મારી પત્ની ગુજરાતી છે જેથી હું પણ ગુજરાતી બોલતા શીખી ગયો : રાજપાલ યાદવ

આજે હિન્દી ફિલ્મ 'અર્ધ'ની સ્ટાર કાસ્ટ તેમની મૂવી 'અર્ધ'ના ફર્સ્ટ લુક તેમજ  ટ્રેલરને લૉન્ચ કરવા માટે વાઘોડિયાની પારુલ યુનિવર્સિટી કેમ્પસની મુલાકાત આવ્યા હતા. આ ફિલ્મમાં રાજપાલ યાદવ, રૂબીના દિલાઈક, હિતેન તેજવાણી અને કુલભૂષણ ખરબંદા મુખ્ય ભૂમિકામાં છે. અને ફિલ્મ નિર્માતા પલાશ મુચ્છલ દ્વારા આ ફિલ્મ નિર્દેશિત છે. 

આ ફિલ્મ 15 જુલાઈ 2022ના રોજ OTT પ્લેટફોર્મ પર રિલીઝ થવાની તૈયારીમાં છે. રાજપાલ યાદવ, પલાશ મુછલ અને રૂબિના દિલાઈક જેઓ પણ આ ફિલ્મ સાથે ડેબ્યૂ કરશે,તમામ કલાકારોએ આજે પારુલ યુનિવર્સિટી કેમ્પસની મુલાકાત લઈને મૂવીનું ટ્રેલરને શેર કર્યો હતો સાથે જ કોલેજના  વિદ્યાર્થીઓ સાથે લાઇવ સેશન પણ કર્યુ હતું

બોલિવુડ એક્ટર રાજપાલ યાદવે નવા ઉભરતા કલાકારોને સંબોધતા જણાવ્યું હતું કે જીવનમાં હમેશા પરિશ્રમ કરતા રેહવુ જોઈએ તમારી દરેક નિષ્ફળતા તમને સફળતા તરફ આગળ દોરી જાય છે. હમેશા ખુલ્લી આંખોથી સપના જોવાં જોઈએ. વધુમાં તેમણે જણાવ્યું હતું કે આજે હું જે કાઈ પણ મારી પત્નીના કારણે છું. મારી પત્ની ગુજરાતી છે જેથી હું પણ ગુજરાતી બોલતા શીખી ગયો છું મને ગુજરાતીઓ તરફથી ખુબજ પ્રેમ મળ્યો છે. રાજપાલ યાદવે વધુમાં કહ્યું, 'અર્ધ એવા લોકોની વાર્તા છે જેઓ પોતાના સપના પૂરા કરવા માટે દિવસ-રાત સંઘર્ષ કરે છે. શિવ અને પાર્વતી તે બચી ગયેલા લોકોનું પ્રતિનિધિત્વ કરે છે. આપણા દેશમાં લાખો શિવ અને પાર્વતી છે જેઓ પોતાના અસ્તિત્વ માટે લડી રહ્યા છે. તેથી, આ તેની વાર્તા છે, અને તે કહેવાનું મને સન્માન છે.'

ખાસ વાત એ છે કે આ ફિલ્મઅર્ધમાં રાજપાલ યાદવ એક કિન્નરના પાત્રમાં જોવાં મળશે. સાથે જ ફિલ્મની વાર્તા ગુજરાતના વડોદરા શહેર સાથે સંકળાયેલી છે. રાજપાલ યાદવ, રૂબિના દિલાઈક, હિતેન તેજવાણી અને કુલભૂષણ ખરબંદા અભિનીત અર્ધા એ ZEE5 એક્સક્લુઝિવ ફિલ્મ છે જેનું પ્રીમિયર 10 જૂને થશે.

ફિલ્મના ટ્રેલર મુજબ કેવી રીતે એક નાના શહેરનો છોકરો, શિવ (રાજપાલ યાદવ) એક મહાન થિયેટર અભિનેતા હોવા છતાં સપનાના શહેર, મુંબઈમાં અભિનેતા બનવા માટે સંઘર્ષ કરે છે. તેને શહેરમાં રહેવા, ખાવા અને કમાવવા માટે તેની પત્ની (રૂબીના દિલેક)ની મદદથી ટ્રાન્સજેન્ડર (પાર્વતી) હોવાનો ડોળ કરે છે અને મુંબઈમાં લોકલ ટ્રેન અને સિગ્નલો પર પૈસા માંગે છે. શું તે તેના સપના પૂરા કરી શકશે કે નહીં, અથવા તેના સપના મુંબઈના  ફાસ્ટ લાઇફ વચ્ચે તેના સપનાઓ કચડાઇ જશે કે તેને સફળતા મળશે તે જોવાં ફિલ્મની રાહ જોવી પડશે.