Swiss modelની હત્યા કરી તેની લાશના ટુકડા મિક્સરમાં.....

• મિસ સ્વિટ્ઝર્લેન્ડની ભૂતપૂર્વ ફાઇનલિસ્ટ ક્રિસ્ટીના જોક્સીમોવિકની બર્બરતાપૂર્વક હત્યા
• જોક્સીમોવિકની તેના પતિ દ્વારા નિર્દયતાથી હત્યા કરવામાં આવી
• પહેલા તેણે મૃતદેહના ટુકડા કર્યા અને પછી તે ટુકડાને બ્લેન્ડરમાં નાખી ક્રશ કર્યા
• આરોપી પતિ હવે દાવો કરી રહ્યો છે કે તેણે સ્વબચાવ માટે તેની પત્નીની હત્યા કરી હતી

Swiss model : મિસ સ્વિટ્ઝર્લેન્ડની ભૂતપૂર્વ ફાઇનલિસ્ટ Swiss model ક્રિસ્ટીના જોક્સીમોવિકની બર્બરતાપૂર્વક હત્યા કરવામાં આવી છે. આ હત્યા એટલી જઘન્ય રીતે કરાઇ છે કે તમે વાંચીને ધ્રુજી ઉઠશો. ભૂતપૂર્વ મિસ સ્વિટ્ઝર્લેન્ડ ફાઇનલિસ્ટ ક્રિસ્ટીના જોક્સીમોવિકની તેના પતિ દ્વારા નિર્દયતાથી હત્યા કરવામાં આવી હતી. આરોપીમાં એટલો બધો ગુસ્સો હતો કે પહેલા તેણે મૃતદેહના ટુકડા કર્યા અને પછી તે ટુકડાને બ્લેન્ડરમાં નાખીને ક્રશ કર્યા હતા. આ ભયાનક હત્યા કરનાર આરોપી પતિ હવે દાવો કરી રહ્યો છે કે તેણે સ્વબચાવ માટે તેની પત્નીની હત્યા કરી હતી.

પતિ થોમસે હવે સ્વબચાવમાં હત્યાની કબૂલાત કરી

સ્વિસ મોડલ ક્રિસ્ટીના જોક્સિમોવિચના પતિ થોમસે હવે સ્વબચાવમાં હત્યાની કબૂલાત કરી છે. ભૂતપૂર્વ મિસ સ્વિટ્ઝર્લૅન્ડ ફાઇનલિસ્ટ ક્રિસ્ટીના જોક્સીમોવિકની એક મિત્રએ હત્યા વિશે જાણ્યા બાદ કહ્યું કે તેને એવુ લાગતું હતું કે તેની મિત્રનો પરિવાર આદર્શ છે અને આવું બનશે તેવી તેને કલ્પના પણ ન હતી.

ક્રિસ્ટીનાની લાશના અવશેષોને તેના પતિ થોમસ દ્વારા બ્લેન્ડરમાં ક્રશ કરવામાં આવ્યા

સ્વિસ સત્તાવાળાઓના જણાવ્યા અનુસાર, ક્રિસ્ટીનાની લાશના અવશેષોને તેના પતિ થોમસ દ્વારા બ્લેન્ડરમાં ક્રશ કરવામાં આવ્યા હતા. થોમસે 2017 માં ક્રિસ્ટીના જોક્સિમોવિચ સાથે લગ્ન કર્યા હતા અને તેમને બે બાળકો પણ છે. સ્થાનિક આઉટલેટ બ્લિકના અહેવાલો મુજબ પોસ્ટમોર્ટમ અનુસાર, ક્રિસ્ટીનાના મૃતદેહને તેના લોન્ડ્રી રૂમમાં કરવત છરીઓ અને ગાર્ડન કેચીનો ઉપયોગ કરીને ટુકડા કરવામાં આવ્યા હતા. ત્યારબાદ તેના અવશેષોને હેન્ડ બ્લેન્ડથી કાપી નાખીને ક્રશ કરી દેવાયા હતા. 38 વર્ષીય કેટવોક કોચ આ વર્ષે ફેબ્રુઆરીમાં તેના ઘરે મૃત હાલતમાં મળી આવી હતી. તેના પતિ થોમસે સ્વબચાવનો દાવો કરતાં હત્યાની કબૂલાત કરી છે. તેણે કહ્યું કે તેણે તેના પર છરી વડે હુમલો કર્યો હતો.

આ પણ વાંચો---Blinkit પર યુવકે પુરુષોની અંડરવિયર કરી ઓર્ડર, તો મળી મહિલાની પેન્ટી

અહેવાલો તેમના સ્વ-બચાવના ખાતાનો વિરોધાભાસ ઉભો કરે છે

જો કે, અહેવાલો તેમના સ્વ-બચાવના ખાતાનો વિરોધાભાસ ઉભો કરે છે. કોર્ટનો નિર્ણય સૂચવે છે કે જોક્સિમોવિચનું મૃત્યુ પહેલા ગળું દબાવવામાં આવ્યું હતું. ક્રિસ્ટીનાનો મૃતદેહ મળ્યાના બીજા જ દિવસે આરોપી થોમસની ધરપકડ કરવામાં આવી હતી. BZ બેસલના જણાવ્યા અનુસાર, આરોપીએ શરૂઆતમાં દાવો કર્યો હતો કે તેને ક્રિસ્ટીના મૃત હાલતમાં મળી હતી અને તેણે ગભરાટમાં તેના શરીરના ટુકડા કરી નાખ્યા હતા.

ક્રિસ્ટીનાએ તેના ઇન્સ્ટાગ્રામ એકાઉન્ટ પર દંપતીની રજાના ફોટા શેર કર્યા હતા

યુ.કે. સ્થાનિક મીડિયા આઉટલેટ LBC અનુસાર, તપાસ દરમિયાન નક્કર સંકેતો મળ્યા છે કે આ કેસનો આરોપી માનસિક બિમારીથી પીડિત છે. આ દંપતી બેસલના એક સમૃદ્ધ વિસ્તારમાં એક મોટા મકાનમાં રહેતું હતું. તેના મૃત્યુના ચાર અઠવાડિયા પહેલા, ક્રિસ્ટીનાએ તેના ઇન્સ્ટાગ્રામ એકાઉન્ટ પર દંપતીની રજાના ફોટા શેર કર્યા હતા.

જોક્સિમોવિચ 2007ની મિસ સ્વિટ્ઝરલેન્ડ સ્પર્ધામાં ફાઇનલિસ્ટ રહી હતી

તમને જણાવી દઈએ કે ક્રિસ્ટીના જોક્સિમોવિચ 2007ની મિસ સ્વિટ્ઝરલેન્ડ સ્પર્ધામાં ફાઇનલિસ્ટ રહી હતી અને અગાઉ મિસ નોર્થવેસ્ટ સ્વિટ્ઝર્લેન્ડનો તાજ પહેરાવવામાં આવ્યો હતો. બાદમાં તે કેટવોક કોચ બની સ્કાય ન્યૂઝના રિપોર્ટ અનુસાર, આ વર્ષે 13 ફેબ્રુઆરીના રોજ 38 વર્ષની મોડલ ક્રિસ્ટીનાની હત્યા કરવામાં આવી હતી. ક્રિસ્ટીનાનો મૃતદેહ બિનિંગેન શહેરમાં તેના ઘરના લોન્ડ્રી રૂમમાંથી મળી આવ્યો હતો.

પહેલા તેનું ગળું દબાવવામાં આવ્યું હતું

ક્રિસ્ટીનાના પોસ્ટમોર્ટમ રિપોર્ટમાં ખુલાસો થયો હતો કે પહેલા તેનું ગળું દબાવવામાં આવ્યું હતું. થોમસે પોતાની કબૂલાતમાં આ વાત સ્વીકારી છે. આ પછી તેણે ક્રિસ્ટીનાના શરીરને લોન્ડ્રી રૂમમાં કરવત, છરી અને છોડની કાપણી માટે વપરાતી કાતરની મદદથી ટુકડા કરી નાખ્યા.

આ પણ વાંચો----30 વર્ષની નર્સ બની સનકી 53 વર્ષના તબીબના પ્રેમમાં, શારીરિક સંબંધ પછી...