રાફેલ નડાલે તેના જૂના હરીફ નોવાક જોકોવિચને હરાવી સેમી ફાઈનલમાં કર્યો પ્રવેશ

રાફેલ નડાલે તેના જૂના હરીફ નોવાક જોકોવિચ સામેની મોડી રાત્રિ સુધી ચાલેલી ચાર સેટની મેચમાં બુધવારે સવારે 15મી ફ્રેન્ચ ઓપન સેમી ફાઇનલમાં પ્રવેશ કર્યો હતો. 13 વખતના ચેમ્પિયન્સે ચાર કલાક અને 12 મિનિટ સુધી ચાલેલી ક્વાર્ટર ફાઇનલમાં 6-2, 4-6, 6-2, 7-6 (7/4) સાથે જીત મેળવી હતી.

ક્લેકોર્ટના કિંગ રાફેલ નડાલે ફ્રેન્ચ ઓપન 2022ની ક્વાર્ટર ફાઇનલમાં કટ્ટર હરીફ નોવાક જોકોવિચને હરાવી તેને ટૂર્નામેન્ટમાંથી બહારનો રસ્તો બતાવી દીધો છે. 13 વખતના ફ્રેન્ચ ઓપન ચેમ્પિયન રાફેલ નડાલને ગયા વર્ષે અહીં સેમી ફાઇનલમાં વિશ્વના નંબર વન નોવાક જોકોવિચના હાથે હારનો સામનો કરવો પડ્યો હતો. રાફેલ નડાલ 2005 માં તેના પ્રથમ અભિયાન પછી ફ્રેન્ચ ઓપનમાં માત્ર ત્રણ વખત હાર્યો છે, તેણે ફેલિક્સ ઓગર એલિઆસીમ સામે પાંચ સેટની રોમાંચક મેચમાં છેલ્લા રાઉન્ડમાં જીત મેળવી હતી. નોવાક જોકોવિચ હજુ પણ 20 ગ્રાન્ડ સ્લેમ પર અટકી રહેવાનો છે. નડાલે ગત વર્ષના વિજેતા જોકોવિચ વિરુદ્ધ 10 ફ્રેન્ચ ઓપન મેચોમાં પોતાની આઠમી જીત નોંધાવતા શુક્રવારે ત્રીજી ક્રમાંકિત મેળવેલા એલેક્ઝાન્ડર જ્વેરેવની સાથે અંતિમ-ચારમાં મુકાબલો સ્થાપિત કર્યો.

નડાલે કહ્યું, "હું ખૂબ જ લાગણીશીલ છું. અહીં રમવું મારા માટે અવિશ્વસનીય છે. આ લાગણી મારા માટે અવિશ્વસનીય છે." તેણે કહ્યું, "તેમની સામે રમવું હંમેશા એક અદ્ભુત પડકાર હોય છે. નોવાક સામે જીતવા માટે, ફક્ત એક જ રસ્તો છે, પહેલા પોઈન્ટથી અંતિમ સુધી તમારું સર્વશ્રેષ્ઠ પ્રદર્શન કરવું." 2005ના ટાઈટલ જીત બાદથી 35 વર્ષીયએ પેરિસ ક્લે પર પોતાના 113 મેચોમાંથી માત્ર ત્રણ મેચ ગુમાવ્યા છે અવે હવે પોતાના કેરિયરમાં માત્ર જોકોવિચ 30-29થી પાછળ છે.

આ પણ વાંચો - ફિલ્ડિંગ દરમિયાન ટિમ ડેવિડનું ઉતરી ગયું પેન્ટ, જુઓ Video