Emergency ફિલ્મ વિવાદનો આવ્યો અંત,આ તારીખે સિનેમાઘરોમાં થશે રિલીઝ

• Emergency ફિલ્મનો વિવાદનો આવ્યો અંત
• સેન્સર બોર્ડે ફિલ્મને લીલી ઝંડી આપી
• હવે આ ફિલ્મ સિનેમાઘરોમાં રિલીઝ માટે તૈયાર

Emergency:કંગના રનૌત(Kangna Ranaut)ની ફિલ્મ 'Emergency તેની રિલીઝને લઈને છેલ્લા ઘણા અઠવાડિયાથી હેડલાઇન્સમાં છે. કંગના રનૌતની આ ફિલ્મ સેન્સર બોર્ડમાં ફસાઈ ગઈ હતી. સેન્સ બોર્ડે ફિલ્મની રિલીઝ પર પ્રતિબંધ મૂક્યો હતો. હવે સેન્સર બોર્ડે ગુરુવારે આ ફિલ્મને લીલી ઝંડી આપી દીધી છે. હવે આ ફિલ્મ સિનેમાઘરોમાં રિલીઝ માટે તૈયાર છે. ટૂંક સમયમાં આ અંગેની તારીખ પણ જાહેર કરવામાં આવશે.

કંગનાએ આ માહિતી પોસ્ટ કરી

તમને જણાવી દઈએ કે કંગના રનૌતે (Kangna Ranaut)પોતે આ વાતની જાણકારી પોતાના સોશિયલ મીડિયા પર પોસ્ટ કરી છે. કંગનાએ સોશિયલ મીડિયા પ્લેટફોર્મ X પર લખ્યું, 'અમને જણાવતા ખૂબ જ આનંદ થાય છે કે સેન્સર બોર્ડે અમારી ફિલ્મને પાસ કરી દીધી છે. હવે ટૂંક સમયમાં આ ફિલ્મ સિનેમાઘરોમાં રિલીઝ થશે. અમે ટૂંક સમયમાં તેની રિલીઝ તારીખ પણ તમારી સાથે શેર કરીશું. અમને ટેકો આપવા બદલ દરેકનો આભાર. કંગનાની આ પોસ્ટ પછી હવે સ્પષ્ટ દેખાઈ રહ્યું છે કે ફિલ્મ રિલીઝ માટે તૈયાર છે. મેકર્સ ટૂંક સમયમાં તેની રિલીઝ ડેટ પણ જાહેર કરવાના છે.

આ પણ  વાંચો -બે પત્નીઓનો પતિ મોતના મુખમાંથી હેમખેમ બહાર આવ્યો, જુઓ વીડિયો

શું હતો વિવાદ

તમને જણાવી દઈએ કે કંગના રનૌત અભિનીત આ ફિલ્મ 6 સપ્ટેમ્બરે રિલીઝ થવાની હતી. પરંતુ આ ફિલ્મ રિલીઝ થતા પહેલા જ વિવાદોમાં ફસાઈ ગઈ હતી. ભારતના પૂર્વ વડાપ્રધાન ઈન્દિરા ગાંધીના જીવન પર આધારિત આ ફિલ્મનો વિરોધ થયો હતો. ઘણા શીખ સમુદાયોએ આ ફિલ્મનો વિરોધ કર્યો હતો. ઉપરાંત, હરિયાણાની ચૂંટણી પહેલા આ ફિલ્મની રિલીઝ પર ઘણા જોખમો તોળાઈ રહ્યા હતા. આ તમામ વિવાદોને કારણે ફિલ્મની રિલીઝ ડેટ મોકૂફ રાખવામાં આવી હતી. આ પછી આ ફિલ્મ લાંબા સમય સુધી સેન્સર બોર્ડમાં અટવાયેલી રહી. હવે આ ફિલ્મને સેન્સર બોર્ડ તરફથી લીલી ઝંડી મળી ગઈ છે અને તે ટૂંક સમયમાં જ સિનેમાઘરોમાં આવવા માટે તૈયાર છે.