સરકારે OTT પ્લેટફોર્મને આપ્યો મોટો ઝટકો, હવે ચેતવણી વિના આવા દ્રશ્યો નહીં બતાવી શકાશે...

ફિલ્મો પછી, OTT પર પણ સિગારેટ-બીડી-સિગારનો ધુમાડો ફૂંકવાની સ્વતંત્રતા નહીં હોય. ફિલ્મો બાદ સરકારે હવે OTT પર પણ તમાકુના ઉપયોગ સાથે સંબંધિત દ્રશ્યો માટે નિયમો બનાવ્યા છે. તમામ સ્ટ્રીમિંગ પ્લેટફોર્મ્સે તેને અનુસરવું પડશે. તેમનું કહેવું છે કે, જે કોઈ પણ આવું કરી રહ્યા છે તેના પર નજર રાખવા માટે સરકાર એક કમિટી પણ બનાવશે. લોકોના આરોગ્યની સુરક્ષા અને તમાકુની હાનિકારક અસરો અંગે જાગૃતિ લાવવા માટે સરકારે આ નિર્ણય લીધો છે. સિગારેટ અને અન્ય તમાકુ ઉત્પાદનો (વેપાર અને વાણિજ્ય, ઉત્પાદન, પુરવઠા અને વિતરણના વિજ્ઞાપન અને નિયમન પર પ્રતિબંધ) સુધારા નિયમો, 2023, આ વર્ષે 31 મેના રોજ સૂચિત કરવામાં આવ્યા છે. રાજ્યસભાને 25 જુલાઈના રોજ આ અંગે માહિતી આપવામાં આવી હતી.

દર્શકો જાગૃત હશે

સરકારના જણાવ્યા અનુસાર, આ નિયમો સમગ્ર ઓનલાઈન કન્ટેન્ટ પર લાગુ થશે. જેમાં OTT અને ટીવીનો સમાવેશ થાય છે. નોંધપાત્ર રીતે, હવે જ્યારે પણ તમાકુની પ્રોડક્ટ બતાવવામાં આવે છે અથવા પ્રોગ્રામમાં તેનો ઉપયોગ કરવામાં આવે છે, ત્યારે સ્ક્રીનના તળિયે તમાકુ સામે આરોગ્ય ચેતવણી પ્રદર્શિત કરવામાં આવશે. વધુમાં, કાર્યક્રમની શરૂઆત પહેલાં અને તે દરમિયાન, OTT એ તમાકુ વિરોધી ચેતવણીઓ દર્શાવવાની રહેશે. ચેતવણીની આ જગ્યા ઓછામાં ઓછી 30 સેકન્ડની ફિલ્મ જાહેરાતના રૂપમાં રહેશે. જેમાં શ્રોતાઓને તમાકુની હાનિકારક અસરો વિશે માહિતગાર કરવામાં આવશે. સરકારને આશા છે કે આનાથી દર્શકોમાં ધૂમ્રપાન અને તમાકુના ઉત્પાદનો સામે જાગૃતિ આવશે.

આ સિવાય ચેતવણી પણ આપવી પડશે

નવા નિયમો અનુસાર દરેક કાર્યક્રમની શરૂઆતમાં અને મધ્યમાં તમાકુની હાનિકારક અસરો વિશે અલગથી ઓછામાં ઓછી 20 સેકન્ડની ચેતવણી આપવામાં આવશે. આ રીતે, દર્શકો ચેતવણીઓ જોઈ અને સાંભળી શકશે. તમામ પ્લેટફોર્મ આ નિયમોનું પાલન કરે તે સુનિશ્ચિત કરવા માટે એક આંતર-મંત્રાલય સમિતિની રચના કરવામાં આવશે. આ સમિતિમાં આરોગ્ય અને પરિવાર કલ્યાણ મંત્રાલય, માહિતી અને પ્રસારણ મંત્રાલય અને ઈલેક્ટ્રોનિક્સ અને માહિતી ટેકનોલોજી મંત્રાલયના પ્રતિનિધિઓ હશે. નિયમોનું પાલન થાય છે અને સ્વાસ્થ્ય ચેતવણીઓ પ્રદર્શિત થાય છે તેની ખાતરી કરવા તેઓ સાથે મળીને કામ કરશે.

આ પણ વાંચો : Indian Oil ગેસની પાઈપલાઈ લીક થતાં યમુના નદીમાં ઉછળ્યા મોજા, જૂઓ video