Instruction: સ્વાસ્થ્ય કર્મચારીઓ પર હુમલો થાય તો 6 કલાકમાં......
- કેન્દ્રીય સ્વાસ્થ્ય મંત્રાલયની તમામ સરકારી હોસ્પિટલો માટે કડક સૂચના
- કેમ્પસમાં કર્મચારીઓ અને આરોગ્ય કર્મચારીઓ સામે કોઈ હિંસા થાય તો છ કલાકમાં પોલીસમાં ફરિયાદ કરવાની રહેશે
- જો નિયત સમયમાં આવી કોઈ ફરિયાદ કરવામાં નહીં આવે તો સંબંધિત સંસ્થાના વડા જવાબદાર રહેશે
Instruction: કેન્દ્રીય સ્વાસ્થ્ય મંત્રાલયે તમામ સરકારી હોસ્પિટલો માટે કડક સૂચના (Instruction) જારી કરી છે. જેમાં એવું કહેવામાં આવ્યું છે કે કેમ્પસમાં કર્મચારીઓ અને આરોગ્ય કર્મચારીઓ સામે કોઈ હિંસા થાય તો છ કલાકમાં પોલીસમાં ફરિયાદ કરવાની રહેશે. શુક્રવારે સવારે જારી કરાયેલી ટૂંકી નોટિસમાં કહેવામાં આવ્યું છે કે જો નિયત સમયમાં આવી કોઈ ફરિયાદ કરવામાં નહીં આવે તો સંબંધિત સંસ્થાના વડા જવાબદાર રહેશે.
દેશભરમાં ઉગ્ર વિરોધ વચ્ચે આ નોટિસ આવી
કોલકાતાની આરજી કાર મેડિકલ કોલેજ અને હોસ્પિટલમાં ડૉક્ટર પર બળાત્કાર અને હત્યાના મામલે દેશભરમાં ઉગ્ર વિરોધ વચ્ચે આ નોટિસ આવી છે. આ ઘટના બાદ દેશભરના ડોક્ટરો બહેતર સલામતી અને સલામત કાર્યકારી વાતાવરણની માંગને લઈને હડતાળ પર છે.
આ પણ વાંચો----Kolkata police ઘૃણાસ્પદ રેપ કેસમાં VIP ને બચાવી રહી હતી..?
In the event of any violence against any healthcare worker while on duty, the Head of Institution shall be responsible for filing an Institutional FIR within a maximum of 6 hours of the incident: Ministry of Health and Family Welfare pic.twitter.com/2YGDZVRx8O
— ANI (@ANI) August 16, 2024
દેશના વિવિધ ભાગોમાં વિરોધ પ્રદર્શન
મહિલા ડૉક્ટરની નિર્દયતા અને હત્યા બાદ પશ્ચિમ બંગાળમાં તણાવની સ્થિતિ છે. આ ઘટના સામે દેશના અલગ-અલગ ભાગોમાં ડોક્ટરો વિરોધ કરી રહ્યા છે અને હડતાળ પર ઉતરી ગયા છે. તેમની માંગણી છે કે આરજી કર મેડિકલ કોલેજમાં મહિલા તબીબના ગુનેગારોની ટૂંક સમયમાં ધરપકડ કરવા ઉપરાંત પ્રોટેક્શન એક્ટ અંગે સરકાર તરફથી લેખિત બાંયધરી, પીડિતાના પરિવારને 1 કરોડ રૂપિયાનું વળતર અને હોસ્પિટલોની સ્થિતિમાં સુધારો કરવામાં આવે.
મહિલા ડૉક્ટર પર નિર્દયતાથી હુમલો કરવામાં આવ્યો
નોંધનીય છે કે તાજેતરમાં કોલકાતા આરજી કાર મેડિકલ કોલેજ અને હોસ્પિટલની એક મહિલા ડૉક્ટર રહસ્યમય સંજોગોમાં મૃત હાલતમાં મળી આવી હતી. તેણી હોસ્પિટલમાં બીજા વર્ષની અનુસ્નાતક તબીબી વિદ્યાર્થી હતી અને ચેસ્ટ મેડિસીન વિભાગમાં હાઉસ સ્ટાફ તરીકે પણ કામ કરતી હતી. હોસ્પિટલ સ્ટાફને તેનો મૃતદેહ હોસ્પિટલની ઈમરજન્સી બિલ્ડિંગના ચોથા માળે મળ્યો હતો. મહિલા ડૉક્ટર પર નિર્દયતાથી હુમલો કરવામાં આવ્યો અને પછી તેની હત્યા કરવામાં આવી.
આ પણ વાંચો----Kolkata Rape Case: સેક્સ અને ડ્રગ્સ રેકેટનો અડ્ડો હતી હોસ્પિટલ ?