આ મહિલાની ઓપન ચેલેન્જથી Putin ટેન્શનમાં...
- રશિયાના રાષ્ટ્રપતિ વ્લાદિમીર પુતિનને એક મહિલાની ઓપન ચેલેન્જ
- મહિલાની ચેલેન્જથી રશિયામાં ખળભળાટ
- રાષ્ટ્રપતિ પુતિનને ખુલ્લો પડકાર ફેંકનાર મહિલાનું નામ યુલિયા નવલનાયા
- નવલનાયા રશિયાના મુખ્ય વિપક્ષી નેતા એલેક્સી નેવલનીની પત્ની
- તે રાષ્ટ્રપતિની ચૂંટણી લડશે
President Vladimir Putin : રશિયાના રાષ્ટ્રપતિ વ્લાદિમીર પુતિન ( President Vladimir Putin) ની ગણતરી વિશ્વના સૌથી શક્તિશાળી નેતાઓમાં થાય છે. હવે એક મહિલાએ તેમને એવી ચેલેન્જ આપી છે કે રશિયામાં હલચલ મચી ગઈ છે. તેની પાછળનું કારણ ચોંકાવનારું છે. રાષ્ટ્રપતિ પુતિનને ખુલ્લો પડકાર ફેંકનાર મહિલાનું નામ યુલિયા નવલનાયા છે.
યુલિયાનો પુતિનને ખુલ્લો પડકાર
યુલિયા નવલનાયાએ રશિયાના રાષ્ટ્રપતિ વ્લાદિમીર પુતિનની સત્તાને પડકારી છે. તેમણે પુતિનને ખુલ્લો પડકાર ફેંક્યો છે કે તે રાષ્ટ્રપતિની ચૂંટણી લડશે. આ માટે તે રશિયા પરત આવશે. તેણીએ કહ્યું છે કે, 'જ્યારે યોગ્ય સમય આવશે ત્યારે હું ઉમેદવાર તરીકે ચૂંટણીમાં ભાગ લઈશ. મારા રાજકીય પ્રતિસ્પર્ધી વ્લાદિમીર પુતિન છે અને હું તેમના શાસનને શક્ય તેટલી વહેલી તકે ઉથલાવી પાડવા માટે તમામ શક્ય પ્રયાસો કરીશ.
યુલિયા નવલનાયા કોણ છે?
- 48 વર્ષના યુલિયા નવલનાયા પોતાને રશિયન રાષ્ટ્રપતિ વ્લાદિમીર પુતિનના મુખ્ય રાજકીય વિરોધી તરીકે રજૂ કરે છે.
- તે રશિયાના મુખ્ય વિપક્ષી નેતા એલેક્સી નેવલનીની પત્ની છે. નવલેનીનું આ વર્ષે ફેબ્રુઆરીમાં અવસાન થયું હતું. તે જેલમાં સજા ભોગવી રહ્યા હતા.
- એલેક્સી નેવલનીની રશિયન પ્રમુખ વ્લાદિમીર પુતિનના કટ્ટર વિરોધી માનવામાં આવતા હતા. પુતિન પર નેવલનીની હત્યા કરવાનો પણ આરોપ હતો.
- એલેક્સી નેવલનીએ પણ પુતિન સામે ચૂંટણી લડી હતી, પરંતુ તેઓ પુતિનને હરાવી શક્યા ન હતા.
- છતાં, નેવલની પુતિન માટે એક મોટો ખતરો રહ્યા, કારણ કે રશિયામાં તેમના સમર્થકોની સંખ્યા દિવસેને દિવસે વધી રહી હતી.
આ પણ વાંચો----BRICS Summit : PM મોદી અને પુતિનની મુલાકાત, ભારતે યુક્રેન સંઘર્ષ પર પોતાનું વલણ સ્પષ્ટ કર્યું, Video
યુલિયાએ આ પ્રતિજ્ઞા લીધી
અહેવાલો અનુસાર, યુલિયા નવલનાયાએ તેના પતિ એલેક્સી નવલનીના અધૂરા સ્વપ્નને પૂર્ણ કરવાની પ્રતિજ્ઞા લીધી છે, તેથી તેમણે ચૂંટણીમાં ઉમેદવાર તરીકે ઉભા રહેવાની વાત કરી છે. તેણીએ સ્પષ્ટ કર્યું છે કે જ્યાં સુધી પુતિન સત્તામાં છે ત્યાં સુધી તે રશિયા પરત નહીં ફરે. તેમનું કહેવું છે કે જો તે હવે રશિયા પરત ફરશે તો તેમના પતિની જેમ પુતિનની પણ ધરપકડ કરવામાં આવશે.
નેવલનીની હત્યા કેવી રીતે થઈ?
પુતિનના અન્ય દુશ્મનોના મૃત્યુની જેમ, એલેક્સી નેવલનીનું મૃત્યુ પણ વિવાદાસ્પદ રહ્યું છે. ઓગસ્ટ 2020 માં, નેવલનીને સાઇબિરીયામાં નોવિચોક નર્વ એજન્ટ સાથે ઝેર આપવામાં આવ્યું હતું, પરંતુ તે બચી ગયા હતા. આ સમય દરમિયાન, તેમને સારવાર માટે જર્મની લઈ જવામાં આવ્યા, જ્યાંથી તે જાન્યુઆરી 2021 માં રશિયા પાછો ફર્યા હતા. રશિયા પરત ફરતી વખતે તેમની ધરપકડ કરવામાં આવી હતી.
નેવલનીને 19 મહિનાની સજા
નેવલનીને એક કેસમાં 19 મહિનાની સજા ફટકારવામાં આવી હતી. તે જેલમાં હતા ત્યારે, 16 ફેબ્રુઆરી 2024 ના રોજ, નેવલનીની તબિયત અચાનક બગડી અને તેમનું અવસાન થયું. જો કે, નેવલનીના મૃત્યુનું કારણ હજુ પણ રહસ્ય છે. પરંતુ તેમની પત્ની અને અન્ય સમર્થકોએ આરોપ લગાવ્યો છે કે તેમને ઝેર આપીને મોતને ઘાટ ઉતારવામાં આવ્યા હતો઼ા, જો કે, ક્રેમલિને વારંવાર આ દાવાને નકારી કાઢ્યો છે.
આ પણ વાંચો----Putin એ અજીત ડોભાલને એવું કંઇક કહ્યું કે...
