Ahmedabad : ઘાટલોડિયા અને ભાઇપુરા બેઠક પર આગામી વર્ષે પેટા ચૂંટણી યોજાવાની શક્યતા

અમદાવાદ મહાનગરપાલિકાની ઘાટલોડિયા બેઠક અને ભાઇપુરા બેઠક પર કોર્પોરેશન બેઠકની પેટા ચૂંટણી યોજાઇ શકે છે. ઘાટલોડિયા બેઠક અને ભાઇપુરા બેઠકના કાઉન્સિલર પક્ષની સૂચના મુજબ રાજીનામું આપવાના છે જેથી બંને બેઠકો પર આગામી એપ્રિલ અથવા મે મહિનામાં પેટા ચૂંટણી યોજાઇ શકે છે.

અમદાવાદ શહેર કોર્પોરેશનની બે બેઠકો માટે મોટા સમાચાર મળ્યા છે. મળેલી માહિતી મુજબ કોર્પોરેશનની ઘાટલોડિયા બેઠક અને ભાઇપુરા બેઠકના કાઉન્સલિરો પક્ષની સૂચના મુજબ રાજીનામું આપવાના છે જેથી  ઘાટલોડિયા બેઠક અને ભાઈપુરા બેઠકની આગામી વર્ષમાં  પેટા ચૂંટણી યોજાઈ શકે છે.

ઘાટલોડિયા બેઠકના કાઉન્સિલર મનોજ પટેલ અને ખોખરા વોર્ડના કાઉન્સિલર ચેતન પરમાર પક્ષની સૂચના મુજબ રાજીનામા આપશે કારણ કે  બંને કાઉન્સિલર લાંબા સમયથી વિદેશમાં છે અને કાઉન્સિલર તરીકે ત્રણ મહિના સુધી સતત બોર્ડ બેઠકમાં બંને ગેરહાજર રહેતા કાઉન્સિલર પદ ગુમાવી શકવાનો નિયમ છે અને તેથી જ બંને કાઉન્સિલરો પાસે પક્ષ રાજીનામું માગશે.

બંને કાઉન્સિલર અંગત કારણોસર વિદેશમાં હોવાથી અન્ય ઉમેદવારોને મેદાનમાં ઉતારી પેટા ચૂંટણી યોજવામાં આવશે.  આગામી એપ્રિલ અથવા મેં મહિનામાં બંને વોર્ડના કાઉન્સિલર માટે પેટા ચૂંટણી યોજાય તેવી શક્યતા છે.

આ પણ વાંચો----PATAN : રણાસણ ગામના યુવકનો UK માં આપઘાત, વાંચો અહેવાલ