સ્મૃતિ ઇરાનીનો આરોપ, રાહુલ કઇ મજબૂરીમાં સુનિતા વિશ્વનાથને મળ્યા ?

કેન્દ્રીય મંત્રી અને બીજેપી નેતા સ્મૃતિ ઈરાનીએ કોંગ્રેસ નેતા રાહુલ ગાંધી પર તેમના અમેરિકા પ્રવાસને લઈને મોટો આરોપ લગાવ્યો છે. તેમણે કહ્યું કે સુનીતા વિશ્વનાથ યુએસમાં રાહુલ સાથે બેઠા હતા. પહેલા જ સામે આવી ચુક્યું છે કે જ્યોર્જ સોરોસ ભારત વિરુદ્ધ કામ કરી રહ્યા છે અને સુનીતા વિશ્વનાથના પણ સોરોસ સાથે સંબંધો છે.

સ્મૃતિ ઈરાનીએ કહ્યું, તેમણે દેશને જણાવવું જોઈએ કે રાહુલ ગાંધી જ્યોર્જ સોરોસ સાથે શું વાત કરી રહ્યા હતા. સોરોસના ભારત વિરોધી વિચારો કોઈનાથી છુપાયેલા નથી. આવી સ્થિતિમાં રાહુલ ભારતની બહાર ભારત વિરોધી લોકોને મળે તે શું દર્શાવે છે એ પણ તેમણે જણાવવું જોઇએ..

સ્મૃતિએ દાવો કર્યો હતો કે, જ્યોર્જ સોરોસ અને તેમના દ્વારા ભંડોળ પૂરું પાડવામાં આવતી સંસ્થાઓ નવી નથી, તે જૂની છે. એક પ્રકાશનમાં એવું બહાર આવ્યું છે કે સલિલ સેઠી નામના સજ્જન, જેઓ ઓપન સોસાયટીના વૈશ્વિક પ્રમુખ છે, તેઓ જ્યોર્જ સોરોસની સંસ્થાના સભ્ય છે અને રાહુલ ગાંધીની ભારત જોડો યાત્રામાં સાથે  હતા.

તેમણે વધુમાં કહ્યું કે ભાજપે અગાઉ પણ આ વિષય ઉઠાવ્યો હતો કે જ્યોર્જ સોરોસ ભારતમાં લોકતાંત્રિક રીતે ચૂંટાયેલી સરકારને કેવી રીતે હટાવવા માગે છે. રાહુલની અમેરિકા મુલાકાત ભાજપ દ્વારા તેમની સામે દાખલ કરવામાં આવેલી એફઆઈઆર સાથે સંબંધિત છે. તેમણે કહ્યું કે ભાજપ તેની માહિતી મેળવી રહી છે.

આ પહેલા ભાજપના પ્રવક્તા અમિત માલવિયાએ પણ આ મુદ્દો ઉઠાવ્યો હતો. તેમણે ટ્વિટ કર્યું હતું કે, "ડીસીમાં 'થિંક ટેન્ક' સાથે વાતચીત દરમિયાન રાહુલ ગાંધીની બાજુમાં ઊંચા ટેબલ પર બેઠેલી મહિલા સુનિતા વિશ્વનાથ છે. સુનિતા વિશ્વનાથ હિન્દુઝ ફોર હ્યુમન રાઇટ્સ (HFHR)ના સહ-સ્થાપક છે અને અમેરિકન મુસ્લિમ કાઉન્સિલ (IAMC) જેવી કટ્ટરપંથી સંસ્થાઓ સાથે ઘણા કાર્યક્રમોમાં સાથે હતા.

તમને જણાવી દઈએ કે રાહુલ ગાંધીનો 10 દિવસનો યુએસ પ્રવાસ 28 મેથી શરૂ થયો હતો. તેમની અમેરિકાની મુલાકાત એવા સમયે થઈ છે જ્યારે કર્ણાટક વિધાનસભા ચૂંટણીમાં મળેલી સફળતાથી પાર્ટીનું મનોબળ વધ્યું છે.

તે જ સમયે, સ્મૃતિ ઈરાનીના આરોપનો વીડિયો શેર કરતી વખતે, કોંગ્રેસ નેતા સુપ્રિયા શ્રીનાતે ટોણો મારતા કહ્યું, "આ ગયે યે? મેડમ ટામેટા 125 રૂપિયા પ્રતિ કિલો સુધી પહોંચી ગયા છે." જણાવી દઈએ કે કોંગ્રેસ મોંઘવારી મુદ્દે મોદી સરકાર પર નિશાન સાધી રહી છે.

આ પણ વાંચો----એક વર્ષમાં ભારતીયો આટલા કરોડનો દારૂ ગટગટાવી ગયા, આ રાજ્ય પીવામાં સૌથી આગળ