Weather : આજથી 'Chillai Kalan' ની શરૂઆત, કાશ્મીરમાં ઠંડી વધશે!

દર વર્ષે 21 ડિસેમ્બરથી 29 જાન્યુઆરી સુધી કાશ્મીરમાં ઠંડીણી અસર વધુ જોવા મળે છે. 40 દિવસના સૌથી સખત શિયાળાના દિવસોને ચિલ્લાઇ કલાન તરીકે ઓળખવામાં આવે છે. આજથી એટલે કે 21મી ડિસેમ્બરથી કાશ્મીરમાં ઠંડીનો કહેર શરૂ થયો છે. આ ઉપરાંત મેદાની વિસ્તારોમાં પણ ધુમ્મસ છે અને તાપમાન ઘટી રહ્યું છે. ચાલો જાણીએ દેશભરમાં હવામાનની સ્થિતિ.

દિલ્હીનું હવામાન

દેશની રાજધાની દિલ્હીમાં દિવસભર પવન ફૂંકાઈ રહ્યો છે. જેના કારણે ઠંડીમાં વધારો થયો છે. જો કે આજે પણ તાપમાનમાં કોઈ ફેરફારની અપેક્ષા નથી. આજે દિલ્હીમાં લઘુત્તમ તાપમાન 6 ડિગ્રી સેલ્સિયસ અને મહત્તમ તાપમાન 23 ડિગ્રી નોંધાઈ શકે છે અને સારું ધુમ્મસ જોવા મળી શકે છે. જો કે આવતીકાલે દિલ્હીનું તાપમાન સામાન્યથી નીચે જઈને 5 ડિગ્રી સેલ્સિયસ સુધી પહોંચી શકે છે. હળવો વરસાદ પણ પડી શકે છે.

ઉત્તર પ્રદેશ હવામાન

ઉત્તર પ્રદેશની રાજધાની લખનૌમાં હવામાન સામાન્ય છે. આજે પણ લખનૌમાં સવારે ધુમ્મસ અથવા ઝાકળ રહેશે અને બાદમાં આંશિક વાદળછાયું આકાશ રહેશે. જ્યારે લઘુત્તમ તાપમાન વધીને 11 ડિગ્રી અને મહત્તમ તાપમાન 23 ડિગ્રી સેલ્સિયસ સુધી પહોંચી શકે છે. લખનૌમાં આગામી 5 દિવસ સુધી આવું જ હવામાન રહેવાની શક્યતા છે.

કાશ્મીરનું હવામાન

કાશ્મીરની રાજધાની શ્રીનગરમાં આજે લઘુત્તમ તાપમાન માઈનસ 3 ડિગ્રી અને મહત્તમ તાપમાન 10 ડિગ્રી સેલ્સિયસ રહી શકે છે. આ પછી, કાશ્મીરના તાપમાનમાં દરરોજ થોડો વધારો જોવા મળી શકે છે. ક્રિસમસ એટલે કે 25મી ડિસેમ્બર સુધીમાં શ્રીનગરનું તાપમાન માઈનસ 1 સુધી વધી શકે છે. જો કે આ પછી તાપમાન ફરી ઘટશે. તેનું કારણ લેટેસ્ટ વેસ્ટર્ન ડિસ્ટર્બન્સ છે.

આ વિસ્તારોમાં વરસાદ અને ધુમ્મસની ચેતવણી

સ્કાયમેટ અનુસાર, લક્ષદ્વીપમાં વાવાઝોડાની સાથે હળવાથી મધ્યમ વરસાદ અને વીજળીના ચમકારાની શક્યતા છે. તમિલનાડુ અને કેરળમાં 1 કે 2 જગ્યાએ હળવો વરસાદ થઈ શકે છે. ભારતના ગંગાના મેદાનોમાં મધ્યમથી ગાઢ ધુમ્મસની શક્યતા છે. બિહાર, ઓડિશા, મેઘાલય અને ત્રિપુરામાં મધ્યમથી હળવા ધુમ્મસની અપેક્ષા છે.

આ પણ વાંચો : Ram Temple : અભિષેક સમારોહ માટે સોનિયા અને ખડગે સહિત કોંગ્રેસના આ નેતાઓને મળ્યું આમંત્રણ…