US Congressman Brad Sherman: નરેન્દ્ર મોદી ભારતનો ચહેરો છે...'

'પીએમ મોદીના નેતૃત્વની વિશ્વભરમાં પ્રશંસા થઈ રહી છે.  નરેન્દ્ર મોદી ભારતનો ચહેરો છે...' US Congressman યુએસ સાંસદ બ્રેડ શેરમેને પીએમ મોદીના વખાણ કર્યા છે. તેમણે કહ્યું કે મેં ઘણા ઉદ્યોગપતિઓ સાથે વાત કરી છે કે કેવી રીતે ભારત રોકાણની ઉત્તમ તક છે. ખાસ કરીને જેઓ ચીનમાં ઉત્પાદન કરે છે તેઓએ એ હકીકત ધ્યાનમાં લેવી જોઈએ કે તે લોકશાહી નથી.

વિકાસ કાર્યો અને આર્થિક પ્રગતિ માટે વડાપ્રધાન નરેન્દ્ર મોદીની પ્રશંસા કરી

US Congressman બ્રેડ શેરમેને 2014થી દેશમાં થયેલા વિકાસ કાર્યો અને આર્થિક પ્રગતિ માટે વડાપ્રધાન નરેન્દ્ર મોદીની પ્રશંસા કરી હતી. તેમણે કહ્યું કે વડાપ્રધાન મોદી ભારતનો ચહેરો બની ગયા છે. તેમણે કહ્યું કે પીએમ મોદીના કાર્યકાળ દરમિયાન ભારત અને અમેરિકાના દ્વિપક્ષીય સંબંધોમાં મજબૂતી જોવા મળી છે.

જોકે, તેમણે કહ્યું હતું કે, ભારત-અમેરિકા સંબંધોમાં રશિયા સાથે ભારતના સંરક્ષણ સંબંધ એક પડકાર છે. તેમણે કહ્યું કે અમે નોંધપાત્ર આર્થિક પ્રગતિ જોઈ છે. અલબત્ત, દરેક દેશ અને નેતાના પોતાના પડકારો હોય છે. હું કોઈ પણ દેશની સફળતાનો શ્રેય માત્ર એક વ્યક્તિને નથી આપતો.

US Congressman શેરમેન હાઉસ ફોરેન ભારત-યુએસ સંબંધો પર કામ કરે છે

મારો મતલબ કે તમારી પાસે 1.3 અબજથી વધુ લોકો છે. તેઓ બધા ભારતને વધુ સફળ દેશ બનાવવા માટે સાથે મળીને કામ કરી રહ્યા છે. શર્મન હાઉસ ફોરેન અફેર્સ કમિટીના વરિષ્ઠ ડેમોક્રેટ છે અને છેલ્લા 28 વર્ષથી ભારત-યુએસ સંબંધો પર કામ કરી રહ્યા છે.

અમેરિકન સાંસદે ચીન પર નિશાન સાધ્યું

તેમણે કહ્યું કે મેં ઘણા ઉદ્યોગપતિઓ સાથે વાત કરી છે કે કેવી રીતે ભારત રોકાણની ઉત્તમ તક છે. ખાસ કરીને જેઓ ચીનમાં ઉત્પાદન કરે છે તેઓએ એ હકીકત ધ્યાનમાં લેવી જોઈએ કે તે લોકશાહી નથી. આ એવો દેશ નથી કે જેના કાયદાના શાસનની પરંપરા પર વિશ્વાસ કરી શકાય. કોઈપણ વ્યવસાયની સફળતા માટે ન્યાયી અને પ્રામાણિક કોર્ટ સિસ્ટમની ઍક્સેસ હોવી અત્યંત મહત્વપૂર્ણ છે અને ભારત તે ઓફર કરે છે.

આ પણ વાંચો- BJP New Song : ‘એટલે જ દરેક મોદીને પસંદ કરે છે’, ભાજપે 12 ભાષાઓમાં નવું ગીત રજૂ કર્યું…