આ રીતે જીતશે Team India વર્લ્ડ કપ? વેસ્ટ ઈન્ડિઝ વિરુદ્ધ પ્રથમ T20 મેચમાં શરમજનક હાર
આ વર્ષના અંતમાં વન ડે વર્લ્ડ કપ રમાવાનો છે તે પહેલા Team India ને તૈયારી કરવા માટે વેસ્ટ ઈન્ડિઝમાં તક મળી છે. જોકે, ટીમ ઈન્ડિયાએ વન ડે શ્રેણી જીતી લીધી છે પરંતુ T20 શ્રેણીની પ્રથમ મેચ જે ગુરુવારે રમાઈ હતી તેમા અંતિમ ઓવરમાં ટીમને હાર મળી હતી. કહેવાય છે કે, ટીમ ઈન્ડિયા જ્યારે પણ કોઇ મેચ મોટા અંતરથી જીતે છે તે પછીની મેચ તે ખરાબ રીતે હારે છે. આવું જ કઇંક ગઇ કાલે જોવા મળ્યું હતું.
પ્રથમ T20 મેચમાં ટીમ ઈન્ડિયાની હાર
ભારતીય ક્રિકેટ ટીમ આજે 5 મેચની T20 શ્રેણીની પ્રથમ મેચમાં વેસ્ટ ઈન્ડિઝ સામે ટકરાશે. આ મેચમાં ટીમ ઈન્ડિયાને 4 રનથી હારનો સામનો કરવો પડ્યો હતો. આ મેચમાં પ્રથમ બેટિંગ કરતા વેસ્ટ ઈન્ડિઝે 149 રન બનાવ્યા હતા. જવાબમાં ટીમ ઈન્ડિયા 9 વિકેટ ગુમાવીને 145 રન જ બનાવી શકી હતી. આ સાથે વેસ્ટ ઈન્ડિઝે શ્રેણીમાં 1-0ની સરસાઈ મેળવી લીધી છે. ટીમ ઈન્ડિયા પહેલા જ ટેસ્ટ શ્રેણી 1-0થી અને વનડે શ્રેણી 2-1થી જીતી ચૂકી છે. વેસ્ટ ઈન્ડિઝના કેપ્ટન રોવમેન પોવેલે ટોસ જીતીને પ્રથમ બેટિંગ કરવાનો નિર્ણય કર્યો હતો. તેણે પોતે પણ શાનદાર બેટિંગ કરી અને નિકોલસ પૂરને વિસ્ફોટક 41 રન બનાવ્યા. વેસ્ટ ઈન્ડિઝે ભારતને જીતવા માટે 150 રનનો ટાર્ગેટ આપ્યો હતો, પરંતુ ટીમ ઈન્ડિયા નવ વિકેટના નુકસાન પર 145 રન જ બનાવી શકી હતી.
West Indies win the first #WIvIND T20I.#TeamIndia will look to bounce back in the second T20I in Guyana. 👍 👍
Scorecard ▶️ https://t.co/AU7RtGPkYP pic.twitter.com/b36y5bevoO
— BCCI (@BCCI) August 3, 2023
શુભમન ગિલ અને ઈશાન કિશન ફરી રહ્યા નિષ્ફળ
વેસ્ટ ઈન્ડિઝની ઇનિંગના જવાબમાં ભારતની શરૂઆત ખરાબ રહી હતી. શુભમન ગિલ માત્ર ત્રણ રન બનાવી શક્યો હતો જ્યારે ઈશાન કિશને છ રનની ઇનિંગ રમી હતી. મેચમાં સૂર્ય કુમાર યાદવ પાસેથી ઘણી અપેક્ષાઓ હતી, પરંતુ તે માત્ર 21 રન (21 બોલ) બનાવીને આઉટ થયો હતો. કેપ્ટન હાર્દિક પંડ્યાએ 19 રનની ઇનિંગ રમી હતી, જ્યારે સંજુ સેમસન 12 રન બનાવીને રનઆઉટ થયો હતો. ત્રિનિદાદના બ્રાયન લારા સ્ટેડિયમમાં વેસ્ટ ઈન્ડિઝે ટોસ જીતીને બેટિંગ કરવાનો નિર્ણય લીધો હતો. વેસ્ટ ઈન્ડિઝે 3 ઓવરમાં 29 રન બનાવીને ઝડપી શરૂઆત કરી હતી, પરંતુ ચોથી ઓવરમાં બોલિંગ કરવા આવેલા યુઝવેન્દ્ર ચહલે એક જ ઓવરમાં બંને ઓપનરની વિકેટ લઈને વેસ્ટ ઈન્ડિઝને મોટો ઝટકો આપ્યો હતો. કાયલ મેયર્સે એક રન બનાવ્યો, જ્યારે બ્રાન્ડોન કિંગે 19 બોલમાં 28 રન બનાવ્યા, વેસ્ટ ઈન્ડિઝે જોન્સન ચાર્લ્સના રૂપમાં ત્રીજી વિકેટ ગુમાવી. કુલદીપ યાદવના બોલ પર તિલક વર્માએ શાનદાર કેચ લીધો હતો.
West Indies hold their nerve to take a crucial 1-0 lead in the T20I series against India 👊
How it happened ⬇️#WIvIND https://t.co/kYZSxqvMmO
— ICC (@ICC) August 4, 2023
અંતિમ ઓવરમાં 6 રન પણ ન કરી શકી ટીમ ઈન્ડિયા
હાર્દિક પંડ્યા 19, સંજુ સેમસન 12, અક્ષર પટેલ 13 અને કુલદીપ યાદવ 2 રન બનાવીને આઉટ થયા હતા. નીચલા ક્રમમાં અર્શદીપ સિંહે બે ચોગ્ગા ફટકારીને ભારતીય ટીમની આશા જગાવી હતી, પરંતુ તે છેલ્લી ઓવરમાં રનઆઉટ થયો હતો. ભારતને છેલ્લા બોલે જીતવા માટે 6 રનની જરૂર હતી, પરંતુ મુકેશ કુમાર માત્ર એક જ રન લઈ શક્યા અને ટીમ ઈન્ડિયા 4 રનથી મેચ હારી ગઈ.
પોવેલે 32 બોલમાં 48 રન બનાવ્યા
આ મેચમાં ભારત તરફથી તિલક વર્મા અને મુકેશ કુમારે ડેબ્યૂ કર્યું હતું. પ્રથમ બેટિંગ કરતા કેપ્ટન રોવમેન પોવેલ અને નિકોલસ પૂરને શાનદાર ઇનિંગ્સ રમી હતી. પોવેલે 32 બોલમાં 3 ચોગ્ગા-3 છગ્ગા ફટકારીને 48 રન બનાવ્યા હતા, જ્યારે નિકોલસ પૂરને 34 બોલમાં 41 રન બનાવ્યા હતા. વેસ્ટ ઈન્ડિઝે 20 ઓવરમાં 6 વિકેટ ગુમાવીને 149 રન બનાવ્યા અને ભારતને 150 રનનો ટાર્ગેટ આપ્યો.
A special cross-continental friendship! 🇮🇳 🇿🇦
Tilak Varma 🤝 Dewald Brevis #TeamIndia | #WIvIND | @TilakV9 | @BrevisDewald pic.twitter.com/SLomVNjpCi
— BCCI (@BCCI) August 3, 2023
તિલક વર્માએ ડેબ્યૂ મેચમાં પાવર બતાવ્યો
ડેબ્યૂ મેચ રમી રહેલા તિલક વર્માએ 22 બોલમાં (બે ચોગ્ગા, ત્રણ છગ્ગા) 39 રનની ઇનિંગ રમીને પોતાની કારકિર્દીની શાનદાર શરૂઆત કરી હતી. તેણે પોતાની પહેલી જ ઓવરમાં બે સિક્સર ફટકારીને પોતાના ઈરાદા સ્પષ્ટ કરી દીધા હતા, પરંતુ એક મોટો શોટ મારવાની પ્રક્રિયામાં તેણે પોતાની વિકેટ ગુમાવી દીધી હતી. અક્ષર પટેલે 13 રનનું યોગદાન આપ્યું હતું જ્યારે અર્શદીપ સિંહે સાત બોલમાં 13 રન બનાવ્યા હતા.
વેસ્ટ ઈન્ડિઝે રેકોર્ડ બનાવ્યો
આ મેચમાં વેસ્ટ ઈન્ડિઝની ટીમે 149 રનના સ્કોરનો બચાવ કર્યો હતો. ભારતીય ટીમને જીતવા માટે 150 રનનો ટાર્ગેટ મળ્યો હતો પરંતુ વિન્ડીઝની ટીમે ટીમ ઈન્ડિયાને 4 રનથી હરાવ્યું હતું. તે T20 ક્રિકેટમાં ભારત સામેનો ચોથો સૌથી ઓછો સ્કોર હતો. આ મામલામાં ન્યૂઝીલેન્ડની ટીમ ટોપ પર છે જેણે 2016માં નાગપુરમાં ભારત સામે 126 રનનો બચાવ કર્યો હતો. તે જ સમયે, ભારત સામે વેસ્ટ ઈન્ડિઝ દ્વારા બચાવેલ ટી20 ઈન્ટરનેશનલમાં આ સૌથી ઓછો સ્કોર પણ છે.
ભારતીય ક્રિકેટ ટીમ માટે 17 વર્ષ જૂનો ઈતિહાસ બદલાઈ ગયો
ગુરુવારે રમાયેલી મેચ ટીમ ઈન્ડિયા માટે ખાસ હતી કારણ કે તે તેની T20I ની 200 મી મેચ હતી જેને જીતી આ મેચને ખાસ બનાવવા હાર્દિક પંડ્યાની ટીમ મેદાને ઉતરી હતી. પરંતુ કેરેબિયન ટીમે આ રોમાંચક મેચ 4 રનથી જીતી લીધી અને ભારતીય ક્રિકેટ ટીમ માટે 17 વર્ષ જૂનો ઈતિહાસ બદલાઈ ગયો. જણાવી દઈએ કે ભારતે 2006માં પ્રથમ T20 ઈન્ટરનેશનલ મેચ રમી હતી. તે પછી 2014માં 50મી, 2018માં 100મી અને 2021માં 150મી મેચ રમાઈ હતી. જે બાદ 2023માં હાર્દિકની કેપ્ટનશીપમાં ટીમ 200મી મેચ રમવા ઉતરી હતી. પરંતુ આ તમામ મેચોમાં સૌથી અલગ પાસું એ હતું કે માઈલસ્ટોન મેચ એટલે કે 1લી, 50મી, 100મી, 150મી મેચ જીત્યા બાદ ટીમ ઈન્ડિયા 200મી મેચ હારી ગઈ હતી. આ પહેલા વીરેન્દ્ર સેહવાગની કપ્તાનીમાં ભારતે 2006માં પ્રથમ T20 મેચમાં દક્ષિણ આફ્રિકાને હરાવીને જીત મેળવી હતી. જે બાદ 2014માં એમએસ ધોનીની કેપ્ટન્સીમાં ટીમે ઓસ્ટ્રેલિયાને હરાવીને 50મી T20 ઈન્ટરનેશનલ જીતી હતી. વર્ષ 2018માં ભારતીય ટીમે આયર્લેન્ડ સામે 100મી T20 ઈન્ટરનેશનલ મેચ જીતી હતી અને 2021માં ટીમ ઈન્ડિયાએ નામીબિયા સામે 150મી T20 મેચ પણ જીતી હતી. પરંતુ 2023માં ટીમ 200મી મેચમાં જીત નોંધાવવામાં નિષ્ફળ રહી હતી.
આ પણ વાંચો - વર્લ્ડકપ પહેલા ટીમ ઈન્ડિયાને ઝટકો, આ સ્ટાર ખેલાડીએ નિવૃત્તિ જાહેર કરી
આ પણ વાંચો - વેસ્ટ ઈન્ડિઝને તેના જ ઘર આંગણે ટીમ ઈન્ડિયાએ ચખાડી ધૂળ, 200 રનના જંગી અંતરથી મેળવી જીત
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ