Income Tax Raid : ઓડિશા-ઝારખંડમાં ITના દરોડા, મળ્યો નોટોનો ખડકલો.., પૈસા ગણવાના મશીનો જ ખરાબ થઈ ગયા
આવકવેરા વિભાગની ટીમે ઓડિશા અને ઝારખંડમાં બૌધ ડિસ્ટિલરીઝ પ્રાઇવેટ લિમિટેડ પર દરોડા પાડ્યા હતા. આ દરોડામાં કંપની સાથે સંકળાયેલા પરિસરમાંથી નોટોના બંડલનો જંગી જથ્થો મળી આવ્યો હતો. આવકવેરા વિભાગે ઓડિશાના બોલાંગીર, સંબલપુર અને ઝારખંડના રાંચી, લોહરદગામાં આ કાર્યવાહી કરી, જે હજુ પણ ચાલુ છે. સૂત્રોના જણાવ્યા અનુસાર બુધવાર સુધીમાં જ દરોડામાં 50 કરોડ રૂપિયાની નોટોની ગણતરી પૂર્ણ થઈ ગઈ હતી, પરંતુ મોટી સંખ્યામાં નોટોના કારણે મશીનોએ કામ કરવાનું બંધ કરી દીધું હતું.
દરોડામાં મળી આવેલી રોકડ રકમનો અંદાજ એ વાત પરથી લગાવી શકાય છે કે બુધવારે સવાર સુધીમાં આવક વિભાગની ટીમે 50 કરોડ રૂપિયા રિકવર કર્યા હતા અને તેની ગણતરી કરી હતી. જો કે, આ દરોડો હજુ પૂરો થયો નથી. આઈટી વિભાગના લોકો હજુ પણ બૌધ ડિસ્ટિલરીઝના પરિસરમાં હાજર છે અને કાર્યવાહી કરી રહ્યા છે. કંપનીની વેબસાઇટ અનુસાર, જૂથનું મુખ્ય મથક ઓડિશામાં છે અને તેની ચાર કંપનીઓ છે, જે 6 વ્યવસાયો ચલાવે છે. આ જૂથ સમગ્ર ઓડિશામાં કામ કરે છે.
Income Tax (I-T) Department conducted raids at Boudh Distilleries Private Limited in Odisha and Jharkhand and recovered huge cache of currency notes from the premises linked to the company till yesterday. According to officials searches are going at Bolangir & Sambalpur in Odisha… pic.twitter.com/A5SWUdDNUm
— ANI (@ANI) December 7, 2023
વેબસાઇટ અનુસાર, કંપનીઓમાં બૌધ ડિસ્ટિલરી પ્રાઇવેટ લિમિટેડ (ENA, CO2, DDGS), બલદેવ સાહુ ઇન્ફ્રા પ્રાઇવેટ લિમિટેડ (ફ્લાય એશ બ્રિક્સ), ક્વોલિટી બોટલર્સ પ્રાઇવેટ લિમિટેડ (IMFL બોટલિંગ) અને કિશોર પ્રસાદ બિજય પ્રસાદ બેવરેજીસ પ્રાઇવેટ લિમિટેડ (વેચાણ અને IMFL બ્રાન્ડનું માર્કેટિંગ. માર્કેટિંગ)નો સમાવેશ થાય છે.
સ્થાનિક સમાચાર મીડિયા અનુસાર, દરોડા શરૂ થયા બાદથી 2 દિવસમાં 150 કરોડ રૂપિયાની રોકડ રિકવર કરવામાં આવી છે. અહેવાલો અનુસાર, પશ્ચિમ ઓડિશામાં દેશી દારૂનું ઉત્પાદન અને વેચાણ કરતી સૌથી મોટી કંપનીઓમાંની એક, બલદેવ સાહુ એન્ડ ગ્રૂપ ઓફ કંપનીઝની બોલનગર ઓફિસ પર દરોડા દરમિયાન મોટી માત્રામાં રોકડ જપ્ત કરવામાં આવી હતી. બુધવારે આઇટીએ કંપનીની સબસિડિયરી કંપની બૌધ ડિસ્ટિલરીઝ પ્રાઇવેટ લિમિટેડ (BDPL)ના પરિસરમાં પણ દરોડા પાડ્યા હતા.
આવકવેરા વિભાગની કાર્યવાહી
આ સિવાય આવકવેરા વિભાગે બોલાંગીર અને તિતિલાગઢમાં દારૂના બે વેપારીઓના ઘરો પર એક સાથે દરોડા પાડીને રોકડ રકમ જપ્ત કરી હતી. આ દરોડામાંથી મળી આવેલી રોકડ બુધવારે રાત્રે બોલાંગીરમાં સ્ટેટ બેંક ઓફ ઈન્ડિયાની શાખામાં લાવવામાં આવી હતી અને જમા કરવામાં આવી હતી. તપાસ એજન્સીના જણાવ્યા અનુસાર તિતલાગઢમાં દીપક સાહુ અને સંજય સાહુના ઘરો પર દરોડા પાડવામાં આવ્યા હતા. પરંતુ દરોડાની બાતમી મળતાની સાથે જ બંને દારૂના ધંધાર્થીઓ શહેર છોડીને ભાગી ગયા હતા.
આ પણ વાંચો : Rajasthan: બાબા બાલકનાથે લોકસભાના સભ્યપદેથી આપ્યું રાજીનામું, સીએમ બનવાની અટકળોએ પકડ્યું જોર!