મહિલા કોન્સ્ટેબલને ઇન્સ્પેક્ટરે કહ્યું આઇ લવ યુ, ફરીયાદ બાદ એસપી કર્યા સસ્પેન્ડ

બાગપત જિલ્લાના ખેકરા પોલીસ સ્ટેશનના તત્કાલીન ઇન્સ્પેક્ટરને એક મહિલા કોન્સ્ટેબલને આઈ લવ યુ કહેવું ભારે પડ્યું છે. ડી.કે .ત્યાગી નામના આ ઇન્સ્પેકટરને સસ્પેન્ડ કરી દેવાયા છે. તપાસ રિપોર્ટના આધારે આગળની કાર્યવાહી કરવામાં આવશે. આ મામલો દિવસભર વિભાગમાં ચર્ચાનો વિષય રહ્યો હતો.

ખેકરા પોલીસ સ્ટેશનના તત્કાલીન ઇન્સ્પેક્ટર દેવેન્દ્ર કુમાર ત્યાગીએ મહિલા કર્મચારીઓ સાથે અભદ્ર ભાષાનો ઉપયોગ કર્યો હતો.અને બાદમાં મહિલા કોન્સ્ટેબલને આઈ લવ યુ કહ્યું હતું. મહિલા કોન્સ્ટેબલે ઈન્સ્પેક્ટરનું આ કૃત્ય પોતાના મોબાઈલમાં કેદ કરી લીધું હતું. એટલું જ નહીં, કોન્સ્ટેબલે 11 ડિસેમ્બરે એસપી નીરજ કુમાર જાદૌનને ફરિયાદ કરી હતી. અન્ય મહિલા પોલીસકર્મીઓએ પણ ઈન્સ્પેક્ટર પર અભદ્ર ભાષાનો ઉપયોગ કરવાનો આરોપ લગાવીને એસપીને ફરિયાદ કરી હતી.

મામલાને ગંભીરતાથી લેતા એસપીએ તપાસ હાથ ધરી હતી. તપાસ રિપોર્ટમાં ફરિયાદની પુષ્ટિ થયા બાદ મંગળવારે રાત્રે એસપી દ્વારા ઈન્સ્પેક્ટર દેવેન્દ્ર કુમાર ત્યાગીને સસ્પેન્ડ કરવામાં આવ્યા હતા. બુધવારે પોલીસ વિભાગમાં આ બાબત ચર્ચામાં રહી હતી. બીજી તરફ એસપી નીરજ કુમાર જાદૌને જણાવ્યું કે ઈન્સ્પેક્ટર સામે વિભાગીય કાર્યવાહીની પ્રક્રિયા શરૂ કરી દેવામાં આવી છે. આંતરિક ફરિયાદ સમિતિ સમગ્ર મામલાની તપાસ કરશે. તપાસ રિપોર્ટના આધારે આગળની કાર્યવાહી કરવામાં આવશે.

આ પણ વાંચો - મહિલા કોન્સ્ટેબલે વિદ્યાર્થી બનીને કોલેજમાં વિતાવ્યા 5 મહિના, પાર પાડયું અન્ડર કવર મિશન