West Bengal : કોલસાની ખાણમાં જોરદાર વિસ્ફોટ, 7 મજૂરોના મોત, અનેક ઘાયલ
- West Bengal માં મોટી દુર્ઘટના
- કોલસાની ખાણમાં બ્લાસ્ટ
- બ્લાસ્ટના કારણે 7 લોકોના મોત
પશ્ચિમ બંગાળ (West Bengal)ના બીરભૂમ જિલ્લામાં સ્થિત કોલસાની ખાણમાં વિસ્ફોટના કારણે 7 લોકોના મોત થયા છે જ્યારે ઘણા લોકો ઘાયલ હોવાનું કહેવાય છે. ઘાયલોને નજીકની હોસ્પિટલમાં લઈ જવામાં આવ્યા છે. જે કોલસાની ખાણમાં આ બ્લાસ્ટ થયો છે તે બીરભૂમ જિલ્લાના લોકપુર પોલીસ સ્ટેશન વિસ્તારમાં આવેલી છે.
ખાણમાં વિસ્ફોટ થયો...
કંપનીનું નામ છે ગંગારામચક માઇનિંગ પ્રાઇવેટ લિમિટેડ કોલિયરી (GMPL) જ્યાં કોલસાના પિલાણ દરમિયાન ખાણમાં વિસ્ફોટ થયો હતો. આ ઘટનામાં ઘણા કર્મચારીઓ ઘાયલ પણ થયા છે. સૂત્રોનો દાવો છે કે, કોલસાના પિલાણ માટે કોલસાની ખાણમાં બ્લાસ્ટ કરતી વખતે આ અકસ્માત અજાણતા થયો હતો. વિસ્ફોટ થતાં જ G.M.P.L. ઘણા અધિકારીઓ અને કર્મચારીઓ ત્યાંથી ભાગી ગયા હતા.
VIDEO | Blast at Bhadulia Block coal mine claims two lives, injures four persons in Birbhum district of West Bengal.#birbhum pic.twitter.com/EwVvvqzlLJ
— Press Trust of India (@PTI_News) October 7, 2024
આ પણ વાંચો : Land for job કેસમાં લાલુ-તેજશ્વી અને તેજ પ્રતાપને મોટી રાહત, રાઉઝ એવન્યુ કોર્ટે મંજૂર કર્યા જામીન
પોલીસ ઘટનાસ્થળે પહોંચી...
સ્થાનિક પોલીસ ઘટનાસ્થળે પહોંચી ગઈ છે અને બાકીના કામદારોને સુરક્ષિત બહાર કાઢવામાં આવી રહ્યા છે. આ ઉપરાંત સ્થાનિક ભાજપના ધારાસભ્યો પણ સ્થળ પર છે. હાલ બચાવ અને રાહત કામગીરી ચાલી રહી છે. પોલીસ મૃતકોના પરિવારજનોની પણ માહિતી એકઠી કરી રહી છે અને તેમનો સંપર્ક કરી રહી છે.
આ પણ વાંચો : MP : 1800 કરોડની કિંમતના ડ્રગ્સ મામલે નવો વળાંક, ડેપ્યુટી CM સાથે આરોપીની તસવીર વાયરલ