TMC : રાજ્યસભા અધ્યક્ષની નકલ કરનાર સાંસદે કહ્યું- આ એક કળા છે, કોઈને ઠેસ પહોંચાડવાનો ઈરાદો નહોતો
રાજ્યસભાના અધ્યક્ષ જગદીપ ધનખડની નકલ કરનારા તૃણમૂલ કોંગ્રેસના નેતા અને સાંસદ કલ્યાણ બેનર્જીએ આ ઘટના પર નિવેદન આપ્યું છે. તેમણે કહ્યું કે નકલ કરવી એ એક કળા છે. મને અધ્યક્ષ માટે સંપૂર્ણ સન્માન છે. અમારો ઈરાદો કોઈને દુઃખી કરવાનો નહોતો.
આ ઘટના અંગે કોંગ્રેસ અધ્યક્ષ મલ્લિકાર્જુન ખડગેએ પણ નિવેદન આપ્યું છે. તેમણે કહ્યું કે જે કંઈ પણ થયું તે સંસદ ભવન બહારનો મામલો છે. તે જ સમયે જ્યારે પત્રકારોએ રાહુલ ગાંધીને આ મુદ્દે સવાલ પૂછ્યા તો તેમણે કહ્યું કે તેઓ આ મુદ્દે કોઈ નિવેદન આપવા માંગતા નથી.
#WATCH On mimicry row, TMC MP Kalyan Banerjee says, "I have never had any intention to hurt anyone...Does he really behave like this in Rajya Sabha? Mimicry was done by the PM in Lok Sabha between 2014-2019..." pic.twitter.com/rc6c5X8Lku
— ANI (@ANI) December 20, 2023
તમને જણાવી દઈએ કે આ ઘટના મંગળવારે સંસદની બહાર વિપક્ષના વિરોધ દરમિયાન જોવા મળી હતી. ત્યારે તૃણમૂલ કોંગ્રેસના નેતા કલ્યાણ બેનર્જીએ ધનખડની મજાક ઉડાવી તેની નકલ કરી હતી. આ દરમિયાન કોંગ્રેસ નેતા રાહુલ ગાંધી આ સમગ્ર ઘટનાનો વીડિયો બનાવતા જોવા મળ્યા હતા. વિપક્ષી સાંસદો તેમના સસ્પેન્શનનો વિરોધ કરી રહ્યા હતા અને સીડીઓ પર પ્રદર્શન કરવા માટે ભેગા થયા હતા.
PMએ ધનખડને ફોન કર્યો, દુખ વ્યક્ત કર્યું
Received a telephone call from the Prime Minister, Shri @narendramodi Ji. He expressed great pain over the abject theatrics of some Honourable MPs and that too in the sacred Parliament complex yesterday. He told me that he has been at the receiving end of such insults for twenty…
— Vice President of India (@VPIndia) December 20, 2023
આ પહેલા બુધવારે સવારે વડાપ્રધાન નરેન્દ્ર મોદીએ ઉપરાષ્ટ્રપતિ જગદીપ ધનખડને ફોન કરીને સંસદ સંકુલમાં કેટલાક સાંસદોના વર્તનને દુર્ભાગ્યપૂર્ણ ગણાવ્યું હતું. પીએમએ કહ્યું, હું પણ છેલ્લા 20 વર્ષથી આ પ્રકારનું અપમાન સહન કરી રહ્યો છું. દરમિયાન રાષ્ટ્રપતિ દ્રૌપદી મુર્મુએ પણ આ ઘટના પર નિરાશા વ્યક્ત કરી છે. ઉપરાષ્ટ્રપતિએ ટ્વિટર પર એક પોસ્ટમાં કહ્યું કે તેમને વડાપ્રધાન નરેન્દ્ર મોદીનો ફોન આવ્યો હતો. તેમણે ગઈકાલે પવિત્ર સંસદ સંકુલમાં કેટલાક માનનીય સાંસદોના ધિક્કારપાત્ર વર્તન બદલ ખેદ વ્યક્ત કર્યો હતો.
આ પણ વાંચો : Jagdeep Dhankhar : ‘હું પણ 20 વર્ષથી અપમાન સહન કરી રહ્યો છું’, PM મોદીએ ઉપરાષ્ટ્રપતિને ફોન કર્યો…