સોનાક્ષી સિન્હાએ શેર કરી મિસ્ટ્રીમેન સાથેની તસવીરો, હીરાની વીંટી જોઈને લોકો આપી રહ્યાં છે શુભેચ્છા

બોલિવૂડ અભિનેત્રી સોનાક્ષી સિન્હાની એક તસવીરે સોશિયલ મીડિયા પર ધૂમ મચાવી છે. અભિનેત્રીએ ઇન્સ્ટાગ્રામ પર પોતાની એક તાજેતરની તસવીર શેર કરી છે જેમાં તે કોઈનો હાથ પકડેલી જોવા મળી રહી છે. સોનાક્ષી સિંહાએ સુંદર વીંટી પહેરી છે અને આ ફોટો શેર કરતી વખતે તેણે લખ્યું, 'મારા માટે આ એક મોટો દિવસ છે. મારું સૌથી મોટું સપનું સાકાર થવાનું છે. અને હું તેને તમારી સાથે શેર કરવા માટે રાહ જોઈ શકતી નથી.'

સોનાક્ષી સિન્હાએ ફોટોના કેપ્શનમાં લખ્યું છે કે, 'વિશ્વાસ નથી આવતો કે આ આટલું સરળ હતું.' સોનાક્ષી સિન્હાની આ પોસ્ટ બાદ એવી અટકળો લગાવવામાં આવી રહી છે કે કદાચ તે જલ્દીથી લગ્નના બંધનમાં બંધાવા જઈ રહી છે. તેની  વીંટી જોઈને લાગે છે કે તેની સગાઈ થઈ ગઈ છે. તેમની આ પોસ્ટ પર અનેક સેલિબ્રિટીએ કોમેન્ટ કરી છે.

અનન્યા બિરલાએ સોનાક્ષી સિન્હાની સગાઈની આ પોસ્ટ પર લખ્યું, 'ઓહ..'. ફરહાન અખ્તરની પત્ની શિબાની દાંડેકરે કમેન્ટ સેક્શનમાં લખ્યું, 'શુભકામના સોનાક્ષી લવ યુ .' લાખો ચાહકોએ તેની પોસ્ટને લાઈક કરી છે અને લોકો કમેન્ટ સેક્શનમાં પણ તેને શુભેચ્છા પાઠવી રહ્યા છે. જોકે, રસપ્રદ વાત એ છે કે સોનાક્ષી સિંહાએ તેના ડ્રીમમેનનો ચહેરો જાહેર કર્યો નથી.

વિરલ ભાયાણીએ પણ આ તસવીર સોશિયલ મીડિયા પર શેર કરી અને લખ્યું- સગાઈ થઈ ગઈ? ઘણા ચાહકોએ કમેન્ટ વિભાગમાં તેમના પ્રતિભાવો આપ્યા. એક યુઝરે લખ્યું- કોની સાથે? સલમાન ખાન  છે કે શું! અન્ય એક યુઝરે લખ્યું - હવે સલમાન ખાન સાથે એવું ન કહેતા. એક વ્યક્તિએ લખ્યું – મને ખબર નથી કે આ એક પબ્લિસિટી સ્ટંટ કેમ લાગે છે. તમને જણાવી દઈએ કે દબંગના સમયથી જ સોનાક્ષીનું નામ સલમાન ખાન સાથે જોડાયેલું છે. પરંતુ આ મિસ્ટ્રી મેન તે નથી.