5 વર્ષની માસૂમ દીકરી પર માતા-પિતાએ 'કાળો જાદુ' કર્યો, દીકરીનું પ્રાણ પંખેરુ ઉડી ગયું

મહારાષ્ટ્રના નાગપુરમાં પાંચ વર્ષની બાળકીના માતા-પિતાએ "દુષ્ટ શક્તિઓથી બચવા" તેના પર "કાળો જાદુ" કરતી વખતે છોકરીને માર માર્યો હતો આ ઘટનામાં છોકરીનું પ્રાણપંખેરું ઉડી ગયું છે. છેલ્લાં છોડા દીવસથી બાળકો સામે અત્યાચારના કિસ્સાઓ વધી રહ્યાં છે.  પોલીસે જણાવ્યું કે આ ઘટના શુક્રવાર-શનિવારની રાત્રે બની હતી. પોલીસે બાળકીના પિતા સિદ્ધાર્થ ચિમને (45), માતા રંજના (42) અને કાકી પ્રિયા બંસોડ (32)ની ધરપકડ કરી છે. એક વરિષ્ઠ પોલીસ અધિકારીએ જણાવ્યું કે સુભાષ નગરનો રહેવાસી ચિમને યુટ્યુબ પર સ્થાનિક ન્યૂઝ ચેનલ ચલાવે છે. તે ગયા મહિને ગુરુ પૂર્ણિમાના દિવસે તકલઘાટ વિસ્તારની એક દરગાહમાં તેની પત્ની અને પાંચ અને 16 વર્ષની બે દીકરીઓ સાથે ગયો હતો. ત્યારથી તે વ્યક્તિ તેની નાની પુત્રીના વર્તનમાં થોડો ફેરફાર અનુભવી રહ્યો હતો.

અધિકારીએ કહ્યું કે પિતા માનતા હતા કે છોકરીને "કેટલીક દુષ્ટ શક્તિઓના કબજામાં લેવામાં આવી હતી" અને તેમને ભગાડવા માટે "કાળો જાદૂ" કરવાનું નક્કી કર્યું. છોકરીના માતા-પિતા અને કાકીએ રાત્રે 'બ્લેક મેજિક' કરવાનું શરૂ કર્યું અને તેનો વિડીયો પણ બનાવ્યો, જે બાદમાં પોલીસને તેમના ફોનમાંથી મળી આવ્યો.

વિડીયોમાં આરોપીઓ રડતી યુવતીને કેટલાક સવાલ પૂછતા જોવા મળે છે. અધિકારીએ કહ્યું કે યુવતી પ્રશ્નોને સમજવામાં પણ અસમર્થ હતી. આ સમય દરમિયાન, ત્રણેય આરોપીઓએ કથિત રીતે છોકરીને માર માર્યો હતો, ત્યારબાદ તે જમીન પર બેભાન થઈ ગઈ હતી, અધિકારીએ જણાવ્યું હતું. આ પછી આરોપી શનિવારે સવારે બાળકીને એક દરગાહ પર લઈ ગયો. બાદમાં તેઓ તેને સરકારી મેડિકલ કોલેજ અને હોસ્પિટલમાં લઈ ગયા અને ત્યાંથી તે બાળકીને મૂકીને ફરાર થઈ ગયા.

અધિકારીએ જણાવ્યું કે, હોસ્પિટલના એક સુરક્ષા ગાર્ડને શંકા ગઈ અને તેણે મોબાઈલ ફોન પર તેમની કારની તસવીર લીધી. આરોપીઓ પર ભારતીય દંડ સંહિતા (IPC) અને 'મહારાષ્ટ્ર માનવ બલિદાન અને અન્ય અમાનવીય, દુષ્ટ અને અઘોરી પ્રથાઓ અને કાળો જાદુ નિવારણ અધિનિયમ' ની સંબંધિત જોગવાઈઓ હેઠળ ગુનો નોંધવામાં આવ્યો છે.