UAE : દુબઈમાં ફરી ભારે વરસાદ અને ભયંકર વાવાઝોડાને લઈને એલર્ટ જાહેર, અનેક સેવાઓ ઠપ...

UAE માં ફરી એકવાર ભારે વરસાદ અને ભારે તોફાન આવવાની સંભાવના છે. શહેરમાં ભારે વરસાદની સંભાવનાને ધ્યાનમાં રાખીને સરકારે રહેવાસીઓ માટે એલર્ટ જાહેર કર્યું છે. UAE માં ભારે વરસાદ અને તોફાનનું ઓરેન્જ એલર્ટ પણ જારી કરવામાં આવ્યું છે. આ સાથે ડઝનબંધ ફ્લાઈટ્સ કેન્સલ કરવામાં આવી હતી અને ઈન્ટરસિટી બસ સેવાઓ બંધ કરી દેવામાં આવી હતી. ઓફિસમાં કામ કરતા લોકોને તેમના ઘરની બહાર ન નીકળવાની સૂચના આપવામાં આવી હતી. હાલમાં UAE માં ભારે વરસાદ અને વાવાઝોડું ત્રાટક્યું છે. UAE ના ઘણા વિસ્તારોમાં મુશળધાર વરસાદ સાથે જોરદાર તોફાન ચાલી રહ્યું છે. જેના કારણે લોકોમાં ભયનો માહોલ ફેલાયો છે.

ઘણી શાળાઓને શુક્રવાર સુધી ઓનલાઈન વર્ગો ચલાવવા સૂચના...

લોકોને દરિયાકિનારાથી દૂર રહેવા અને બોટનો ઉપયોગ કરવાનું ટાળવા માટે સરકાર દ્વારા સુરક્ષા ચેતવણી પણ જારી કરવામાં આવી છે. સરકારે ખીણ અને નીચાણવાળા વિસ્તારોમાં રહેતા લોકોને ડ્રાઇવિંગ કરતી વખતે સાવધાની રાખવાની પણ વિનંતી કરી છે. હવામાન વિભાગના જણાવ્યા અનુસાર આગામી થોડા કલાકોમાં UAE અને તેની આસપાસના શહેરોમાં ભારે વરસાદની સંભાવના છે. અહીં બે દિવસ સુધી ભારે વરસાદ પડી શકે છે. UAE માં ભારે વરસાદની સંભાવનાને ધ્યાનમાં રાખીને, અહીંની ઘણી કંપનીઓએ તેમના કર્મચારીઓને ઘરેથી કામ કરવા માટે કહ્યું છે. ઘણી શાળાઓને શુક્રવાર સુધી ઓનલાઈન વર્ગો ચલાવવાની સૂચના પણ મળી છે. UAE ના પોર્ટ્સ, કસ્ટમ્સ અને ફ્રી ઝોન કોર્પોરેશને તેની સેવાઓ અસ્થાયી રૂપે સ્થગિત કરી દીધી છે.

UAE માં આગામી 48 કલાકમાં ભારે...

ગલ્ફ ન્યૂઝ અને ખલીજ ટાઈમ્સના જણાવ્યા અનુસાર છેલ્લા કેટલાક દિવસોથી UAE હવામાનના આ અસ્થિર મોજાનો સામનો કરવાની તૈયારી કરી રહ્યું છે. UAE માં આગામી 48 કલાકમાં ભારે વરસાદ અને વાવાઝોડાની આગાહી કરવામાં આવી છે. તમામ વિસ્તારોમાં સલામતી અંગેની સલાહ આપવામાં આવી છે. શાળાઓ અંતર શિક્ષણ પર છે, જ્યારે કંપનીઓને વિનંતી કરવામાં આવી છે કે તેઓ કર્મચારીઓને ઘરેથી કામ કરવા દે. પાર્ક અને બીચ બંધ કરી દેવામાં આવ્યા છે. તેની સાથે એરપોર્ટ અને એરલાઇન્સ પણ આ અસર માટે તૈયાર છે. આજે તાત્કાલિક અસરથી ઘણી ફ્લાઈટ્સ રદ કરવામાં આવી છે. રસ્તાઓ પરની અવરજવર પણ બંધ કરી દેવામાં આવી છે.

UAE માં મધરાતથી ભારે વરસાદ ચાલુ છે...

નેશનલ સેન્ટર ઓફ મીટીરોલોજી (એનસીએમ) દ્વારા જારી કરવામાં આવેલા એલર્ટ મુજબ UAE માં મધરાતથી ભારે વરસાદ થઈ રહ્યો છે. UAE માં આજે સવારે 2.35 કલાકે વીજળીના ચમકારા સાથે વરસાદ પડ્યો હતો. હવે આગામી 48 કલાક માટે મોટું એલર્ટ જારી કરવામાં આવ્યું છે. જો કે, એવું કહેવામાં આવી રહ્યું છે કે આ મહિનાની શરૂઆતમાં દેશમાં થયેલા અભૂતપૂર્વ વરસાદ કરતાં આગામી બે દિવસમાં વરસાદ ઓછો ગંભીર રહેશે. જાહેર જનતાને સાવચેતી રાખવા તાકીદ કરવામાં આવી છે. બાળકોનું શિક્ષણ ઓનલાઈન કરવામાં આવ્યું છે.

આ પણ વાંચો : Update : China માં ભારે વરસાદને કારણે હાઈવે તૂટી પડ્યો, 36 લોકોના મોત…

આ પણ વાંચો : US પોલીસે Goldy Brar વિશે કર્યો મોટો ખુલાસો, જાણો શું કહ્યું…

આ પણ વાંચો : Kim Jong Un Special Squad: 25 છોકરીઓ સાથે જાતીય સંબંધ બાંધી અમર બનવાની ઘેલછા