લાંબી માંદગી બાદ 54 વર્ષની વયે તાજનું નિધન, 'રેસ' અને 'તુમ બિન' જેવી ફિલ્મો માટે ગીતો ગાયા

90ના દાયકાના સુપરસ્ટાર સિંગર તરસેમ સિંહ સૈની ઉર્ફે તાજે 55 વર્ષની ઉંમરે આ દુનિયાને અલવિદા કહી દીધું છે. લીવર ફેલ થવાને કારણે તે કોમામાં ચાલ્યા ગયા હોવાના અહેવાલ છે. ફિલ્મ તુમ બિનનું ગીત 'દારૂ વિચ પ્યાર' અને ફિલ્મ 'કોઈ મિલ ગયા'નું ગીત 'ઈટ્સ મેચ' અને 'રેસ'નું ગીત 'મુઝપે તો જાદુ' તેમના ગીતોમાંથી હતા. 

તાજ 1989ના આલ્બમ હિટ ધ ડેક પછી  લાઇમ લાઇટમાં આવ્યા હતાં. તાજ પોપ બેન્ડ સ્ટીરિયો નેશનનો મુખ્ય ગાયક હતા. 1996 માં રચાયેલ બેન્ડ ક્રોસ કલ્ચરલ એશિયન ફ્યુઝન હતું. જે 90 ના દાયકામાં તેમની પાસે ઘણા સુપરહિટ ગીતો હતા અને તેનું અત્યાર સુધીનું સૌથી લોકપ્રિય આલ્બમ વર્ષ 2000માં સ્લેવ II ફ્યુઝન હતું. તાજે ઘણી બોલિવૂડ ફિલ્મોમાં સંગીત પણ આપ્યું હતું. તેમણે ફિલ્મ તુમ બિનનું ગીત 'દારૂ વિચ પ્યાર' અને ફિલ્મ 'કોઈ મિલ ગયા'નું 'ઈટ્સ મેચ' અને 'રેસ'નું 'મુઝપે તો જાદુ' તેમના હિટ ગીતો રહ્યાં છે.. તાજના નિધનથી ફિલ્મ ઈન્ડસ્ટ્રીમાં શોકની લહેર છે. ઘણા ચાહકો અને સેલિબ્રિટીઓ તેમના નિધન પર શોક વ્યક્ત કરી રહ્યા છે. ફિલ્મ પ્રોડ્યુસર ગુરિન્દર ચઢ્ઢાએ તેમની તસવીર શેર કરતા એક પોસ્ટ કરી છે.

પોસ્ટના કેપ્શનમાં તેમણે લખ્યું, 'બ્રિટિશ એશિયન મ્યુઝિક લેજેન્ડના નિધનના સમાચાર સાંભળીને દિલ તૂટી ગયું. પ્રથમ વખત #HitTheDeck સાંભળ્યા પછી મને જે ઉત્તેજનાનો અનુભવ થયો તેની તમે કલ્પના પણ કરી શકતા નથી.' પાપારાઝી વિરલ ભાયાનીએ પણ તાજના મૃત્યુના સમાચાર સોશિયલ મીડિયા પર પોસ્ટ કરીને શેર કર્યા અને શોક વ્યક્ત કર્યો.

તેણે પોસ્ટમાં લખ્યું, 'સ્ટીરીયો નેશનના તાજના નિધનના સમાચાર સાંભળીને ખૂબ જ દુઃખ થયું. તાજ 1989ના આલ્બમ બાદ ચર્ચામાં આવ્યા હતા. 'ગલ્લા ગોરિયાં', 'નચેંગે સારી રાત' અને 'પ્યાર હો ગયા' તેમના બેસ્ટ ગીતો છે. તે હર્નિયાથી પીડિત હતા અને કોવિડને કારણે તેમની સર્જરી સ્થગિત થઈ ગઈ હતી જેના કારણે તેની સમસ્યા વધુ ગંભીર બની ગઈ હતી. તે પાછલા થોડા સમયથી કોમામાં હતા અને આજે જીંદગીની જંગ હારી ગયા.