સુરતમાં પહેલી વખત થયું હાથનું દાન

સુરત (Surat)ની નવી સિવિલ હોસ્પિટલ ખાતે અંગદાન (Organ Donation)નું  ઐતિહાસિક કાર્ય થયું છે. સુરતની સિવિલ હોસ્પિટલમાં બ્રેઇન ડેડ યુવકના હાથનું દાન કરવામાં આવ્યું છે. સિવિલ હોસ્પિટલમાં હાથનું દાન પહેલી વખત કરવામાં આવ્યું છે. ગુજરાતમાં અત્યાર સુધી 6 હાથનું દાન કરવામાં આવ્યું છે. 

ગુજરાતની છઠ્ઠી અને સુરત સિવિલની પ્રથમ‌ ઘટના સામે આવી છે.અમદાવાદ સિવિલમાં ત્રણ અંગદાતાઓનું હાથનું દાન થયું હતું.  કિરણ હોસ્પિટલ દ્વારા બે અંગદાતાઓના હાથનું દાન થયુ હતુ અને હવે સુરત સિવિલ દ્વારા પ્રથમ વાર ડાબા હાથનું અંગદાન થયુ. અંગદાતા આનંદા ધનગઢ મુળ મહારાષ્ટ્રના ધુલિયા જીલ્લાના સોનગિર ગામના મૂળ વતની છે અને જેઓ પડી જતાં તેમની સારવાર સુરત સિવિલમાં થઈ રહી હતી. આ સારવાર દરમિયાન ડોકટરો દ્વારા તેઓને બ્રેઇનડેડ જાહેર કરાયા હતા. 

બ્રેઈન ડેડ થતા ડોકટરો એ એમના પરિવારને અંગદાન વિશે માહિતી આપતા તેમના પુત્ર અને પરિવારે અંગદાન કરવાની તૈયારી બતાવી‌ હતી.તેઓ યશ એન્ટરપ્રાઇઝ નામની કંપનીમાં કામ કરતા હતા, જેથી આ કંપનીના માલીક અને કર્મચારીઓ દ્વારા આ અંગ દાનની પહેલને આગળ ધપાવતા સાથ સહકાર આપ્યો અને આ અંગ દાતાના ડાબા હાથનુ દાન કરી ગુજરાત સરકારની એર એમ્બ્યુલન્સ દ્વારા 1200 કી.મી દુર સુરત થી કોચી અમ્રિતા હોસ્પિટલમાં અંગ પહોચાડવામાં આવ્યુ.આ અંગદાન ના સેવા કાર્યમાં સુરત પોલીસ દ્વારા સિવિલ હોસ્પિટલ થી સુરત એરપોર્ટ સુધી ગ્રીન કોરિડોર તૈયાર કરવામાં આવ્યો હતો.

આ પણ વાંચો--સુરતની લાજપોર જેલમાં પહોંચ્યું આરોગ્ય તંત્ર