હવે ભારતમાં જ થશે કાર ક્રેશ ટેસ્ટિંગ, કેન્દ્રએ કાર એસેસમેન્ટ પ્રોગ્રામને આપી લીલી ઝંડી

કેન્દ્રીય મંત્રી નીતિન ગડકરી દ્વારા કરવામાં આવેલા ટ્વિટ અનુસાર, નવો કાર રેટિંગ પ્રોગ્રામ  'ભારત NCAP', ગ્રાહકોને ધ્યાનમાં રાખીને ડિઝાઇન કરવામાં આવ્યો છે. જ્યારે પણ લોકો નવી કાર ખરીદવાનું વિચારે છે, તે પહેલાં ગ્રાહકોએ તે કાર વિશે જાણવું જોઈએ. સલામતીની બાબતમાં, સ્ટાર રેટિંગ પ્રાપ્ત થયું તે પણ જાણવું જોઈએ. આ પ્રોગ્રામ સાથે, કંપનીઓ વધુ મજબૂત કાર બનાવવાની દિશામાં વધુ સારી રીતે કામ કરશે. જે કાર ઉત્પાદનના ક્ષેત્રમાં વધુ સારી સ્પર્ધા જાળવી રાખશે. આ સાથે તેમણે GSR નોટિફિકેશનને પણ ફ્લેગ ઓફ કર્યું છે  જેથી ભારત NCAPનો પરિચય થઈ શકે. આ નવા કાર રેટિંગ પ્રોગ્રામ Bharat NCAP ભારતમાં કાર ક્રેશ પરીક્ષણો હાથ ધરવામાં આવશે અને તેમને સલામતી અને પ્રદર્શનના આધારે સ્ટાર રેટિંગ આપવામાં આવશે.

કેન્દ્રીય મંત્રી નીતિન ગડકરીના નિવેદન અનુસાર આ ક્રેશ ટેસ્ટમાં મુસાફરોની સુરક્ષાના આધારે કારને સ્ટાર રેટિંગ આપવામાં આવશે. આ સાથે ભારતની કાર કંપનીઓની એક અલગ ઓળખ વિદેશમાં જોવા મળશે. મંત્રીએ એમ પણ કહ્યું કે ગ્લોબલ NCAP ક્રેશ ટેસ્ટ પ્રોટોકોલ પર, ભારત NCAP માટેના નિયમો અને શરતો પણ નક્કી કરવામાં આવશે. ત્યારબાદ  કંપનીઓએ તેમની કારને દેશમાં પરીક્ષણ સુવિધાઓમાં મોકલવી પડશે અને ત્યારબાદ કાર ક્રેશ ટેસ્ટ દરમિયાન, પુખ્ત વયના લોકો અને બાળકોની સલામતી સાથે સંબંધિત સ્ટાર રેટિંગ આપવામાં આવશે. કેન્દ્રીય મંત્રી નીતિન ગડકરીએ પણ કહ્યું હતું કે ભારતીય ઓટોમોબાઈલ ઉદ્યોગને હબ અને આત્મનિર્ભર બનાવવા માટે આવનારા સમયમાં ભારત એનસીએપીનું યોગદાન દેખાશે.