ગુજરાતમાં શાતિપૂર્ણ માહોલમાં તલાટીની પરીક્ષા સંપન્ન, પેપર લાંબુ હોવાનો ઉમેદવારોનો મત

તલાટી પરીક્ષા પૂર્ણ થયા બાદ ભરતી બોર્ડના ચેરમેન હસમુખ પટેલે કહ્યું કે  રાજ્યમાં તલાટીની પરીક્ષા શાંતિપૂર્ણ માહોલમાં પૂર્ણ થઈ છે. મે ગાંધીનગરમાં કેન્દ્રોની મુલાકાતો લીધી છે અને  ખુબ સારી વ્યવસ્થા ગોઠવાઈ હતી. તેમણે કહ્યું કે  બુટ ચપ્પલ કઢાવીને જ પરીક્ષાર્થીઓને પ્રવેશ અપાયો

હસમુખ પટેલે કહ્યું કે  તમામ લોકોએ પરીક્ષાને સામાજીક પ્રસંગ બનાવી દીધો હતો અને પોલીસ તંત્રએ પણ ખુબ વ્યવસ્થાઓ કરી છે. અમદાવાદમાં રિક્ષા ચાલક એકતા યુનિયને પણ હેલ્પલાઈન શરૂ કરી હતી. એસટી તંત્ર અને રેલવેનો પણ હું આભાર માનુ છું. તેમણે કહ્યું કે  વેકેસન અને લગ્નગાળાને લઈ ટ્રાફિકની સમસ્યાઓ મળી હતી અને  મને ફોન આવતા પોલીસ વિભાગને જાણ કરતો હતો. આજે છત્રાલ પાસે ટ્રાફિકની સમસ્યા હતી જેને પોલીસે દૂર કરી હતી. પરીક્ષા કેન્દ્રો શોધવા માટે જિલ્લા તંત્રએ ખુબ મહેનત કરી છે. ઈન્ટેલિજન્સ વિભાગે પણ ખૂબ ઉંડાણથી કામ કર્યુ છે