Sukhdev Gogamedi : સુખદેવની હત્યાથી રાજસ્થાનમાં સ્થિતિ વણસી, BJP કાર્યાલયમાં તોડફોડ, તપાસ માટે SIT ની રચના
રાષ્ટ્રીય રાજપૂત કરણી સેનાના પ્રમુખ સુખદેવ સિંહ ગોગામેડીની મંગળવારે જયપુરમાં દિવસે દિવસે હત્યા કરવામાં આવી હતી. આ પછી કરણી સેનાએ આજે બંધનું એલાન આપ્યું છે. ગૃહ વિભાગના મુખ્ય સચિવ આનંદ કુમારે કહ્યું કે સુખદેવ હત્યા કેસની તપાસ NIAને સોંપવા અંગે આંદોલનકારીઓ સાથે વાતચીત ચાલી રહી છે. મામલાના ઉકેલ માટે તમામ પ્રયાસો કરવામાં આવી રહ્યા છે. લોકોને શાંતિ જાળવવા અપીલ છે.
#WATCH | Karni Sena members protest in Rajasthan's Jaipur over the murder of Sukhdev Singh Gogamedi, national president of Rashtriya Rajput Karni Sena. pic.twitter.com/IjAOtsYnms
— ANI (@ANI) December 6, 2023
સુખદેવસિંહ ગોગામેડીની હત્યાના કારણે રાજસ્થાનમાં તણાવનો માહોલ છે. જયપુર, જોધપુર, કોટા, બિકાનેર, જેસલમેર, ચુરુ અને ઉદયપુર સહિત અન્ય જિલ્લાઓમાં બજારો બંધ છે. હત્યારાઓની ધરપકડની માંગ સાથે દેખાવો થઈ રહ્યા છે. જેના કારણે જયપુરમાં અજમેર-હાઈવે પર લગભગ 2 કલાક જામ રહ્યો હતો. લોકોના ટોળાએ ભાજપના પ્રદેશ કાર્યાલયમાં તોડફોડ કરી હતી. લોકોનું ટોળું જોધપુર રેલવે સ્ટેશન પર પણ પહોંચી ગયું હતું અને સૂત્રોચ્ચાર કર્યા હતા.
#WATCH | On the murder of Sukhdev Singh Gogamedi, the national president of Rashtriya Rajput Karni Sena in Rajasthan, Union minister Kailash Choudhary says, "There is no place for goons in Rajasthan. Punishment should be given to those who indulge in criminal activities." pic.twitter.com/PayX03nd1b
— ANI (@ANI) December 6, 2023
'રાજસ્થાનમાં ગુંડાઓ માટે કોઈ સ્થાન નથી'
રાજસ્થાનમાં રાષ્ટ્રીય રાજપૂત કરણી સેનાના રાષ્ટ્રીય અધ્યક્ષ સુખદેવ સિંહ ગોગામેડીની હત્યા પર કેન્દ્રીય મંત્રી કૈલાશ ચૌધરીએ કહ્યું કે, રાજસ્થાનમાં ગુંડાઓ માટે કોઈ સ્થાન નથી. ગુનાહિત પ્રવૃત્તિઓમાં સંડોવાયેલા લોકોને સજા થવી જોઈએ. ગોગામેડી હત્યા કેસની સઘન તપાસ માટે DGP ઉમેશ મિશ્રાએ SIT ની રચના કરી છે. ADG ક્રાઈમ દિનેશ એનએમની દેખરેખ હેઠળ SITની રચના કરવામાં આવી છે. ગોગામેડી હત્યા કેસના બંને આરોપીઓની ઓળખ થઈ હતી. FIR નોંધાતાની સાથે જ બંને આરોપીઓ પર 5-5 લાખ રૂપિયાનું ઈનામ જાહેર કરવામાં આવશે. આરોપીઓ વિશે માહિતી આપનારને 5 લાખ રૂપિયાનું ઈનામ આપવામાં આવશે. ડીજીપીએ કહ્યું કે પોલીસ હત્યારાઓને સક્રિય રીતે શોધી રહી છે.