India Canada Tension : કેનેડાના જ પત્રકારે ટ્રુડોની ખોલી પોલ..કહ્યું ચીનના ઇશારે જ ટ્રુડો ભારતની સામે પડ્યા છે

ભારત (India) પર આરોપ લગાવ્યા બાદ કેનેડા (Canada)ના વડાપ્રધાન જસ્ટિન ટ્રુડો (Justin Trudeau) હવે પોતાના જ દેશમાં ઘેરાઇ ગયા છે. ટ્રુડોની તેમના જ દેશના વિપક્ષ અને મીડિયા દ્વારા આકરી ટીકા કરવામાં આવી રહી છે. હવે વરિષ્ઠ કેનેડિયન પત્રકાર ડેનિયલ બાર્ડમેને (Journalist Daniel Bardman) કહ્યું કે જસ્ટિન ટ્રુડોના શબ્દોમાં કોઈ તર્ક નથી. તેમની કોઈપણ નીતિ સ્પષ્ટ નથી.

કેનેડાના વડાપ્રધાન જસ્ટિન ટ્રુડોએ ભારત પર ખાલિસ્તાની આતંકવાદી હરદીપ સિંહ નિજ્જરની હત્યાનો ખોટો આરોપ લગાવ્યો હતો. ભારતે આ આરોપોને ફગાવી દીધા હતા. આ સાથે ટ્રુડોનો તેમના જ દેશમાં વિરોધ શરુ થયો છે.  વિપક્ષી નેતાઓની સાથે કેનેડિયન મીડિયા પણ જસ્ટિન ટ્રુડો સામે રોષ વ્યક્ત કરી રહ્યું છે.

કેનેડાના વરિષ્ઠ પત્રકાર ડેનિયલ બોર્ડમેને વડાપ્રધાન જસ્ટિન ટ્રુડોની આકરી ટીકા કરી છે. બોર્ડમેને કહ્યું કે જસ્ટિન ટ્રુડોની મોટિવેશનને સમજવી ક્યારેક મુશ્કેલ બની શકે છે. તેમના આ પગલા પાછળનું કારણ શોધવું ખૂબ મુશ્કેલ છે.

તેમણે કહ્યું કે ટ્રુડોના આ પગલા માટે કોઈ તાર્કિક સ્પષ્ટતા નથી. કોઈ સાચી દલીલ નથી. કેનેડિયન પત્રકારે કહ્યું કે તેમની વિદેશ નીતિ અંગે કોઈ સ્પષ્ટતા નથી.

કેનેડિયન પત્રકાર ડેનિયલ બોર્ડમેને કહ્યું કે જો તમે કેનેડિયન સંદર્ભમાં કંઈક જાણવા માંગતા હોવ તો શું થઈ રહ્યું છે અને ટ્રુડોએ આવું શા માટે કર્યું છે. મને લાગે છે કે ટ્રુડોએ ભારત સાથે જે વિવાદ શરૂ કર્યો છે તેમાં ચીનનો મોટો હાથ છે.

બોર્ડમેને કહ્યું કે કેનેડામાં અમને ચીન તરફથી વિદેશી હસ્તક્ષેપનો વધુ ખતરો છે. અત્યારે આ એક મોટું કૌભાંડ છે. જસ્ટિન ટ્રુડોની લિબરલ પાર્ટીને ચૂંટણીમાં વિવિધ તબક્કે ચીનની કમ્યુનિસ્ટ પાર્ટી તરફથી મદદ મળી રહી હતી. આ તદ્દન મોટી વાત છે જેની અમારે તપાસ કરવાની જરૂર છે.

અમારી પાસે કેનેડામાં સ્પેક્ટ્રમ ટ્રાન્સફર કરવામાં ચીની વિદેશી દખલગીરી વિશે વાર્તા છે તેમ જણાવતા તેમણે કહ્યું કે આ પાકિસ્તાનની વિદેશી દખલગીરીની વાર્તા જેવું છે. જે વાસ્તવિક વાર્તાને આવરી લેવા માટે ભારતીય વિદેશી દખલગીરીની વાર્તા તરીકે તૈયાર કરવામાં આવી રહી છે. જે વાસ્તવમાં ચીનની દખલગીરી છે.

આ પણ વાંચો-----હિન્દુઓને ધમકી આપતા વીડિયોની આખરે કેનેડિયન સરકારે ટીકા કરી, હિન્દુ સંગઠનોએ કહ્યું ટીકા નહીં એક્શન લો