અસ્થિર મગજની માતાએ નવજાત બાળકને ઝાડીઓમાં ત્યજી દીધુ, સ્વસ્થ હાલતમાં પિતાને સોંપાતા પિતા થયા ભાવુક

પંચમહાલ જિલ્લાના શહેરા તાલુકાના હોંસાપુર ગામે આવેલા કોતર પાસે ઝાડી ઝાંખરીમાંથી બીન વારસી નવજાત શિશુ મળી આવવાની ઘટના સામે આવી છે. ગતરોજ વહેલી સવારે એક જાગૃત નાગરિક દ્વારા ૧૦૮ ને જાણ કરવામાં આવતા તાત્કાલિક  ૧૦૮ ઘટના સ્થળે પહોંચી હતી. અને નવજાત શિશુને શહેરા રેફરલ હોસ્પિટલ ખાતે ખસેડવામાં આવી હતી. જ્યાં નર્સ દ્વારા તેની સાર સંભાળ રાખવામાં આવી રહી છે.  આ મામલે શહેરા પોલીસને જાણ કરતા શહેરા પોલીસ દ્વારા નવજાત શિશુના પરિવારજનોની શોધ ખોળ માટે ધમધમાટ શરૂ કરી દેવામાં આવ્યો છે. 

શહેરા પોલીસ દ્વારા ગણતરીના કલાકોમાં શિશુના પરિવારજનોને શોધી કાઢવામાં આવ્યા હતા. જેમાં શહેરા તાલુકાના ભદ્રાલા ગામના રહેવાસી હોવાનું સામે આવ્યું હતું ભેમાભાઈ ખાતુભાઈ પગી જેઓ નવજાત શિશુના પિતા અને મનીષાબેન જે નવજાત શિશુની માતા જેઓ છેલ્લા કેટલાક વર્ષોથી અસ્થિર મગજની હોવાનું સામે આવ્યું હતું. પ્રાપ્ત માહિતી અનુસાર શહેરાના હોંસાપુરના કોતર પાસે ઝાડી ઝાંખરીમાં મુકી માતા ચાલી ગઇ હતી. તપાસ કરતા સામે આવ્યું હતું કે શિશુના પિતા છૂટક મજૂરી કામ કરી ઘરનું ભરણ પોષણ કરી રહ્યા છે અને સંતાને તેમને ત્રણ દીકરીઓ છે અને ગઈ ૨૪ /૦૧/૨૩ ના રોજ પુત્રનો જન્મ થયો હતો પરંતુ આ મહિલા અસ્થિર મગજની હોવાથી આજરોજ હોંસાપુર પાસે આવેલા કોતરમાં મૂકીને ચાલી ગઈ હતી ત્યાંથી પસાર થઈ રહેલ રીક્ષા ચાલકની નજર પડતા આજુબાજુના લોકોને જાણ કરી હતી તેમજ ૧૦૮ ને જાણ કરી હતી.

આ સમગ્ર ઘટનામાં શહેરા પી.આઈ આર કે રાજપૂત દ્વારા નવજાત શિશુની માતા  માનસિક રીતે અસ્વસ્થ હોવાથી તેની સામે કોઇ કાર્યવાહી કરવામાં આવી ન હતી, અને નવજાત બાળકનો કબ્જો તેના પિતાને સોંપી દેવાયો હતો. આ સાથે નવજાત બાળકના પિતાને શિશુ કીટ આપવામાં આવી હતી તેમજ  નવજાત શિશુને કોઈ પણ પ્રકારની તકલીફ હોય તો શહેરા સરકારી હોસ્પિટલ ખાતે સારવાર અર્થે લાવવા કહેવામાં આવ્યુ હતું.

આ પણ વાંચોઃ  લગ્ન મંડપમાં પિતાની સરપ્રાઇઝ, સ્વર્ગસ્થ માતાની પ્રતિમા જોઇ પુત્રીઓ ગદગદ..