209 કિમીની ઝડપે આજે ફ્લોરિડામાં ટકરાશે Cyclonic Storm Helen
- પેસિફિક મહાસાગરમાં ઉદભવેલું હરિકેન હેલેન આજે ફ્લોરિડાના ઉત્તર-પશ્ચિમ કિનારે ટકરાશે
- આ વિસ્તારમાં 130 માઈલ પ્રતિ કલાક (209 કિલોમીટર પ્રતિ કલાક)ની ઝડપે પવન ફૂંકાઈ શકે
- હરિકેન હેલેનનો આકાર એકદમ અસામાન્ય છે. તે લગભગ 275 માઈલ વિસ્તારમાં ફેલાયેલું છે
- રાષ્ટ્રપતિ જો બિડેને ફ્લોરિડા, જ્યોર્જિયા, નોર્થ કેરોલિના, સાઉથ કેરોલિના અને વર્જિનિયામાં કટોકટીની સ્થિતિ જાહેર કરી
Cyclonic Storm Helen : પેસિફિક મહાસાગરમાં ઉદભવેલું વધુ એક ચક્રવાતી તોફાન હેલેન (Cyclonic Storm Helen) ઊંચા મોજાઓ સાથે પૃથ્વી તરફ આગળ વધી રહ્યું છે. નેશનલ હરિકેન સેન્ટર (NHC) એ તોફાનના ઉગ્ર સ્વરૂપને જોતા અમેરિકા માટે હાઈ એલર્ટ જાહેર કર્યું છે. રાષ્ટ્રપતિ જો બિડેને પણ NHC એલર્ટને ધ્યાનમાં રાખીને ફ્લોરિડા, જ્યોર્જિયા, નોર્થ કેરોલિના, સાઉથ કેરોલિના અને વર્જિનિયામાં કટોકટીની સ્થિતિ જાહેર કરી છે. ચેતવણી આપવામાં આવી છે કે આજે આ વાવાઝોડું કેટેગરી 4ના વાવાઝોડા તરીકે ફ્લોરિડાના ઉત્તર-પશ્ચિમ કિનારે ટકરાશે. તેના કારણે આ વિસ્તારમાં 130 માઈલ પ્રતિ કલાક (209 કિલોમીટર પ્રતિ કલાક)ની ઝડપે પવન ફૂંકાઈ શકે છે.
હરિકેન હેલેનનો આકાર એકદમ અસામાન્ય છે. તે લગભગ 275 માઈલ વિસ્તારમાં ફેલાયેલું છે
ભારે વરસાદને કારણે પૂરનો ભય પણ છે. જોરદાર પવન ઘરોને ખરાબ રીતે નુકસાન પહોંચાડી શકે છે. વૃક્ષો ધરાશાયી થઇ શકે છે. વીજ લાઈનો પ્રભાવિત થઈ શકે છે. ફ્લોરિડાના મેયરે લોકોને ચેતવણી આપી છે. રવિવાર સુધી શાળાઓ બંધ રાખવાની જાહેરાત કરવામાં આવી છે. એવો અંદાજ છે કે આ વાવાઝોડું અમેરિકા પહોંચતા પહેલા ક્યુબા અને કેમેનમાં તબાહી મચાવી શકે છે. હરિકેન હેલેનનો આકાર એકદમ અસામાન્ય છે. તે લગભગ 275 માઈલ વિસ્તારમાં ફેલાયેલું છે. તેથી, તે સમાન વિસ્તારમાં વિનાશ કરવાની ક્ષમતા પણ ધરાવે છે. હેલેનના કારણે જ ફ્લોરિડામાં પહેલાથી જ વીજળી ડૂલ થઈ ગઈ છે. દરિયામાં 8 ફૂટ ઊંચા મોજા ઉછળી રહ્યાં છે.
આ પણ વાંચો---ભયંકર વાવાઝોડું Cyclone Yagi 3800 કિમીની મુસાફરી કરી ભારતમાં....
તોફાનનો સામનો કરવાની તૈયારી
નેશનલ હરિકેન સેન્ટરના એલર્ટને ધ્યાનમાં રાખીને રાષ્ટ્રપતિ બિડેને ફ્લોરિડા અને ટેમ્પા ખાડીમાં કટોકટીની સ્થિતિ જાહેર કરી છે. લોકોને જીવન અને સંપત્તિની સલામતી માટે જરૂરી સાવચેતી રાખવા અને પ્રોટોકોલનું પાલન કરવાની સલાહ આપવામાં આવી છે. દરિયાકાંઠાના શહેરોમાં 8 ફૂટ ઉંચા મોજા જોવા મળી રહ્યા છે. કેટલાક વિસ્તારોમાં મોજા 20 ફૂટ ઊંચા હોઈ શકે છે. આ કારણે ટેમ્પા ઈન્ટરનેશનલ એરપોર્ટ (TIA) બંધ કરી દેવામાં આવ્યું છે. પીટર ઓ. નાઈટ, ટેમ્પા એક્ઝિક્યુટિવ અને પ્લાન્ટ સિટી એરપોર્ટ પણ બંધ છે. શાળાઓ, કોલેજો અને યુનિવર્સિટીઓ બંધ છે. પિનેલાસ કાઉન્ટીમાં હોસ્પિટલમાં દાખલ દર્દીઓને બહાર કાઢવામાં આવ્યા છે. સેન્ટ પીટર્સબર્ગના મેયર કેનેથ વેલ્ચે 6 ઈમરજન્સી શેલ્ટર બનાવ્યા છે.
As #Helene continues to approach the coast, please do not get overly focused on short-term wobbles in its track, "false" eye locations, or on specific computer model simulations.
EVERYONE along the Florida Big Bend coast is at risk of potentially catastrophic storm surge and… pic.twitter.com/LEFNk9UhXv
— National Hurricane Center (@NHC_Atlantic) September 26, 2024
તોફાન પહેલાની સ્થિતિ
મીડિયા અહેવાલો અનુસાર, તોફાન ત્રાટકે તે પહેલા ફ્લોરિડામાં 340,000 થી વધુ ઘરો અને ઓફિસો અંધકારમાં ડૂબી ગયા છે. ફ્લોરિડા-જ્યોર્જિયા બોર્ડર પાસે ભારે વરસાદ પડી રહ્યો છે. ફ્લોરિડાના ગવર્નરે લોકોને તેમના ઘર ખાલી કરવા કહ્યું છે. ઉત્તર કેરોલિનાના અધિકારીઓએ હેલેનથી ગંભીર પૂરની ચેતવણી આપી છે. આથી ઈમરજન્સી અધિકારીઓએ પૂરગ્રસ્ત સ્થળોએ રહેતા તમામ લોકોને સલામત સ્થળે ખસી જવા જણાવ્યું છે. સ્વાનાનોઆ અને ફ્રેન્ચ બ્રોડ નદીઓ પર પાણીનું સ્તર ખતરાના નિશાનથી ઉપર વધવાની ધારણા છે. ઇમરજન્સી અધિકારીઓને ભૂસ્ખલનનો પણ ભય છે, કારણ કે ઝડપથી વહેતું પાણી માટી અને ખડકોને પર્વતની નીચે ધરાશાયી કરી શકે છે.
આ પણ વાંચો---Cyclone System : ચક્રવાતી સિસ્ટમે ચોમાસાની વિદાય પાછી ઠેલી, આજે 9 રાજ્યોમાં ભારે વરસાદની ચેતવણી