દિલ્હી સરકારે 2022-23નું રૂ.75,800 કરોડનું બજેટ રજૂ કર્યું, દિલ્હી બદલી નાખવાનો કર્યો દાવો

દિલ્હી સરકારે વર્ષ 2022-23નું બજેટ રજૂ કર્યું છે. આ બજેટમાં દિલ્હીમાં AAP સરકારનું ધ્યાન નોકરીઓ, આરોગ્ય, નાઇટ લાઇફ, બજાર, ગ્રીન એનર્જી, રિટેલ સેક્ટર પર છે.
75,800 કરોડના આ બજેટમાં
દિલ્હી સરકારે આગામી 5 વર્ષમાં 20 લાખ લોકોને નોકરી આપવાનું લક્ષ્ય રાખ્યું છે. દિલ્હી સરકાર
નોકરીઓમાં ગ્રીન જોબ પર ભાર આપી રહી છે. બજેટ રજૂ કરતા દિલ્હીના ડેપ્યુટી સીએમ અને નાણા મંત્રાલય
સંભાળતા મનીષ સિસોદિયાએ કહ્યું કે આ AAP સરકારનું આઠમું બજેટ છે. દિલ્હીમાં 7 વર્ષમાં
ક્રાંતિકારી કામ થયું છે.

Under 'Rozgaar budget' Delhi govt aims to generate 20 lakh more jobs in next 5 years

Read @ANI Story | https://t.co/vLnPZaMXjv#JobOpportunity #RozgaarBudget pic.twitter.com/kVNs9sghAn

— ANI Digital (@ani_digital) March 26, 2022

" title="" target="">javascript:nicTemp();

બજેટ રજૂ કરતાં મનીષ સિસોદિયાએ કહ્યું કે ગયા વર્ષે AAP સરકારે દેશભક્તિનું
બજેટ રજૂ કર્યું હતું, આ વખતે અમારું બજેટ રોજગાર બજેટ છે. તેમણે કહ્યું કે સરકારનું
લક્ષ્ય આગામી પાંચ વર્ષમાં દિલ્હીના લોકોને 20 લાખ નોકરીઓ આપવાનું છે. મનીષ સિસોદિયાએ કહ્યું કે અમે આગામી 5 વર્ષમાં રિટેલ
ક્ષેત્રમાં 3 લાખ નોકરીઓ અને
આગામી 1 વર્ષમાં 1.20 લાખથી વધુ નવી
નોકરીઓની તકો ઊભી કરવાની અપેક્ષા રાખીએ છીએ. મનીષ સિસોદિયાએ કહ્યું કે 1.5 લાખ નોકરીઓનું સર્જન
કરવા માટે દિલ્હીના 5 પ્રખ્યાત બજારોનો વિકાસ કરવામાં આવશે. આ માટે 100 કરોડ રૂપિયા
ફાળવવામાં આવ્યા છે.

મનીષ સિસોદિયાએ કહ્યું કે દેશની જીડીપીમાં દિલ્હીનો હિસ્સો 2011-12માં 3.94 ટકાથી વધીને 2021-22માં 4.21 ટકા થયો છે. જ્યારે
તેના પ્રમાણમાં ઓછા લોકો અહીં રહે છે. દિલ્હી બજેટ 2022-23માં મ્યુનિસિપલ
સંસ્થાઓ માટે 6,154 કરોડની ફાળવણી કરવામાં આવી છે. તેમણે કહ્યું કે એમ્પ્લોયમેન્ટ માર્કેટ પોર્ટલ 2.0 દિલ્હીમાં લાવવામાં
આવશે. અગાઉના રાઉન્ડમાં 15 લાખ લોકો નોકરીની માંગ કરી રહ્યા હતા અને 10 લાખ નોકરી આપનારા
લોકો સામે આવ્યા હતા. આ દ્વારા દર વર્ષે એક લાખ નવી નોકરીઓનું સર્જન કરવાનું
લક્ષ્ય છે.

શિક્ષણ બજેટ- રૂ. 16278 કરોડ

આરોગ્ય - રૂ. 9669 કરોડ

પરિવહન - રૂ. 9539 કરોડ

દિલ્હી સરકારે આમ આદમી મોહલ્લા ક્લિનિક અને આમ આદમી પોલીક્લીનિક
માટે 475 કરોડ રૂપિયા
ફાળવ્યા છે. અત્યાર સુધીમાં 5.49 કરોડ લોકોએ મોહલ્લા ક્લિનિકમાં સારવાર લીધી છે, જેના કારણે લોકોનો
ખર્ચ બચ્યો છે. દિલ્હીની શાળાઓમાં સ્કૂલ ક્લિનિક શરૂ કરવામાં આવ્યા જેથી બાળકોનું
ચેકઅપ થઈ શકે. જેમાં 6 મહિનામાં બાળકોની માનસિક મૂંઝવણોની પણ તપાસ કરવામાં આવશે. મનીષ સિસોદિયાએ
કહ્યું કે દિલ્હી સરકાર બે મોટા પગલા ભરવા જઈ રહી છે. દિલ્હીના તમામ નાગરિકોને
ઈ-હેલ્થ કાર્ડ ઉપલબ્ધ કરાવવામાં આવશે. આનાથી સમયસર સારી સારવાર મેળવવામાં સરળતા
રહેશે. આ માટે 160 કરોડની જોગવાઈ કરવામાં આવી છે. આ ઉપરાંત ફ્રી હેલ્થ હેલ્પલાઈન
પણ શરૂ કરવામાં આવશે. જેમની પાસે હેલ્થ કાર્ડ હશે તેઓ આ હેલ્પલાઈન પર ફોન કરીને
પૂછી શકે છે કે કયા રોગની સારવાર ક્યાં કરવી. હેલ્થ કાર્ડના આધારે હોસ્પિટલમાં
એપોઇન્ટમેન્ટ પણ આપવામાં આવશે. વર્ષ 2022-23માં આરોગ્ય માટે 9669 કરોડ રૂપિયાનો અંદાજપત્ર રાખવામાં આવ્યો છે. દિલ્હીમાં આમ આદમી
યોગશાળા શરૂ કરવામાં આવી છે. કોરોના દરમિયાન 450 યોગ શિક્ષકોએ 15 હજારથી વધુ લોકોને યોગ શીખવ્યું. આ માટે 15 કરોડની જોગવાઈ છે.

દિલ્હી સરકારે 2022-23 માટે વીજળી બિલ પર સબસિડી માટે 3250 કરોડ રૂપિયાની જોગવાઈ કરી છે. મનીષ સિસોદિયાએ
વિધાનસભામાં કહ્યું કે તેઓ દિલ્હીમાં નવી ફૂડ ટ્રક પોલીસી લાવશે. રાત્રે 8 થી 2 વાગ્યા સુધી ફૂડ
ટ્રક ઉપલબ્ધ રહેશે. તેનાથી દિલ્હીમાં નાઈટ લાઈફ વધશે અને રોજગારીની નવી તકો ઉભી
થશે. સરકાર દિલ્હીના મુખ્ય ફૂડ હબને ઓળખશે અને પુનઃવિકાસ કરશે. ક્લાઉડ કિચનની સંખ્યા દર વર્ષે 20% વધી રહી છે, હાલમાં 20,000 થી વધુ ક્લાઉડ કિચન છે અને બે લાખથી વધુ લોકોને રોજગારી આપે
છે. તે નાઇટ ઇકોનોમીને પણ સપોર્ટ કરે છે. ક્લાઉડ કિચનને સરળતાથી લેન્ડ અને લાયસન્સ
આપવાની યોજના સાથે આવ્યા છે. ક્લાઉડ કિચન ઉદ્યોગ આગામી 5 વર્ષમાં 42000 લોકોને રોજગાર
આપશે. રિટેલ અને ફૂડ બેવરેજ સેક્ટર દર વર્ષે 25%ના દરે વધી રહ્યું છે.

દિલ્હી સરકાર આવતા વર્ષથી 30% રિઝર્વેશન સાથે મહિલા ડ્રાઈવરો સાથે 4200 થી વધુ ઈ-ઓટો લઈને
આવી રહી છે. સુપ્રીમ કોર્ટની પરવાનગીથી આગામી 5 વર્ષમાં દર વર્ષે 5000 ઈ-ઓટો પરમિટ જારી કરશે. તેનાથી 25000 નવી નોકરીઓનું સર્જન થશે. ઈલેક્ટ્રોનિક્સ મેન્યુફેક્ચરિંગ આજે
વિશ્વમાં સૌથી વધુ રોજગારી આપતું ક્ષેત્ર છે. દિલ્હીમાં ઈલેક્ટ્રોનિક સિટી
બનાવવામાં આવશે જે 80,000 લોકોને રોજગાર આપશે. ઈલેક્ટ્રોનિક કંપનીઓને દિલ્હીમાં તેમના
પ્લાન્ટ સ્થાપવા માટે આમંત્રિત કરવા સરકાર બાપ્રોલામાં 90 એકરમાં પ્લગ એન્ડ
પ્લે મેન્યુફેક્ચરિંગ સ્થાપશે.

મનીષ સિસોદિયાએ કહ્યું કે દિલ્હીના રિટેલ માર્કેટને પ્રોત્સાહન
આપવા માટે સરકાર દિલ્હી શોપિંગ ફેસ્ટિવલ શરૂ કરવાની જાહેરાત કરે છે. દેશ-વિદેશના
ગ્રાહકોને દિલ્હીમાં ખરીદી કરવા માટે પ્રોત્સાહિત કરવા માટે દિલ્હીમાં શોપિંગ
ફેસ્ટિવલનું આયોજન કરવામાં આવશે. નાના સ્થાનિક બજારોને ગ્રાહકો સાથે જોડવા માટે
દિલ્હી બજાર પોર્ટલ શરૂ કરવામાં આવશે. આ સિવાય દિલ્હી સરકાર સ્ટાર્ટઅપ પોલિસી લઈને આવી રહી છે. આ નવી
નીતિ હેઠળ, નોકરી શોધતી વસ્તીને
નોકરી શોધનાર વસ્તીમાં રૂપાંતરિત કરવાની છે. આ સિવાય દિલ્હીમાં એક નવું
ઈલેક્ટ્રોનિક સિટી બનાવવામાં આવશે. તેમણે કહ્યું કે દિલ્હી હોલ સેલ માટે હોલ સેલ
ફેસ્ટિવલનું આયોજન કરશે, ગાંધી નગર માર્કેટ કપડા બજારનું નવું હબ બનશે.