J&Kમાં એન્કાઉન્ટર, સેનાના જવાનોએ લશ્કર-એ-તૈયબાના કમાન્ડર નિસારને ઠાર કર્યો

આ પહેલા અવંતીપોરાના ત્રાલ વિસ્તારમાં સુરક્ષાદળોએ બે આતંકીઓને ઠાર માર્યા હતા. આ આતંકવાદીઓ અંસાર ગઝવત-ઉલ-હિંદ (Ansar Ghazwat-ul-Hind-AGuH) અને લશ્કર સાથે સંકળાયેલા હતા. આ આતંકવાદીઓએ ખાનમોહ-શ્રીનગરમાં સરપંચ સમીર અહેમદની હત્યા કરી નાખી હતી. તાજેતરમાં કેન્દ્રીય રાજ્ય મંત્રી નિત્યાનંદ રાયે રાજ્યસભામાં એક લેખિત જવાબમાં જણાવ્યું હતું કે, જમ્મુ અને કાશ્મીરમાં 2017માં લઘુમતી સમુદાયના કુલ 11 લોકોની હત્યા કરવામાં આવી હતી, 2018માં 3 હત્યાઓ, 2019માં 6, 2020માં 3 અને 2021 સુધીમાં 11 નિર્દોષ લોકોની આતંકવાદીઓએ હત્યા કરી હતી.

બીજી તરફ, IGP કાશ્મીર વિજય કુમારે તાજેતરમાં ખુલાસો કર્યો હતો કે, ડિસેમ્બર (2021) થી માર્ચ સુધીમાં લગભગ 66 આતંકવાદીઓ (એપ્રિલમાં માર્યા ગયેલા આતંકવાદીઓની સંખ્યા નથી) માર્યા ગયા છે. ઓપરેશન સતત ચાલી રહ્યું છે, જેના કારણે તેઓ હતાશ થઈને સોફ્ટ ટાર્ગેટને નિશાન બનાવી રહ્યા છે. જમ્મુ-કાશ્મીરમાંથી કલમ 370 હટાવવામાં આવ્યા બાદ 370 નાગરિકો અને 99 સુરક્ષાકર્મીઓ માર્યા ગયા છે. 2018માં 417, 2019માં 255, 2020માં 244 અને 2021માં 229 આતંકી હુમલા થયા હતા. તેમણે કહ્યું કે, જમ્મુ અને કાશ્મીરમાં 2014 થી 2019 સુધીના પાંચ વર્ષમાં ઓછામાં ઓછા 177 નાગરિકો અને 406 સુરક્ષાકર્મીઓ માર્યા ગયા. 

આ બધાની વચ્ચે અહીં 51,000 કરોડ રૂપિયાના રોકાણની દરખાસ્તો મળી છે. હાલમાં જ રાજ્યસભામાં ગૃહ રાજ્ય મંત્રી નિત્યાનંદ રાયે આ માહિતી આપી હતી. એક પ્રશ્નના લેખિત જવાબમાં મંત્રીએ કહ્યું કે, 2020-2021માં પ્રધાનમંત્રી વિકાસ પેકેજ હેઠળ કુલ 841 નિમણૂંકો કરવામાં આવી હતી. 2021-2022માં 1264 નિમણૂંકો કરવામાં આવી હતી. વળી, 2105 પ્રવાસીઓ કાશ્મીર ઘાટીમાં પાછા ફર્યા છે.