શું હિન્દુ મનીષ દોશીને પૂછીને કાર્યક્રમ યોજશે ? : યજ્ઞેશ દવે

ગુજરાતમાં બાગેશ્વરધામના બાબા પંડિત ધીરેન્દ્ર શાસ્ત્રીનો દિવ્ય દરબાર યોજાવા જઇ રહ્યો છે તે પહેલાં જ ભાજપ અને કોંગ્રેસ વચ્ચે રાજકીય ઘમાસાણ શરુ થયું છે. ભાજપ અને કોંગ્રેસના નેતાઓ બાબાના ગુજરાત પ્રવાસને લઇને આમને સામને આવી ગયા છે. ભાજપના નેતા ડો.યજ્ઞેશ દવેએ કોંગ્રેસ પર નિશાન સાધતાં કહ્યું કે શું હિન્દુ મનિષ દોશીને પૂછીને કાર્યક્રમ યોજશે? આ ડર 2024ની ચૂંટણીનો છે તેવો સવાલ તેમણે કર્યો છે.

બાગેશ્વરબાલાજી ધામના ભારે ચર્ચામાં રહેલા ધર્મગુરુ પંડિત ધીરેન્દ્ર શાસ્ત્રી આ મહિનાના અંતમાં ગુજરાતના પ્રવાસે છે. તેઓ અમદાવાદ, સુરત અને રાજકોટમાં દિવ્ય દરબાર યોજવાના છે. આ ત્રણેય કાર્યક્રમો માટે ભારે તડામાર તૈયારી થઇ રહી છે. ધીરેન્દ્ર શાસ્ત્રીની તાજેતરની બિહાર મુલાકાત પણ ભારે ચર્ચામાં રહી હતી ત્યારે હવે બાબાના ગુજરાત આગમન પગલે ગુજરાતના રાજકારણમાં પણ ભારે ગરમાવો આવી ગયો છે.

બાબાના આગમન પૂર્વે ભાજપના નેતા ડો.યજ્ઞેશ દવેએ ટ્વિટ કરીને કહ્યું છે કે શું હવે હિન્દુને પોતાના કાર્યક્રમ કરવા માટે પણ મનિષ દોશીની મંજૂરી લેવી પડશે? વ્યક્તિ જે પણ ધર્મમમાં માનતો હોય તે ધર્મના કાર્યક્રમનું આયોજન પણ તે કરી શકે છે અને તેમાં જઇ પણ શકે છે. ભલે તે રાજકારણમાં હોય કે ના હોય...

આ પણ વાંચો---ચાર્ટર્ડ પ્લેનમાં સુરત આવશે પંડિત ધીરેન્દ્ર શાસ્ત્રી..! ગ્રાન્ડ એન્ટ્રીની તૈયારી

ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ