વૃક્ષ કાપવા એ માણસની હત્યા કરતા પણ ખરાબ....સુપ્રીમ કોર્ટે આખરે કેમ આવું કહ્યું?
- ગેરકાયદેસર રીતે કાપવામાં આવતા દરેક વૃક્ષ માટે 1 લાખ રૂપિયાનો દંડ
- કાયદા અને વૃક્ષોને હળવાશથી ન લઈ શકાય- સુપ્રીમ કોર્ટે
- પર્યાવરણીય બાબતોમાં કોઈ છૂટ ન આપવાનો સંદેશ
Supreme Court : સુપ્રીમ કોર્ટે કહ્યું કે વૃક્ષોનું ગેરકાયદેસર કાપવું એ માનવ હત્યા કરતા પણ ખરાબ છે. કોર્ટે 454 વૃક્ષો કાપવા બદલ પ્રતિ વૃક્ષ 1 લાખ રૂપિયાનો દંડ ફટકાર્યો. ગુનેગારે પોતાની ભૂલ સ્વીકારી અને માફી માંગી પણ કોર્ટે દંડ ઘટાડવાની તેની વિનંતી ફગાવી દીધી. કોર્ટે પર્યાવરણીય બાબતોમાં કોઈ છૂટ ન આપવાનો સંદેશ આપ્યો.
Indian Premier League, 2025
Mar 31, 07:30 pm
T20 | Wankhede Stadium, Mumbai City
Apr 1, 07:30 pm
T20 | Bharat Ratna Shri Atal Bihari Vajpayee Ekana Cricket Stadium, Lucknow
Apr 2, 07:30 pm
T20 | M. Chinnaswamy Stadium, Bengaluru
Apr 3, 07:30 pm
T20 | Eden Gardens, Kolkata
Rajasthan Royals won by 6 runs | Mar 30, 07:30 pm
T20 | CSK: 176/6(20.0), RR: 182/9(20.0)
Delhi Capitals won by 7 wickets | Mar 30, 03:30 pm
T20 | DC: 166/3(16.0), SRH: 163/10(18.4)
વૃક્ષો કાપવા એ માણસની હત્યા કરતા પણ ખરાબ
સુપ્રીમ કોર્ટે મંગળવારે કહ્યું કે મોટી સંખ્યામાં વૃક્ષો કાપવા એ માણસની હત્યા કરતા પણ ખરાબ છે અને પર્યાવરણને નુકસાન પહોંચાડનારાઓ પર કોઈ દયા ન બતાવવી જોઈએ. કોર્ટે ગેરકાયદેસર રીતે કાપવામાં આવેલા દરેક વૃક્ષ માટે 1 લાખ રૂપિયાનો દંડ ફટકાર્યો.
પર્યાવરણને નુકસાન પહોંચાડતા લોકો સામે કડક કાર્યવાહી
સંબંધિત સત્તાધિકારીની પરવાનગી વિના ગેરકાયદેસર રીતે વૃક્ષો કાપવામાં અને પર્યાવરણને નુકસાન પહોંચાડવામાં સામેલ લોકો સામે કડક કાર્યવાહી થવી જોઈએ તેવો સ્પષ્ટ સંદેશો આપતા જસ્ટિસ અભય એસ ઓકા અને ઉજ્જલ ભૂયણની બેન્ચે એક વ્યક્તિની અરજી ફગાવી દીધી હતી. આ વ્યક્તિએ સંરક્ષિત તાજ ટ્રેપેઝિયમ વિસ્તારમાં 454 વૃક્ષો કાપી નાખ્યા હતા.
આ પણ વાંચો : Chhattisgarh : પૂર્વ CM ભૂપેશ બઘેલના નિવાસ સ્થાને ED બાદ CBIની ટીમના દરોડા
ગુનેગારોને સ્પષ્ટ સંદેશ
બેન્ચે વરિષ્ઠ વકીલ એડીએન રાવના સૂચનને સ્વીકાર્યું કે ગુનેગારોને સ્પષ્ટ સંદેશ આપવો જોઈએ કે કાયદો અને વૃક્ષોને હળવાશથી ન લઈ શકાય અને ન લેવા જોઈએ. પોતાના આદેશ સાથે, કોર્ટે આવા કેસોમાં કેટલો દંડ લાદવો જોઈએ તે માટે ધોરણ નક્કી કર્યું છે. રાવ કોર્ટને એમિકસ ક્યુરી તરીકે મદદ કરી રહ્યા છે.
પર્યાવરણીય બાબતોમાં કોઈ દયા નહીં
બેન્ચે કહ્યું કે પર્યાવરણીય બાબતોમાં કોઈ દયા નહીં. મોટી સંખ્યામાં વૃક્ષો કાપવા એ માણસને મારવા કરતાં પણ ખરાબ છે. 454 વૃક્ષો ધરાવતા હરિત ક્ષેત્રને ફરીથી બનાવવામાં અથવા પુનર્જીવિત કરવામાં ઓછામાં ઓછા 100 વર્ષ લાગશે. આ વૃક્ષો આ કોર્ટની પરવાનગી વિના કાપવામાં આવ્યા હતા, જ્યારે આ કોર્ટ દ્વારા લાદવામાં આવેલ પ્રતિબંધ વર્ષ 2015 થી અમલમાં છે.
આ પણ વાંચો : Mehul Choksi: દુનિયાને ઉલ્લુ બનાવી રહ્યો છે મેહુલ ચોકસી, બેલ્જિયમે ખોલ્યા રાજ
પ્રતિ વૃક્ષ 1 લાખ રૂપિયાનો દંડ
કોર્ટે સેન્ટ્રલ એમ્પાવર્ડ કમિટી (CEC) ના રિપોર્ટને સ્વીકાર્યો, જેમાં શિવશંકર અગ્રવાલ નામના વ્યક્તિ દ્વારા ગયા વર્ષે કાપવામાં આવેલા 454 વૃક્ષો માટે પ્રતિ વૃક્ષ 1 લાખ રૂપિયા દંડ પર ભલામણ કરવામાં આવી હતી. તેમના વતી હાજર રહેલા વરિષ્ઠ વકીલ મુકુલ રોહતગીએ બેન્ચને જણાવ્યું કે તેમના અસીલે પોતાની ભૂલ સ્વીકારી છે અને માફી માંગી છે.
દંડની રકમ ઘટાડવા વિનંતી
તેમણે કોર્ટને દંડની રકમ ઘટાડવાની પણ વિનંતી કરી છે, તેમણે દંડની રકમ ખૂબ વધારે ગણાવી છે. તેમણે એમ પણ કહ્યું કે અગ્રવાલને એક જ પ્લોટ પર નહીં પરંતુ નજીકના સ્થળે વૃક્ષો વાવવાની મંજૂરી આપવી જોઈએ. જોકે, કોર્ટે દંડની રકમ ઘટાડવાનો ઇનકાર કર્યો હતો અને તેને નજીકના વિસ્તારોમાં વૃક્ષો વાવવાની મંજૂરી આપી હતી.
ગાંધીનગર શહેર અને તેની આસપાસના વિસ્તારોમાં વૃક્ષો છેલ્લા ત્રણ વર્ષથી ઘટાદાર વૃક્ષો કાપવામાં આવી રહ્યા છે. ગુજરાત વિધાનસભામાં પણ વૃક્ષો કાપવા મુદ્દે પુછાયેલા પ્રશ્નમાં સરકારે જવાબ આપતા કહ્યું હતું કે, 15 હજાર વૃક્ષો કપાયા છે. પાણી પૂરવઠા, ગટર, હાઈવે તથા મેટ્રોના કામમાં વૃક્ષો કપાઈ રહ્યા છે. ઘણા પ્રકૃતિ પ્રેમીઓ વૃક્ષોના નિકંદનને લઈ વિરોધ કરે છે.વિકાસના નામે વૃક્ષોના છેદનના કારણે પાટનગર ગાંધીનગરની ઓળખ દૂર થતી જતી હોય તેવું લાગી રહ્યું છે.
આ પણ વાંચો : Weather News : આકરી ગરમીનો પ્રકોપ, યુપી અને રાજસ્થાનમાં પણ તાપમાન વધશે જાણો ચોમાસા વિશેની આગાહી
