કેન્દ્રીય ગૃહમંત્રીશ્રી અમિતભાઈ શાહના ભવ્ય રોડ-શોમાં પ્રચંડ જનસમર્થન મળ્યું, જુઓ Video

ગુજરાત વિધાનસભાની ચૂંટણીનો (Gujarat Elections 2022) પ્રચાર-પ્રસાર ચરમસીમાએ છે. રાજકિય પાર્ટીઓ પુર જોશથી ચૂંટણી કેમ્પેઈન ચલાવી રહી છે. ભારતીય જનતા પાર્ટીના (BJP) સ્ટાર પ્રચારકો કાર્પેટ બોમ્બિંગની રણનીતિથી ચૂંટણી પ્રચાર કરી રહ્યાં છે ત્યારે કેન્દ્રીય ગૃહમંત્રીશ્રી અમિતભાઈ શાહે (Amit Shah) આજે રાજપીપળામાં ભવ્ય રોડ-શો કર્યો હતો. અમિતભાઈ શાહના આ ભવ્ય રોડ-શોને પ્રચંડ જનસમર્થન મળ્યું હતું. આ રોડ-શો દરમિયાન અમિતભાઈ શાહે નાંદોદના (Nandod) ઉમેદવાર દર્શનાબેન દેશમુખને મત આપવાની લોકોને અપીલ કરી હતી.

રાજપીપળામાં ગૃહમંત્રીશ્રી અમિતભાઈ શાહનો (Amit Shah) રોડ-શૉ સુર્યા દરવાજાથી હરસિદ્ધિ માતાના મંદિર સુધીનો યોજાયો હતો. મોટી સંખ્યામાં લોકો ઉમટ્યા હતા. રાજપીપળામાં આવો ભવ્ય રોડ શો ક્યારેય થયો નથી. આદિવાસી વિસ્તારમાં ભાજપને ભરપુર સમર્થન જોવા મળ્યું છે. ગત ચૂંટણીમાં નર્મદા (Narmada) જિલ્લામાં બંને બેઠકો ભાજપ જીતી શકી નહોતી ત્યારે આ વખતે બંને સીટો કબ્જે કરવાના લક્ષ્ય સાથે ભાજપ ચાલી રહ્યું છે અને અહીં તેમને પ્રચંડ જનસમર્થન પણ મળી રહ્યું છે.

કેન્દ્રીય ગૃહમંત્રીશ્રી અમિતભાઈ શાહે રોડ-શોમાં લોકોને સંબોધન કરતા જણાવ્યું કે, હું અનેકવાર રાજપીપળા અને નાંદોદમાં આવ્યો છું. ચૂંટણી માટે પણ આવ્યો છું, ચૂંટણી વગર પણ આવ્યો છું પણ મારી જીંદગીમાં આવી ભીડ મેં કોઈ દિવસ જોઈ નથી. હું ભાજપ વતી રાજપીપળાના સમ્માનિય મતદારોનો હૃદયપૂર્વક ખુબ ખુબ ધન્યવાદ કરૂં છું.

તેમણે જણાવ્યું કે, આગામી ડિસેમ્બર મહિનામાં રાજપીપળાએ મત નાખવાનો હું વિનંતી કરવા આવ્યો છું કે ભાજપના ઉમેદવાર ડૉ. દર્શનાબેનને (Darshanaben) પ્રચંડ બહુમતિથી વિજયી બનાવો. આ સમગ્ર ગુજરાતમાં કલ્પનાબેનનો નંબર એક આવવો જોઈએ. બેલેટ પેપરમાં પણ કલ્પનાબેનનો નંબર એક છે અને ભાજપનો નંબર પણ એક છે. મિત્રો આ 1લી તારીખે જ્યારે તમે મતદાન કરો ત્યારે દર્શનાબેનને જીતાડવા કમળના નિશાન પર મત આપજો.

તેમણે કહ્યું કે, એટલું નિશ્ચિત માનજો તમારો એક મત મહાન ગુજરાત અને મહાન ભારતની રચના માટે નરેન્દ્ર મોદીના (Narendra Modi) હાથ મજબુત કરે છે. તમારો એક મત સરહદોની સુરક્ષા માટેનો વોટ છે, તમારો એક મત દેશને સુરક્ષિત બનાવવા માટેનો મત છે. તમારો એક મત ગુજરાતના ઘરે-ઘરે પીવાનું પાણી પહોંચાડવા માટેનો મત છે. તમારો એક મત દરેક આદિવાસી ભાઈઓ બહેનોના ઘરે ગેસનું સિલિન્ડર, શૌચાલય, વિજળી અને પીવાનું પાણી પહોંચાડવાનો મત છે. તમારો એક મત કોરોનાની રસી પહોંચાડવાનો મત છે. તમારો મત દેશના 80 કરોડ ગરીબોને બે વર્ષ સુધી દર મહિને પાંચ-પાંચ કિલો અનાજ મફતમાં પહોંચાડી તેનો ચુલો સળગતો રાખવાનો મત છે. નરેન્દ્રભાઈએ સમગ્ર દુનિયામાં ભારતનું સમ્માન વધારવાનું કામ કર્યું છે. આપણે સૌ નરેન્દ્રભાઈના હાથ મજબુત કરીએ, ભુપેન્દ્રભાઈને મુખ્યમંત્રી બનાવીએ અને દર્શનાબેનને વિધાનસભામાં ધારાસભ્ય બનાવીને મોકલીએ અને નાંદોદ-રાજપીપળાનો વિકાસ કરીએ. આ જ મારી વિનંતી છે.

આ પણ વાંચો - 2002 પછી કોઇની હિંમત નથી થઇ કે માથુ ઉંચુ કરી શકેઃ અમિત શાહ