સરખેજ ભારતી આશ્રમના ઋષિ ભારતી બાપુ સામે સરખેજ પોલીસમાં અરજી

બીજી તરફ આ મામલે ઋષી ભારતી બાપુએ પણ જણાવ્યુું હતું કે મારો કોઇ ગુનો કે દોષ ના હોવા છતાં હું ખુલાસા કરું છું. બાપુને જેના પ્રત્યે લાગણી હતી તેમના જોડે વિલ કર્યું છે. હરિહરાનંદ બાપુ મારા માટે પૂજનીય છે અને મે એટલો અભ્યાસ કર્યો છે કે મારી પાસે 3 ગોલ્ડ મે઼ડલ છે. હરિહરાનંદ બાપુની માનસિકતા બધાને દબાવી રાખવાની છે. તેમણે યદુનાનંદ સામે પણ આરોપ લગાવ્યા હતા. તેમણે વધુમાં કહ્યું કે છાત્રાલયનું સંચાલન કરવા બેંક ખાતુ ખોલવા જણાવ્યું હતું અને ખરેખર ખોટો વહિવટ કોણ કરે છે એ હિસાબ એમણે આપવા જોઇએ. બાપુના ગયા પછી 18 જાન્યુઆરી, 2022ના રોજ છેલ્લી મિટીંગ થઇ હતી અને આ મિટીંગ બાદ કોઇ મિટીંગ થઇ નથી. જબરદસ્તીથી કોરા કાગળ પર સહિ કરાવા કહ્યું હતું અને મે ના પાડતાં મને ત્યાંથી કાઢી મુકાયો હતો. તેમણે કહ્યું કે તમામ ટ્રસ્ટીઓને પુછવું છે કે બાપુના બ્રહ્મલીન બાદ તમારું દાન કેટલું છે. 

તેમણે વધુમાં કહ્યું કે ધર્મને અનુકૂળ નિવેદન આપવામાં કોઇ રોકે તો હું પ્રેમથી સમજાવું છું.  હું પ્રોપર્ટી કે મિલકત માટે સંત થયો નથી અને બાપુ ગુમ થયા તેમાં મને ટાર્ગેટ કરાયો હતો. વારંવાર આવી ઘટના ના બને તે માટે સીઆઇડીના ડીવાયએસપી કક્ષાના અધિકારીને બાપુ કયાં હતા તેની તપાસ કરવા અરજી કરીશ