ભારતીસિંહે બેબી બંપ સાથે ફોટો શૂટ કરાવ્યું, જુઓ તસવીરો

કોમેડિયન ભારતીસિંહ ખુબ જલ્દી માતા બની શકે છે. બેબી બંપ સાથે ભારતીસિંહે ફોટો શૂટ કરાવ્યું હતું અને તે તસવીરો ઝડપથી વાયરલ થઇ છે. 

ભારતીસિંહ મા બનવાની છે અને બેબી બંપ સાથે તેણે ફોટો શૂટ પણ કરાવ્યું છે. ભારતી સિંહે હર્ષ લિંબાચીયા સાથે લગ્ન કર્યા હતા અને હવે તે એપ્રિલના પહેલા સપ્તાહમાં બાળકને જન્મ આપશે. 

ભારતીસિંહ હાલ ગર્ભવતી છે. તેણે ઇન્સ્ટાગ્રામ પર બેબી બંપની તસવીરો શેર કરી હતી. ફોટોમાં તેણે લખ્યું છે કે આવનારા બેબીની મમ્મી. સાથે સાથે તેમણે હૈશટેગમાં બેબી કમિંગ સૂન, મોમ ટુ બી, લવ હર્ષ લિંબાચીયા અને ભારતી સિંહ તથા ગણપતિ બાપા મોરિયાનો ઉપયોગ કર્યો છે. 

તસવીરોમાં ભારતી સિંહે પિંક કલરનું ગાઉન પહેરેલું જોવા મળે છે. આ ઉપરાંત તે અલગ અલગ અંદાજમાં જોવા મળે છે. તેણે સામાન્ય મેકઅપ કર્યો છે અને પોતાના વાળ છુટા રાખ્યા છે. ભારતીસિંહની તસવીરો પર ફેન્સ કોમેન્ટો પણ કરી રહ્યા છે. ઘણા લોકોએ વાઉ, બ્યુટીફુલ, અમેજીંગ, સો પ્રિટી, નાઇસ, ગોર્જિયસ જેવી કોમેન્ટો પણ કરી હતી. જેમાં ઘણાં કલાકાર પણ સામેલ છે. શમિતા શેટ્ટી, રુબીના મલેક,કિશ્વર મર્ચન્ટ તાહિરા કશ્યપે કોમેન્ટ કરી હતી. 

તે અગાઉ ભારતીસિંહે પતિ હર્ષ લિંબાચીયા સાથે હોળીના તહેવાર નિમીત્તે  પણ એક તસવીર પોસ્ટ કરી હતી જેમાં બંને બેબી બંપ સાથે જોવા મળ્યા હતા. ફોટો શેર કરતી વખતે ભારતી સિંહે લખ્યું હતું કે ત્રણેય તરફથી તમને સહુને હેપ્પી હોલી. હોળીના અવસરે ભારતીસિંહે પિંક કલરનો ડ્રેસ પહેર્યો હતો. જયારે હર્ષે બ્લેક શર્ટ અને જીન્સ પેન્ટ પહેર્યું હતું.