટનાસ્થળે પહોંચી ગયા હતા. પોલીસે બંને પક્ષોને સમજાવવાનો પ્રયાસ કર્યો હતો.

પલનાડુના એસપી વાય રવિશંકર રેડ્ડીએ જણાવ્યું હતું કે ગુનાહિત ઈતિહાસ ધરાવતા કેટલાક લોકોએ માછેરલા શહેરમાં એક કાર્યક્રમમાં પ્રદર્શનકારીઓ પર પથ્થરમારો કર્યો હતો. આમાં સામેલ લોકોની ધરપકડ કરવામાં આવી છે. સ્થિતિ નિયંત્રણમાં છે. તેમજ શહેરમાં કલમ 144 લાગુ કરવામાં આવી છે.

જે વીડિયો સામે આવ્યો છે તેમાં ભીડ હાથમાં લાકડીઓ સાથે જોવા મળી રહી છે. વાહનો ઉભા રાખીને હંગામો મચી રહ્યો છે. બાઇક સવારોના હાથમાં થાંભલા  છે. જો કે તેઓ ક્યા પક્ષના છે તે સ્પષ્ટ નથી.

જણાવી દઈએ કે માછેરલામાં TDP કાર્યકર્તાઓ YSRCP સરકાર વિરુદ્ધ રેલી કરવા જઈ રહ્યા હતા. પાર્ટીના પ્રભારી જુલકંતિ બ્રહ્મા રેડ્ડીની આગેવાની હેઠળ ટીડીપી સમર્થકો 'ઈધેમી ખરમા' કાર્યક્રમમાં ભાગ લઈ રહ્યા હતા. તે જ સમયે આ હંગામો શરૂ થયો અને બંને પક્ષના સમર્થકો એકબીજા સાથે અથડામણ કરી. પોલીસે 10 લોકોની પૂછપરછ માટે અટકાયત કરી છે. પોલીસ આ કેસમાં અન્ય આરોપીઓને શોધી રહી છે.

આ પણ વાંચો--દેશના પ્રથમ ટ્રાન્સજેન્ડર જજે કહ્યું, આરક્ષણ આ સમુદાયને વધુ સારી તકો મેળવવામાં મદદ કરશે