કોણ છે આ ઓલરાઉન્ડર ક્રિકેટર ? જેની કારકિર્દી 43 વર્ષ સુધી ચાલી!
- પૂર્વ દિગ્ગજ ક્રિકેટર 90ના દાયકામાં ફર્સ્ટ ક્લાસ ક્રિકેટમાં લોકપ્રિય હતા
- ફર્સ્ટ ક્લાસ ક્રિકેટ કારકિર્દીમાં 870 મેચ રમી હતી
- 124 સદી અને 251 અડધી સદી ફટકારી હતી
- વિલિયમ ગિલ્બર્ટ ગ્રેસે 2809 વિકેટ લીધી હતી
- આજ સુધી કોઈ ખેલાડી આ રેકોર્ડ તોડી શક્યો નથી
William Gilbert Grace :ક્રિકેટના ઈતિહાસમાં ઘણા એવા મહાન ખેલાડીઓ રહ્યા છે જેમના રેકોર્ડ તોડવા ખૂબ મુશ્કેલ છે. ઘણીવાર લોકો ક્રિકેટરોના આંતરરાષ્ટ્રીય રેકોર્ડ વિશે વાત કરે છે.પરંતુ આજે અમે તમને એક એવા દિગ્ગજ ક્રિકેટરના રેકોર્ડ (William Gilbert Grace )વિશે જણાવવા જઈ રહ્યા છીએ, જેમણે ફર્સ્ટ ક્લાસ ક્રિકેટમાં રન અને વિકેટનો એવો ઢગલો કર્યો હતો, જેને આજ સુધી કોઈ ખેલાડી તોડી શક્યો નથી.
54 હજારથી વધુ રન, 2800થી વધુ વિકેટ!
આજે આપણે જે દિગ્ગજ વિશે વાત કરવા જઈ રહ્યા છીએ તેનું નામ છે વિલિયમ ગિલ્બર્ટ ગ્રેસ. ઈંગ્લેન્ડના આ પૂર્વ દિગ્ગજ ક્રિકેટર 90ના દાયકામાં ફર્સ્ટ ક્લાસ ક્રિકેટમાં લોકપ્રિય હતા. વિલિયમ ગિલ્બર્ટ ગ્રેસે (William Gilbert Grace)પોતાની ફર્સ્ટ ક્લાસ ક્રિકેટ કારકિર્દીમાં 870 મેચ રમી હતી. જ્યારે બેટિંગમાં તેણે 54211 રન બનાવ્યા હતા. જેમાં તેમણે 124 સદી અને 251 અડધી સદી ફટકારી હતી. આ સિવાય બોલિંગ દરમિયાન વિલિયમ ગિલ્બર્ટ ગ્રેસે 2809 વિકેટ લીધી હતી. આજ સુધી કોઈ ખેલાડી આ રેકોર્ડ તોડી શક્યો નથી.
આ પણ વાંચો-ICCની મોટી જાહેરાત, T20 વર્લ્ડકપ વિજેતા ટીમને મળશે આટલા રૂપિયા!
ક્રિકેટ કારકિર્દી 43 વર્ષ સુધી ચાલી
ઈંગ્લેન્ડના ભૂતપૂર્વ ઓલરાઉન્ડર વિલિયમ ગિલ્બર્ટ ગ્રેસની ક્રિકેટ કારકિર્દી 43 વર્ષ સુધી ચાલી. ફર્સ્ટ ક્લાસ ક્રિકેટની સાથે તેઓ ઈંગ્લેન્ડ માટે આંતરરાષ્ટ્રીય ક્રિકેટ પણ રમ્યા હતા. વિલિયમ ગિલ્બર્ટ ગ્રેસે ઈંગ્લેન્ડ માટે 22 ટેસ્ટ મેચ રમી હતી. જ્યારે બેટિંગમાં તેણે 1098 રન બનાવ્યા હતા. જેમાં તેમણે 2 સદી અને 5 અડધી સદી ફટકારી હતી. આ સમયગાળા દરમિયાન ટેસ્ટ ક્રિકેટમાં તેનો સર્વશ્રેષ્ઠ સ્કોર 170 રન હતો. આ સિવાય બોલિંગ દરમિયાન વિલિયમ ગિલ્બર્ટ ગ્રેસે 9 વિકેટ ઝડપી હતી.
આ પણ વાંચો-Asian Champions Trophy: ભારતીય હોકી ટીમે રચ્યો ઇતિહાસ! 5 વાર બની ચેમ્પિયન્સ
ત્રીજા સૌથી ઉંમરલાયક ક્રિકેટર
ભૂતપૂર્વ દિગ્ગજ ઓલરાઉન્ડર વિલિયમ ગિલ્બર્ટ ગ્રેસને ક્રિકેટ પ્રત્યે એવો લગાવ હતો કે તેણે 50 વર્ષની ઉંમરે પણ ટેસ્ટ મેચ રમી હતી. વિલિયમ ગિલ્બર્ટ ગ્રેસ ટેસ્ટ મેચ રમનાર વિશ્વના ત્રીજા સૌથી વૃદ્ધ ક્રિકેટર હતા. આ સિવાય 50 વર્ષની ઉંમરે તેમણે ઈંગ્લેન્ડ ટેસ્ટ ટીમની કેપ્ટનશિપ પણ કરી હતી.